Mateo 27:40 - Nuevo Testamento Toba Sombrero Negro

⁴⁰ nataq'aen enaac: —Am jo'ne jetaque auapalaĝat mañaĝa ga'me tamenaĝaiqui let'adaic nataq'aen auaqanatet ta'le yitaĝa a'niyelaĝachijeguem qom tresolqa gaa'me noloqo'ote, ¡mach'e anec'alaĝatela't! Qom eja am Dios Lec'oĝot, ¡male auachiyaqalegue jana'me anesodoso da'me anenochiñe!

Nuevo Testamento Toba Sur

⁴⁰ Nachi 'eeta': –'Am mayi qonetega co'ollaxa da 'anlaxajñi añi n'onaxanaxaqui late'edai, ime, nachi qaltaq 'an'oxooshiguem, tres na'axa'te nachi 'aumat. Qaq nagui maichi 'anca'alaxajla't qome. Qom ÿoqta 'eesa da 'am llalec ñi Dios, qaq 'aunoteeguesop qome na 'am qaiuaxaata'aguet.

La'aqtaqa Ñim Lo'onatac 'Enauacna 2013

⁴⁰ Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Mateo 27:40 Referans Kwoze

Mateo 26:61

jo'ne enapega't: —Jenjo' jiyaĝaua enaac quelqaya: «Jaqanatet ta'le japalaĝat ñe'me tamenaĝaiqui 'me Dios loĝot nataq'aen yitaĝa 'ñedijeguem tres noloqo'ote qama'le jomat.»

Mateo 4:6

qama'le enaac: —Ta'le yataqachiñe eja am Dios Lec'oĝot, qama'le auenotegue; qa'a da'me Dios 'laqatac enaac: «Dios am namaĝadi'ña gaa'me lamaĝa's jo'ne piyem laje' qaedi am neteleta.» Nataq'aen enaac: «Am yacotedo'ot qaedi qaya'te gamachaqaega qa' ta'le anedo'oguet.»

Mateo 4:3

Chane'eja ñe'me payac yec'ata joñe'me Jesús qaedi yapiyen, qama'le enaac: —Ta'le yataqachiñe eja am Dios Lec'oĝot, qama'le auamaĝalo'te naa'me naajo' qadipi qaedi neleguemaĝatalo panpi.

Apocalipsis 11:10

Jogaa'me jo'ne 'lachaqa't jodi'me aleua ja 'yamaqate'n jodia'me Dios 'laqataĝanaĝanaqa, qa'a eetedapega nach'ediaua dia'me jo'ne chiyaqayilo da'me layaliaqa'. Chane'eja yataqata netotec da'me leleuaĝa' jodia'me, yauote da'me lamai'j nataq'aen yache't gaa'me leyalaqataĝanaĝa'j gaa'me laqaya'.

Lucas 16:31

Qalaĝaja Abraham enaac: «Qom ja jetaque yoqochideta di'me Moisés nataq'aen Dios 'laqataĝanaĝanaqa, qama'le ¿teua'atoqo' 'yamaqaten qom 'uo gamachaqaega yeleu jo'ne 'niyelaĝajeguem?»”

Mateo 27:54

Mane'e ca'li yauana da'me dojo' ñe'me lejaliaĝane'j jogaa'me vitaĝayaqa choqogaa'me ueteda'ajop joñe'me da'me yiviteteda'a ñe'me Jesús, queda'me qo'yiquiaĝan jena'me aleua nataq'aen ena'uaque gaa'me di'yoĝoma ca'li, qama'le yataqachiñe najaĝayelo da'me loqolanaqa't jogaa'me nataq'aen enapega't: —¡Yataqachiñe eja queda'me jenjo' jiyaĝaua mach'e Lec'oĝot joñe'me Dios!

Mateo 27:42

—Nec'alaĝatedegue jogaa'me jiyaĝa'u laqaya', qalaĝaja ja yaqanatet ta'le mach'e nec'alaĝatela't. Nach'eñe lajoĝola't joga'me israelpi: qama'le 'noota ta'le chiyaqalegue jana'me sodoso da'me nenochiñe, qama'le jep'iyaqa joñe'me.

Mateo 16:4

Jenjo' jiyaĝadipi jo'ne loeco lo'olpi nataq'aen ja yataĝalegue yiyaĝataque ga'me 'nanec 'me qoyoqoch'em; qalaĝaja ja yitaĝa qoyanema ga'me 'nanec, jalgata ga'me uaue ca'li ñe'me Jonás.” Yem qama'le yitaĝa ec ñe'me Jesús, ca'ae jogaa'me.

Mateo 27:41

Nach'e naq'aeta ye'uetedac joñe'me jogaa'me lejaliaĝanaqa ga'me tamenaĝaiqui lo'olpi choqoga'me judiopi napaĝaguenoqo'tpi nataq'aen joga'me 'yaĝaicachidipi, enapega't: