Mateo 27:2 - Nuevo Testamento Toba Sombrero Negro

² Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Nuevo Testamento Toba Sur

² Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

La'aqtaqa Ñim Lo'onatac 'Enauacna 2013

² Nache qaicoñetta'a't naua lhua'q Somaye, ime nache qanqateeguesop so lma' so Caifás, nache qaỹauegueua'a so nta'a Poncio Pilato maye lta'a na Roma le'ecpi.

Mateo 27:2 Referans Kwoze

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Mateo 20:19

Chane'eja jayem qoyanouelo qomle jogaa'me ja 'lachaqa'tena, qaedi jayem qoye'uetac, jayem qoye'uaĝan chayovida'a jayem qoyep'enajeguem; qalaĝaja qom yenoĝodegue gaa'me tres noloqo'ote qama'le yitaĝa 'ñiyelaĝajeguem.

1 Timoteo 6:13

Qama'le da'me lec'atenaĝanaĝac ñe'me Dios jo'ne naqaeñe ya'uo 'loyaĝac yema ga'me uetalegue jena'me aleua, choqoñe'me Jesucristo jo'ne yataqata ja t'oiya'aguet ca'li joñe'me Poncio Pilato da'me 'yaĝatem da'me eja, qama'le nayi am jamaĝalegue

Lucas 13:1

Nach'ega jojo' nolo' ca'li uo'oe gaa'me yec'adeta ñe'me Jesús qama'le t'aqataĝatem queda'me Pilato damaĝajoĝolo'te qaedi qoyala't gaa'me Galilea laje' ca'li maliaĝa ja yem da'me yidoue gaa'me lajaqaje'j.

Hebreos 13:3

Anetoviñetaque gaa'me adaqayadi' jo'ne netedaue jaga'me coñetaĝanaĝaiqui, qama'le ena'am aueñi da'me uotaĝa ena'am ta'le anecoñetaĝa'udi' jogaa'me, nataq'aen da'me auenache'talo gaa'me jo'ne joote ja no'en da'me qo'yeteque, queda'me uotaĝa nach'e ena'am da'me ami qo'yeteque qomle.

2 Timoteo 2:9

Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't,

Hechos 28:20

Chane'eja nach'eda dojo' jouaĝat da'me ami jiyaĝanalo, qaedi ami jauanalo nataq'aen ami jojapegue'to; qa'a nach'eda da'me qadeuataqataĝanaĝac, da'me qo'mi israelpi, jo'ne chiyaqayi da'me jayem qoyecoñedeta't nayi.

Hechos 24:27

Yenoĝodegue dos 'uoidi da'me naq'aetec; ua'edi Félix yaĝanegue da'me lejaliaĝa, na'ña ga'me 'lachaqa' da'me tayi ñe'me Porcio Festo. Qama'le queda'me Félix jetaque nach'e eta't niyamaĝadenegueta joga'me judiopi, ñe'me Pablo nach'e yanetaue jaga'me coñetaĝanaĝaiqui.

Hechos 22:29

Chane'eja, gaa'me jo'ne jetaque ye'uaĝa'n ñe'me Pablo male queda'e ñe'me; chayovida'a mach'eñe ñe'me coicopi lajoĝola', da'me noma'a queda'me Roma le'ec ñe'me Pablo, qama'le t'oiyalegue da'me yecoñe'.

Hechos 22:25

Qalaĝaja mane'e ca'li joote qoyecoñe' qaedi qoye'uaĝan, Pablo yachimaĝata ñe'me capitán jo'ne ue'tedi: —¿Qo'li auaqanachichi da'me anejaliaĝachilegue ga'me Roma le'ec qaedi a'uaĝañi, uoja'eda queda'me maliaĝa ja anemichiyaque ga'me laviyaĝajet?

Hechos 21:33

Chane'eja ñe'me coicopi lajoĝola' yec'ata ñe'me Pablo qama'le yecoñe' nataq'aen damaĝajoĝolegue qaedi qoyecoñeteque ga'me laicaual. Yem qama'le yachimaĝatec ga'me lenaĝat ñe'me, nataq'aen jach'e ga'me ya'uo ca'li.

