Mateo 28:18 - Nuevo Testamento Toba Sombrero Negro

¹⁸ Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Nuevo Testamento Toba Sur

¹⁸ Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

La'aqtaqa Ñim Lo'onatac 'Enauacna 2013

¹⁸ Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 28:18 Referans Kwoze

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

1 Pedro 3:22

Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Hebreos 2:8

Qama'le yema gaa'me jo'ne uo'oe ena'am ta'le auacho'oto naa'me lapia'te joñe'me qaedi nejaliaĝatelo'te.” Chane'eja joñe'me Dios joote yem da'me yacho'oto naa'me lapia'te joñe'me jiyaĝaua yema gaa'me uo'oe. Qaya'te 'uo ga'me onolec ta'le ja qonauela't, mate mane'e maliaĝa ja jauanaĝa da'me yema joote qonauela't.

1 Corintios 15:27

Joote qoyediñe ca'li gaa'me nedii's 'me 'laqatac ñe'me Dios, eet'oi: “Ena'uaque gaa'me uo'oe, Dios 'yetem ñe'me Cristo qaedi ena'uaque yelolo'te.” Qalaĝaja qom enaac queda'me ena'uac yelolegue ñe'me Cristo, qama'le dojo' di'yoq q'aen queda'me ja yalequeten ñe'me Dios, qa'a nach'eñe ñe'me jo'ne 'yetem qaedi yelolegue ena'uac.

Juan 17:2

Qa'a naqa'am jo'ne jayem auanem da'me yañoqotaĝanaĝac qaedi ñejaliaĝatelo'te yema ga'me jiyaĝadipi, nataq'aen da'me auanema da'me 'loyaĝac jo'ne ja 'naidena'a yema jogaa'me jo'ne jayem auanema.

Juan 13:3

Jesús yayaten da'me chiyaqaje'ma ñe'me Dios mach'e Let'a, nach'e ena'am da'me yitaĝa 'viyelaĝaje'ma ñe'me, nataq'aen ñe'me Let'a joote yanem yema da'me lañoqotaĝanaĝac qaedi yema yaqanatet ta'le ya'uo.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

Colosenses 2:10

qama'le nayi yataqata ami jaqachiguilo da'me lajoĝoc ñe'me Dios, qa'a Cristo nach'eñe laqai'j ena'uaque gaa'me nañoqotaĝanaĝaco nataq'aen nejaliaĝaco.

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

Apocalipsis 19:16

Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

Romanos 14:9

Qa'a joñe'me Jesucristo yeleu nataq'aen yitaĝa 'niyelaĝajeguem qaedi male naqaeñe joñe'me Lejaliaĝane'j jogaa'me joote yele'u nach'e ena'ama jogaa'me maliaĝa nec'aletedaye.

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Hechos 2:36

“Chane'eja auayachiñe jo' da'me dojo', ami Israel c'oqo'tepi, queda'me nach'eñe Jesús jo'ne auep'eñiyajeguem, Dios yejaliaĝat nataq'aen en Liquiyac.”

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Juan 3:31

Joñe'me jo'ne chiyoĝogue di'me p'ajeguem napacalegue ena'uac; gaa'me jo'ne ueda'ña jena'me aleua nach'egaua jo'ne ch'e aleua laje' nataq'aen da'me 'yaĝate'tape gaa'me uo'oe jo'ne ch'e ueda'ña jena'me aleua. Qalaĝaja joñe'me jo'ne chiyoĝogue di'me piyem nach'eñe jo'ne napacalegue ena'uac,