Biblia Todo Logo
Bib sou entènèt

- Piblisite -




Mateo 26:29 - Nuevo Testamento Toba Sombrero Negro

29 Qalaĝaja ami ja'aĝatema queda'me ja yitaĝa ñiyomigui na'me uva li'i chayovida'a qom yitaĝa ami ñiyomaĝa'u ga'me nolo' qom yataqachiñe jona'ña di'me lejaliaqa' joñe'me Taĝadena', qom 'uo ga'me niqui'yaĝac let'adaic. Qom nach'ega nolo' qama'le ñiyomigui ga'me uva li'i dalaĝaic.

Gade chapit la Kopi

Nuevo Testamento Toba Sur

29 Qalaxayi aÿim qami' shinapegalo da nagui nachi sa lÿa da shi'iguelaxalec da ñiÿomgui ne'ena lli'i ana uvas, to' qom mashi ivita ca na'a'q da qaltaq qami' ñiÿoma'ato, qom sootaigui ca l'onataxanaxac ñi ita'a da ilo'ogue 'enauacna.

Gade chapit la Kopi

La'aqtaqa Ñim Lo'onatac 'Enauacna 2013

29 Qaq ne'ena na'a'q, nachena na pa'atec da ñeỹomgui ne'ena lataxa da qami' ñeỹomaxau'. Qalaxaye qom qaltaq salegaqta'a't da souaqtaigui da lo'onataxanaxac Ñim Ita'a, huaña nache ñeỹomaxagui ca dalaxaic lataxa.»

Gade chapit la Kopi




Mateo 26:29
31 Referans Kwoze  

qa'a joñe'me 'Naĝanaĝate Lec'oĝot jo'ne dajotalegue jaga'me je'onaĝaiqui jo'ne nejaliaĝaiqui, nach'eñe jo'ne nouatoqo't ena'uaque jogaa'me, qama'le yauetegue joga'me noĝop jo'ne yayetaye 'me chiyaqayi da'me nec'alaĝa. Nataq'aen joñe'me Dios male yiyo'y naa'me 'lae'te da'me niyojeguem yema jana'me lachi'.”


'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.


Eja da'me ami ja'aĝatema queda'me ja yitaĝa ñiyomigui na'me uva li'i, chayovida'a qom ga'me nolo' qom yataqachiñe jona'ña di'me lejaliaqa' joñe'me Dios, jo'ne ena'am ta'le niqui'yaĝac let'adaic: qom nach'ega nolo' qama'le ñiyomigui ga'me uva li'i dalaĝaic.


Ja yema naloĝonegueta gaa'me noyaqa, dite qo'mi, jo'ne nach'e qo'mi liquiyaqa jo'ne e'n 'uaediñe qaedi choĝotaĝanaĝayaqa. Qo'mi ñeuanaqa'ta'y joñe'me da'me jeque'yaq nataq'aen da'me ñiyomaq ca'li joote 'niyelaĝajeguem.


“Nayi male am jec'ata, qalaĝaja ja'aĝatetac da'me dojo' da'me cha'li joue'ta jenjo' aleua, qaedi naa'me naajo' male najaĝayelo da'me namaic jo'ne yataqatelegue da'me jo'ne jayem ue'tajop.


Chane'eja gaa'me chimadichidiñe jo'ne uetedaue da'me lejaliaĝa ñe'me Qadet'a male yaqasele'j, eda'am jañe'me ajeua. Chane'eja, ami jo'ne jayem anaquiaĝañiya nayi, 'noota qom yataqata auayachiñi'tegue da'me dojo'.


Qama'le t'onaĝa'tape, 'yotedac da'me nalac jo'ne dalaĝaic, da'me dajoteda'uo jaga'me Dios lejaliaĝaiqui jo'ne je'onaĝaiqui, qama'le dajoya'agueta jogaa'me cuatro yejidi jo'ne nec'aletedaye choqogaa'me 'yaĝaicachidi. Yataqata ja qoyayaten da'me dojo' nalac, mach'e e'n niyaqa'alo joga'me ciento cuarenta y cuatro mil jiyaĝadipi jo'ne joote qonec'alaĝatedegue, qoyachiyoĝotauelo jogaa'me neteda'ña jena'me aleua.


Qalaĝaja, youen da'me jauoqo da'me qanetonaĝac jo'ne qadiqui'yaĝac nataq'aen qo'mi made'tape, qa'a ñe'me adanoqolec ena'am ta'le yeleu mañaĝa, qama'te yitaĝa nec'alegue; te'me yejomac mañaĝa, qalaĝaja yitaĝa jauanaĝa.»”


“Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.


“Naq'aeta da'me ami ja'aĝatema qaedi da'me yamaic male ami uetauelo qama'le da'me mach'e adamaiqui yataqachiñe nalo'ta't.


nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.


Qa'a qom ga'me dojolqa uotaĝa trejolqa yema'a't yajouaĝat da'me jayem yemetede'eguet, qama'le jouetañe laeñi jogaa'me.”


Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.


Qama'le naq'aeta da'me ami, cha'li 'uo da'me adachoĝodequi nayi, qalaĝaja da'me jayem 'ñiyelaq jo' qomle qama'le yitaĝa ami jauanalo, qama'le naa'me adai'lidi' najaĝayelo da'me adamaiqui jo'ne qaya'te ta'le doĝotaĝanec.


Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.


qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.


Mane'e ca'li yem da'me t'onaĝa'tape qama'le ñidijeguem, yec'adeta ga'me qajoĝonaĝa jo'ne Olivo Lichidijat.


Swiv nou:

Piblisite


Piblisite