Mateo 27:19 - Nuevo Testamento Toba Sombrero Negro

¹⁹ Mane'e ca'li Pilato maliaĝa netaue ga'me lejaliaĝaiqui, jañe'me loua yedenaqatena da'me 'laqatac enaac: “Ena'te aualequeten ga'me qo'yetec na'me jiyaĝaua jo'ne yataqatelegue, qa'a jepi'yaq chaqae'ta ga'me jechoĝona jouaĝat na'me nojo' jiyaĝaua.”

Nuevo Testamento Toba Sur

¹⁹ Qaq so Pilato co'ollaq ña nso'ootaña so l'onataxanqa', nachi aso lhua namaxai' da l'aqtac, 'eeta': “Sa ishit qome da 'aÿapegueu'a que'eca shiÿaxaua mayi no'on da lataxac, cha'ayi so pe ÿataqta qaica ca 'en'am da lchic so ichoxonaxac, souaxat camayi.”

La'aqtaqa Ñim Lo'onatac 'Enauacna 2013

¹⁹ Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Mateo 27:19 Referans Kwoze

Mateo 27:24

Ca'li Pilato yauana queda'me qaya'te yaqanatet dite da'me nichiguegue da'me yalimaĝan, damaĝajoĝonaque ga'me noĝop qama'le yiyo'y naa'me loua' ca'li maliaĝa dajo'tagueta jogaa'me, enaac: —Ja naqayem ta'le janoue da'me leleuaĝa jenjo' jiyaĝaua; mach'e adoĝochi.

1 Pedro 2:22

Joñe'me Cristo qaya'te 'uo ga'me loec nataq'aen qaya'te ta'le 'uo ga'me yoqovi'n.

Juan 19:13

Ca'li ñe'me Pilato domachiya da'me dojo', qama'le yenoĝonaqatenegue ñe'me Jesús qama'le ñichi'ña di'me c'atenaĝanaĝaiqui, di'me 'nachaqa' jo'ne lenaĝat da'me Gabatá, nach'eda da'me hebreo 'laqatac jo'ne yeloteguet «di'me naq'aec jo'ne qa'.»

Lucas 23:47

Mane'e ca'li ñe'me coico lajoĝola' yauana da'me dojo', qama'le 'nonaĝachigui ñe'me Dios, enaac: —Yataqachiñe eja, qaya'te lejamaĝataĝac jenjo' jiyaĝaua.

1 Juan 2:1

Ami yalaqapi, ami jamaĝalo jenjo' yediijec qaedi qaya'te ya'uo loec. Qalaĝaja, qom 'uo gamachaqaega ya'uo ga'me loec, qama'le joote 'uo joñe'me jo'ne qo'mi de'uolo'te jo'ne ne'tot joñe'me Qadet'a, mach'e Jesucristo jo'ne yataqatelegue.

Mateo 27:4

enaac: —Ja'uo da'me yoec queda'me janaĝaue da'me leleuaĝa ñe'me jo'ne qaya'te loec. Qalaĝaja jogaa'me 'yadeteguet: —Da'me dojo', ¿qo'li jenataqa'ta? ¡Jenjo' mach'e adoĝot!

Mateo 2:22

Qalaĝaja ca'li nometelegue da'me Arquelao nejaliaĝatelegue di'me Judea na'ña 'lachaqa' di'me let'a Herodes, qama'le t'oiyapega ta'le dajotegue da'me daja': chane'eja queda'me Dios uaqatalo taue q'aen da'me 'lochaĝa, qama'le dajotegue di'me aleua jo'ne Galilea.

Mateo 2:19

Qalaĝaja ca'li Herodes joote yeleu, 'uo ga'me piyem le'ec yitaĝa taue q'aen ga'me 'lochaĝa ñe'me José da'me naloĝoneguet, ca'li maliaĝa ue'ta di'me Egipto, qama'le dojapegue':

Mateo 1:20

Ca'li joote yataqachiñe uenatetelegue qaedi naq'aeta da'me ya'uo qanach'e 'uo ga'me piyem le'ec jo'ne chiyaqaje'ma ñe'me Jaliaĝanec, qama'le taue q'aen ga'me 'lochaĝa da'me naloĝoneguet qama'le dojapegue': “José, jo'ne mach'e am David c'oĝot, ena'te at'oiyapega da'me anauela't jañe'me María qaedi a'uoneguet, qa'a ga'me c'oĝot mach'e chiyaqayi da'me 'lañaĝac joñe'me Dios Lepaqal 'me ja 'nalegue.

Lucas 23:41

Qo'mi yataqachiñe chimaqachiñe da'me 'uo da'me qadachoĝodec, qa'a jaconaĝaguet da'me lajo'vi gaa'me jauoqo'oe; qalaĝaja jenjo' jiyaĝaua qamqa'me ja ya'uo ga'me ja no'en.

Mateo 27:18

Qa'a yetaden ca'li da'me qoyanegue ca'li yajouaĝat da'me lep'aguenataĝanaĝa'j.

Hechos 12:21

Qama'le 'uo jo'me nolo' qoyeque'ta, Herodes yaidiñe gaa'me leuo jo'ne lajaliaĝaqui', qama'le nañgui jaga'me neje'onaĝaiqui jo'ne lejaliaĝaiqui da'me ya'uo ga'me lojaĝac.

Hechos 18:12

Qalaĝaja gaa'me noloqo'ote ca'li ñe'me Galión nejaliaĝatelegue di'me Acaya, joga'me judiopi yema'a't ca'li da'me nauteteguet ñe'me Pablo; yeuede'uo ga'me nojaĝaiqui

Hechos 18:16

Qama'le en queda'e ga'me nojaĝaiqui.

Hechos 18:17

Chane'eja ena'uaque qoyaconalo ñe'me Sóstenes, ñe'me yelolegue ga'me judiopi lemaĝaiqui', qama'le nach'edi ua'a da'me qoye'uaĝan dajoya'a ga'me nojaĝaiqui. Qalaĝaja Galión ja uenate'ta da'me dojo'.

Hechos 25:6

Nalo'taguet ocho uotaĝa diez gaa'me noloqo'ote da'me ue'ta di'me Jerusalén ñe'me Festo; yem qama'le 'viyelaĝa di'me Cesarea. Ga'me nete' laqaya nañgui jaga'me lejaliaĝaiqui qama'le dajoĝolegue qaedi qoyen dajoya'aguet ñe'me Pablo da'me male qonemitaque ga'me laviyaĝajet.

Hechos 25:10

Pablo 'yateguet: —Jepaquetapega ta'le nach'eñe jaliaĝanec 'me ne'tague di'me Roma jajoya'aguet qaedi nemitaque ga'me yaviyaĝajet. Qalaĝaja da'me am joote auayaten queda'me qaya'te gamachaqaega ja no'en ta'le je'eteque joga'me judiopi.

Hechos 25:17

Qo'che' ca'li nec'adeta jena'me jenjo' jogaa'me, ja ñayaloĝoden ca'li, qama'le paja'a joñiguiñi nataq'aen jamaĝajoĝona ñe'me Pablo qaedi ñemitaque ga'me laviyaĝajet.