Mateo 26:14 - Nuevo Testamento Toba Sombrero Negro

¹⁴ 'Uo ñe'me onolec chiyaqauelo jogaa'me doce napaĝaguenataqa, nach'eñe lenaĝat Judas Iscariote, yec'atalo ca'li gaa'me lejaliaĝanaqa joga'me tamenaĝaiqui lo'olpi

Nuevo Testamento Toba Sur

¹⁴ Nachi so 'oonolec soua doce lapaxaguenataqa, l'enaxat Judas Iscariote, somayi jec da detaxaÿapegue' som lataxala' na ntaxaÿaxanaxanecpi da qaitaxaÿapegue' ñi Dios.

La'aqtaqa Ñim Lo'onatac 'Enauacna 2013

¹⁴ Qaq nacheso se'eso na'a'q da so Judas Iscariote, som 'oonolec soua doce lapaxaguenataqa So Jesús, jec da detaxaỹapegue' som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna.

Mateo 26:14 Referans Kwoze

Mateo 10:4

Simón jo'ne celote, nataq'aen Judas Iscariote, jo'ne ua'edi yanegue ñe'me Jesús.

Hechos 1:16

“Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Juan 13:30

Qama'le ñe'me Judas ca'li yem da'me yaconeguet jo'me pan lae paja'a da'me ec; qaale joote pi'yaq joca'li.

Juan 13:2

Ca'li pi'yaq, da'me te'me maliaĝa deque'tape, ñe'me payac male taue na'me lauel ñe'me Judas, c'oĝot ñe'me Simón Iscariote, qama'le en lelnataĝac da'me yanegue joñe'me Jesús.

Mateo 27:3

Judas, jo'ne yanegue ca'li ñe'me Jesús, nomeguet da'me yataqachiñe napacalegue da'me 'laloĝo, qama'le 'yiyelaĝatoto jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi jaga'me naicaua' jo'ne nalo'taguet treinta,

Mateo 26:47

Maliaĝa dojetac ñe'me Jesús ca'li yovidi't ñe'me Judas, jo'ne lapaĝaguenatac joñe'me, nataq'aen jalcote ga'me jiyaĝadipi 'me naequetedapegue', lajoqot'alo jogaa'me leloiquiaĝanaqa'te jo'ne daĝanaqa'te nataq'aen nepo'ñe jo'ne ep'a. Lamaĝa's jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi 'me judiopi.

Juan 18:2

Ñe'me Judas, ñe'me jo'ne jetaque yanegue joñe'me Jesús, nach'e ena'am 'yamaĝac di'me aleua, qa'a qayoĝode' da'me ueda'a q'ae'n jogaa'me lapaĝaguenataqa queda'me yemata'a'ajalo joñe'me Jesús.

Mateo 26:25

Chane'eja Judas jo'ne nach'eñe p'atapelegue, yachimaĝata: —Jaliaĝanec, ¿qo'li naqayem? Qama'le 'yateguet ñe'me Jesús: —Naq'aeta da'me mach'e anenaĝategue.

Juan 12:4

Chane'eja ñe'me Judas Iscariote, ñe'me jo'ne nach'eñe Jesús lapaĝaguenatac jo'ne taya'a da'me yaneuo joñe'me, yenat:

Juan 13:26

Jesús 'yateguet: —Jacona jenjo' pan lae, qama'le japapiaĝat qomle. Joga'me janem, male naqaega. Male yacona jo'me pan lae, cha'li yapapiaĝat, yem qama'le yanem joñe'me Judas jo'ne c'oĝot joñe'me Simón Iscariote.

Hechos 1:18

(Judas yaconeguet ca'li jaga'me laicaua jo'ne qoyejetenec da'me nechiyoĝojoĝoc, qama'le ecot ga'me 'naleua; ua'edi yejoquichiñe ga'me laqaic da'me 'naqañe, choqoda'me nelagaĝa gaa'me piyoĝo's da'me depoqoye.