Mateo 26:74 - Nuevo Testamento Toba Sombrero Negro

⁷⁴ Chane'eja ñe'me Pedro 'naĝatot joñe'me Dios queda'me eetapega ja yateton, enaac: —Ñe'me Dios nach'eñe ñaviyaqatoqo't qom jayem pecaic: ¡yataqachiñe ja jateton ñe'me jiyaĝaua jo'ne jayem a'uaĝachetapem! Qanach'ega ua'a ca'li noyen ga'me olegaĝa,

Nuevo Testamento Toba Sur

⁷⁴ Nachi somayi ÿataqta n'axannec da nqolguet, qataq iÿaxaatega da qaÿalauat da huo'otaq ÿauatton somayi, nachi 'enapeco': –Aque', aÿim sa sauatton de'eda shiÿaxaua. Huaña, nachi noÿin so 'olgaxa.

La'aqtaqa Ñim Lo'onatac 'Enauacna 2013

⁷⁴ Nache so Pedro ỹataqta na'axannec da nqoleguettac, 'eeta': ¡Mashe qami' sa'aqtaxaateguema da saishet da sauatton de'era ỹale! ¡Ñim Lo'onatac 'Enauacna ỹauo'o qome ca ñeuaxanaguec da saishet da 'eesa de'era ñasaxauec! Nache co'ollaq ime da nasaxauec de'era nache nỹen so 'olgaxa,

Mateo 26:74 Referans Kwoze

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.

1 Corintios 16:22

Qom 'uo ga'me ja noqopita ñe'me Jaliaĝanec, joote qoyachetalegue ga'me ne'uaĝanaguec jo'ne yataqachiñe t'adaic. ¡Am Qadejaliaĝanec, ja anayaloĝoden da'me auanaequena!

Juan 18:27

Qama'le Pedro yitaĝa eetapega ja yateton joñe'me Jesús, qama'le paja'a da'me male noyen jo'me olegaĝa.

Mateo 10:28

Ena'te at'oyiyalo gaa'me jo'ne yaqanate't ta'le ami yala't, qa'a ja yaqanate't ta'le yala't ñe'me adepaqali. Nach'edata da'me at'oyiyapega ñe'me jo'ne yaqanatet ta'le ami yamaĝauelo di'me ne'uaĝanaqa' ga'me loeco lo'olpi jo'ne payac 'lachaqa' qaedi yapalaĝat ñe'me adepaqali nataq'aen ga'me adapachi.

Romanos 9:3

Qa'a chayovida'a chiliajaĝa naqayem jouetaue da'me jayem qoyachalegue da'me ja jayem 'te no'en, qaya'a ñe'me Cristo, qama'le naq'aeta da'me jaqanatet da'me ñiyamaĝade'to gaa'me mach'e yaqaya'olqa, jogaa'me jo'ne mach'e 'yachaqadiaĝa'u.

Lucas 22:60

Pedro enaac: —Am yaqaya, ja jayaten ga'me jo'ne a'uaĝatetac. Qanach'e ua'a ca'li, maliaĝa cha'li dojetac ñe'me Pedro, da'me noyen ga'me olegaĝa.

Marcos 14:68

Pedro nemaneguet jaga'me, enaac: —Ja jateton, nataq'aen ja jayaten ga'me jo'ne a'uaĝatetac. Qama'le yenoĝone'ga ga'me nadiiuo. Chane'eja ua'a da'me noyen ga'me olegaĝa.

Marcos 14:30

Qalaĝaja Jesús 'yateguet: —Eja da'me am ja'aĝatem queda'me nach'ena jenjo' pi'yaq, qom yauaqa'a da'me 'viyelaĝalegue da'me noyen ga'me olegaĝa, qama'le joote tres jayem anematapec da'me aueetapega ja jayem 'te auateton.

Mateo 27:25

Ena'uaque joga'me jiyaĝadipi 'yadeteguet: —¡Qo'mi nataq'aen gaa'me qochalqapi jenaĝa qadoĝot da'me leleuaĝa!

Mateo 26:34

Jesús enaac: —Eja da'me am ja'aĝatem queda'me nach'ena jenjo' pi'yaq, qom maliaĝa ja noyen ñe'me olegaĝa, qama'le joote tres jayem anematapec da'me aueetapega ja jayem 'te auateton.

Mateo 26:73

Nataq'aen ca'li copa'ta da'me dojo', gaa'me jo'ne uetede'edi yec'adeta ñe'me Pedro qama'le eedapega: —Yataqachiñe eja am nach'e ena'am auachiyaqauelo jogaa'me. Qa'a chayovida'alo naa'me at'aqataqa ena'ama jogaa'me.

Mateo 26:75

qama'le Pedro netouenalo gaa'me 'laqataqa ñe'me Jesús ca'li joote t'aqataĝanem: «Qom maliaĝa ja noyen ga'me olegaĝa, qama'le joote tres jayem anematapec.» Chane'eja ca'e ga'me ue'ta qama'le yataqachiñe noyen.