Mateo 26:24 - Nuevo Testamento Toba Sombrero Negro

²⁴ Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Nuevo Testamento Toba Sur

²⁴ Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

La'aqtaqa Ñim Lo'onatac 'Enauacna 2013

²⁴ Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!

Mateo 26:24 Referans Kwoze

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

Mateo 18:7

¡Degueja da'me lachoĝodec jena'me jiyaĝadipi yajouaĝa't gaa'me qoyejapoto nale, qaya'te yaeyaĝan ga'me qoyejapot nale! Qalaĝaja, ¡degueja da'me lachoĝodec qomle ga'me jo'ne yauegouelo da'me loe'j jogaa'me laqaya'olqa!

1 Corintios 15:3

Qa'a ca'li 'uaechiñe ami janema da'me napaĝaguenataĝanaĝac jo'ne joote jayem qoyanem, nach'eda 'yaĝatetac ñe'me Cristo queda'me yeleu qaedi yapalaĝa't joda'me qadoeco, naq'aeta da'me 'yaĝatetedac gaa'me nedii's jo'ne 'laqatac ñe'me Dios.

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Lucas 22:22

Qa'a jayem jo'ne Jiyaĝaua Lec'oĝot jeguelegue da'me jo'ne joote qo'yaeñi yadic, qalaĝaja ¡degueja qomle da'me lachoĝodec ñe'me jo'ne jayem p'alegue!

Marcos 14:21

Jayem jo'ne yataqachiñe Jiyaĝaua Lec'oĝot jeguelegue da'me jo'ne joote qoyediñe jo'ne jayem 'yaĝate'taguet; qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Mateo 26:54

Qalaĝaja ta'le naq'aeta da'me dojo', qama'le ja yepaquetelo'te gaa'me jo'ne joote qoyedidiñe, queda'me naq'aeta nayi da'me yepaquichigui.

Marcos 9:12

Joñe'me 'yategueta jogaa'me: —Eja da'me dojo' queda'me 'uaeñe novi' jo'me Elías, nataq'aen da'me yema yiyamaĝatetac. Qama'le ¿jach'e jogamaĝa eeta da'me qoyediñe joca'li 'me 'yaĝatetac ñe'me Jiyaĝaua Lec'oĝot? ¿Qo'li ja 'yaĝatetac queda'me ualegue qomle da'me jalcote 'me lachoĝodec, nataq'aen queda'me qo'yotan?

Mateo 26:56

Qalaĝaja yema da'me dojo' ami di'yoĝoma qaedi yepaque'teguelo daa'me jo'ne joote 'yaĝatetedac dia'me Dios 'laqataĝanaĝanaqa ca'li qoyedidiñe gaa'me ledii's. Qama'le ena'uaque jogaa'me lapaĝaguenataqa queda'ae nataq'aen yegue'm ñe'me Jesús qama'le dajodegue.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

Hechos 4:28

Nach'e naq'aeta da'me dojo' yauote ca'li qa'a joote nach'eda a'uaeñi a'uetec da'me at'onataĝanaĝac jo'ne male yepaquetelegue.

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Juan 19:28

Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Juan 19:24

jogaa'me coico laje' male nenatetapega'ajalo: —Ena'te jecolaĝataqapiye, dite da'me ñalitaĝaye, qaedi ga'me jo'ne tachigui qama'le nach'ega jo'ne en loĝot. Chane'eja naq'aeta da'me yepaquichiguilo naa'me nedii's jo'ne Dios 'laqataqa 'me eet'oi: “Qoyaĝachilo gaa'me yeuo, Qama'le qonalitelegue jaga'me yapoto.” Qama'le naq'aeta da'me yauote ca'li gaa'me coico laje'.

Mateo 26:31

Qama'le Jesús enaac: —Ena'uaque ami cha'li jayem oquiya'e qomle jena'me jenjo' pi'yaq, queda'me ja anetoviñeyec qomle da'me adepi'i. Qa'a naq'aeta da'me joote qoyediñe ca'li, eet'oi: «Jalat ñe'me 'naĝanaĝate neuatoqo't, qama'le gaa'me 'naĝanaĝatel nelagaĝa qomle.»