Mateo 26:52 - Nuevo Testamento Toba Sombrero Negro

⁵² Jesús enaac: —A'viyelaĝatoue na'me lae't na'me adedaĝanaĝat. Qa'a gaa'me jo'ne e'n naa'me ledaĝanaqa'te da'me deloiqui'tape, nach'e ena'am qoyalateque joga'me daĝanaqa'te.

Nuevo Testamento Toba Sur

⁵² Nachi so Jesús 'enapega somayi, 'eeta': –'Ai'oxot qome na 'ainec. Cha'ayi 'enauac qome nam huota'a na lainec da deloqui, nachi namayipi qaÿauota'a ÿiilonec da qaÿalauat.

La'aqtaqa Ñim Lo'onatac 'Enauacna 2013

⁵² Qalaxaye So Jesús 'enapega somaye, 'eeta': «'Oxot na 'ainec, cha'aye ca dalaataxana ca ỹeelonec, nache camaye qaira'a nataqa'en ca ỹeelonec da qaỹalauat.

Mateo 26:52 Referans Kwoze

Apocalipsis 13:10

“Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Romanos 12:19

Ami yaqaya'olqa, ena'te mach'e ami a'vichi da'me 'uo ga'me adividi, dite da'me auomachiya'a da'me naqaeñe ñe'me Dios ya'uo da'me ne'uaĝanaguec; qa'a naa'me nedii's eet'oi: “Naqayem yoĝot da'me ja'uo adividi; naqayem jejeten, naqaeda enaac ñe'me Jaliaĝanec.”

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

Apocalipsis 16:6

Qa'a nach'enaua jo'ne e'n nalidiñi jana'me letauo' jenjo' noic Jo'ne mach'e ac'oqo'tepi 'me ja 'nalo'te Choqodia'me at'aqataĝanaĝanaqa. Chane'eja nayi male auanema jaga'me netauo' qaedi niyomidigui. ¡Queda'me ta'chelo da'me aua'uo da'me ne'uaĝanague'j nayi!”

1 Ts 5:15

Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.

Mateo 5:39

Qalaĝaja ami ja'aĝatema da'me dojo': gamachaqaega 'uo ga'me ja no'en am 'yetec, ena'te a'viyelaĝateguet, dite da'me qom 'uo ga'me ye'uaĝan na'me adanoc 'me auayaten, nach'e ena'am auaje'tem ta'le ye'uaĝan na'me laqaya.