Hechos 12:6

Nach'ejo jo'me pi'yaq ca'li ga'me nete' da'me Herodes jetaque yaloĝonouelo ga'me jiyaĝadipi, Pedro t'ochetac uetauelo jogaa'me vitaĝayaqa, nalochiguilo naa'me loua' gaa'me qoyetaĝanaqa'te 'me laicaual, qaale gaa'me coico laje' laqaya' ueteda'uet ga'me coñetaĝanaĝaiqui najom da'me yeviteteda'a.

Hechos 9:2

qama'le yiyaĝanaque da'me qoya'uo jaga'me nediije jo'ne lajoĝolate da'me ya'uo da'me dojo' qaedi yec'atalo gaa'me nemaĝaiqui' di'me Damasco, da'me yecaa'tape gaa'me jo'ne quetegue da'me dalaĝaic nadic, ga'me jiyaĝadipi nataq'aen ga'me yauodipi, qaedi yaueta di'me Jerusalén qaedi qoyecoñe't.

Hechos 4:27

“Qa'a yataqata eja ñe'me Herodes choqoñe'me Poncio Pilato nataq'aen ga'me israelpi nataq'aen ga'me jiyaĝadipi jo'ne ja 'lachaqa'tena da'me yema nauteta ñe'me ja 'nalegue adalemaĝajet mach'e Jesús, nach'eñe jo'ne a'uatetelegue da'me auen Adiquiyac.

Juan 18:24

Qama'le ñe'me Anás yamaq ñe'me Jesús jo'ne necoñetaejec, yamaĝa ñe'me Caifás jo'ne lajoĝola't gaa'me tamenaĝaiqui lo'ol.

Juan 18:12

Joga'me coicopi choqoñe'me mach'e lejaliaĝane'j nataq'aen jogaa'me neteloqo't joga'me tamenaĝaiqui male yacode'uo joñe'me Jesús qama'le yecoñe't.

Lucas 20:20

Uo'oe gaa'me qoyama' c'atenaĝanaĝayaqa jo'ne eetapela'ajalo jiyaĝa'u jo'ne yataqatelo'te, qaedi e'n nenaĝatedegue ñe'me Jesús gamachaqaegaua uo'oe jo'ne chiyaqayi da'me uajoilo'te ga'me 'laqataqa, qama'le naq'aeta da'me male qoyanot ñe'me jaliaĝanec 'me Roma le'ec jo'ne nejaliaĝatelo'te gaa'me judiopi.

Lucas 3:1

Nach'ega uo'e jo'ne quince da'me lejaliaĝa ñe'me Roma le'ec Tiberio, jo'ne nec'atenoqo't di'me aleua, nataq'aen Poncio Pilato nejaliaĝatelegue ca'li di'me Judea, Herodes nejaliaĝatelegue di'me Galilea, ñe'me lachoqolec Filipo nejaliaĝatelegue di'me Iturea nataq'aen Traconítide, nataq'aen Lisanias nejaliaĝatelegue di'me Abilene.

Mateo 28:14

Qom noma'a da'me dojo' ñe'me adejaliaĝanequi Poncio Pilato qama'le mach'e qo'mi da'me ja'ataĝaguet qaedi ja ami 'te ualo'te gamachaqaega adajouaĝajechi.

Lucas 23:1

Ena'uaque jogaa'me ñidijeguem, qama'le yaue'j ñe'me Jesús qaedi qoyajoĝona'aguet ñe'me Pilato.

Lucas 23:12

Nach'ejo jo'me nolo' da'me male niyamaĝadena't ñe'me Pilato nataq'aen Herodes, jo'ne ja nauotena't ca'li.

Juan 18:28

Joñe'me Jesús male qoyauega ga'me 'lachaqa' ñe'me Caifás qama'le yauedeta ga'me 'lachaqa' ñe'me jaliaĝanec jo'ne Roma le'ec. Queda'me yamta'le nete', jogaa'me judiopi lajoĝola'te ja yenoĝodoue ga'me emec jo'ne lejaliaĝaiqui ñe'me Roma le'ec, queda'me t'oida'aguet da'me qom naq'aeta qama'le 'uo ga'me lepatenaĝanaĝa'j jo'ne e'n paĝachiguilo naa'me lai'li jogaa'me, da'me qom naq'aeta qama'le ja yaqanate't ta'le yali'j ga'me niqui'yaĝanataĝanaĝac ga'me nolo' jo'ne Pascua.