Mateo 26:11 - Nuevo Testamento Toba Sombrero Negro

¹¹ Qa'a jogaa'me choĝodache nach'e eta't ami uetauelo, qalaĝaja jayem ja nale'en ami jouetauelo.

Nuevo Testamento Toba Sur

¹¹ Qaq nam choxodaqpi, qalaq nachi 'eetai' qome da qami' hueta'agueta; aÿim, qalaxayi sa ishit da nachi 'eetai' qome da qami' hueta'agueta; aÿim, qalaxayi sa ishit da nachi 'eetai' da qami' soota'agueta.

La'aqtaqa Ñim Lo'onatac 'Enauacna 2013

¹¹ Cha'aye nache 'eetai' da huo'o na choxoraqpi da qaualliquiita'aguet, qalaxaye Aỹem saishet da nache 'eetai' qome da qami' soota'agueta.

Mateo 26:11 Referans Kwoze

Marcos 14:7

Qa'a gaa'me choĝodache nach'e eta't ami uetauelo, nataq'aen auaqanachichi ta'le 'noota ga'me a'vichiyeque qom naq'aeta da'me adelnataĝaqui. Qalaĝaja da'me jayem ja nach'e eta't ami jouetauelo.

Juan 12:8

Gaa'me choĝodache nach'e eta't ami uetauelo, qalaĝaja da'me jayem ja nach'e eta't ami jouetauelo.

Juan 16:28

Eja da'me joote jeca'e di'me lejaliaĝa ñe'me Taĝadena' qaedi ñec'ata jenjo' aleua, qama'le nayi jeca'e jenjo' aleua qaedi ji'iyelaĝa joñe'me.”

Juan 16:5

Qalaĝaja nayi male jec qaedi jona'ajop joñe'me jo'ne jayem namaĝaquena, qama'le da'me ami qaya'te gamachaqaega jayem yenatec ga'me jo'ne jajoyi.

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Juan 13:33

“Ami yaqaya'olqa, cha'li cada'ac da'me maliaĝa ami jouetauelo. Qama'le yataqata jayem aueloyaque qomle, qalaĝaja nach'ena jenjo' 'yaqatac jo'ne janema gaa'me judiopi lajoĝola'te ca'li, nach'e ena'am da'me ami janema nayi: ja auaqanachichi ta'le auec'achiya joga'me jajoyi.

Hechos 3:21

Mate mane'e nayi Jesucristo cha'li ue'ta di'me piyem chayovida'a qom Dios yiyamaĝate'tape ena'uaque gaa'me uo'oe, nach'e naq'aeta ga'me 'laqatac jo'ne en na'yalo gaa'me 'laqataĝanaĝanaqa jo'ne ja 'nalo'te jo'ne chiyoqoteda'aguet gaa'me noloqo'ote jo'ne 'uaechidiñe.

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

Mateo 18:20

Qa'a qom ga'me dojolqa uotaĝa trejolqa yema'a't yajouaĝat da'me jayem yemetede'eguet, qama'le jouetañe laeñi jogaa'me.”

1 Juan 3:17

Qalaĝaja qom 'uo ga'me yauana leuoyaĝac jenjo' aleua, nataq'aen yauana ga'me laqayolec jo'ne 'uo da'me louenaĝanaĝac, qalaĝaja ja yichoĝoden joga'me, qama'le ¿teua'atoqo' netaye ga'me lauel joda'me Dios loqopich'i?

Gálatas 2:10

Jaldata da'me qo'mi yamaĝalo'te da'me qaedi ja japalaĝataqa'talo jogaa'me choĝodache 'me neda'ña di'me Jerusalén, tachigui da'me nach'eda jetaque ja'uo nale.

Mateo 26:10

Jesús domachiyalo, qama'le enaac: —¿Toqoch'e aueloiquiaĝañetac janjo' yauo? Ga'me jayem 'yetem yataqachiñe 'noota.