Mateo 26:75 - Nuevo Testamento Toba Sombrero Negro

⁷⁵ qama'le Pedro netouenalo gaa'me 'laqataqa ñe'me Jesús ca'li joote t'aqataĝanem: «Qom maliaĝa ja noyen ga'me olegaĝa, qama'le joote tres jayem anematapec.» Chane'eja ca'e ga'me ue'ta qama'le yataqachiñe noyen.

Nuevo Testamento Toba Sur

⁷⁵ Nachi so Pedro tachigui yi lauel da l'aqtac so Jesús co'ollaq 'eeta': “Qom yaqta'a da noÿin ca 'olgaxa, qaq 'am mashi sogote qome da tres 'avi'iguelaxalec da qonetega da aÿim sa 'auauatton.” Nachi so Pedro pa'auec, nachi ÿataqta noÿiitac.

La'aqtaqa Ñim Lo'onatac 'Enauacna 2013

⁷⁵ nache so Pedro tachigui lauel da la'aqtac So Jesús co'ollaq, 'eeta': «Qom yaqta'a da nỹen ca 'olgaxa, qaq 'am mashe sogote qome da tres 'avi'eguelaxalec da qonetega da Aỹem sa 'auauatton.» Nache so Pedro pa'auec, nache ỹataqta nỹeetac, qataq ỹataqta lta'araic da laquicoxo.

Mateo 26:75 Referans Kwoze

Mateo 26:34

Jesús enaac: —Eja da'me am ja'aĝatem queda'me nach'ena jenjo' pi'yaq, qom maliaĝa ja noyen ñe'me olegaĝa, qama'le joote tres jayem anematapec da'me aueetapega ja jayem 'te auateton.

Juan 13:38

Jesús yitaĝa 'yateguet: —¿Qo'li yataqata am eja da'me jetaque auanegue da'me at'oyaĝac qaedi jayem oquegue? Qalaĝaja qom taya'a da'me noyen ñe'me olegaĝa, qama'le joote yovida'alo qomle tres da'me a'viyelaĝalegue da'me jayem anemanec, da'me aueetapega ja jayem 'te auateton.

Gálatas 6:1

Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

1 Corintios 4:7

Jega, am yaqaya, ¿qo'li qoyen anapacalo'te jogaa'me adaqaya'olqa? Qalaĝaja ¡yema da'me dojo' jo'ne am ua'ajop nach'eñe Dios am yanem! Ta'le naq'aeta qom Dios am yanema naa'me naajo' uo'oe, qama'le qaya'te ladic ga'me at'aqatac ta'le auenapela't am 'noota jo'ne anapacalo'te ga'me adaqaya'.

Mateo 10:33

Qalaĝaja ga'me jo'ne jayem nemanec nale dajoya'agueta ga'me jiyaĝadipi, nach'e ena'am da'me jayem ñemanec joga'me qom jajoya'aguet ñe'me Taĝadena' 'me na'ague di'me piyem.

Mateo 26:74

Chane'eja ñe'me Pedro 'naĝatot joñe'me Dios queda'me eetapega ja yateton, enaac: —Ñe'me Dios nach'eñe ñaviyaqatoqo't qom jayem pecaic: ¡yataqachiñe ja jateton ñe'me jiyaĝaua jo'ne jayem a'uaĝachetapem! Qanach'ega ua'a ca'li noyen ga'me olegaĝa,