Mateo 26:10 - Nuevo Testamento Toba Sombrero Negro

¹⁰ Jesús domachiyalo, qama'le enaac: —¿Toqoch'e aueloiquiaĝañetac janjo' yauo? Ga'me jayem 'yetem yataqachiñe 'noota.

Nuevo Testamento Toba Sur

¹⁰ Qaq so Jesús hua'aqchigui de'eda, nachi 'enapeco': –¿Tá'ainco' qami' yi sa qaualemaxachi ada'ada 'alo? Cha'ayi de'eda aÿim i'otec, damayi ÿataqta ÿaÿamaqchiguiñi.

La'aqtaqa Ñim Lo'onatac 'Enauacna 2013

¹⁰ Nache So Jesús hua'aqchigui de'era, nache sa naỹaloxon da 'eeta' da la'aqtac: –Saishet da qoquiiteguelec ana'ana 'alo. Cha'aye de'era ỹo'ot anamaye, ỹachegoxotchigui da lta'araic lauotaxanaqtaic Aỹem.

Mateo 26:10 Referans Kwoze

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

Tito 3:1

Ena'uaque jogaa'me anetouenaĝanaĝaneque queda'me 'noota ta'le uatec'alo jogaa'me jo'ne 'uo da'me lejaliaqa' nataq'aen gaa'me jaliaĝanaqa, choqoda'me yoqocha'alo jogaa'me, nataq'aen nach'e eta't niyamaĝateta'ajalo ta'le yauote da'me 'noota.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

2 Timoteo 2:21

Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Timoteo 3:1

Da'me dojo' yataqata eja: ga'me jetaque yelolegue ga'me Dios c'oqo'tepi, qama'le yataqata onaĝaic da'me dojo' jo'ne en 'lonatac.

2 Ts 2:17

ñachoĝodenoqoto joñaa'me qaedi e'n jaqachiguilo naa'me adai'lidi' da'me adamaiqui, nataq'aen qaedi ami yanema da'me at'añaĝaqui, qaedi nach'e eta't a'uaĝachetac jena'me jenjo' 'noota nataq'aen da'me yataqata a'vichi na'me.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Gálatas 6:17

Chane'eja nayi, chiyoqotelegue da'me male qaya'te gamachaqaega ya'uo yaqalaic, qa'a jena'me yo'oc uo'oe gaa'me yedidiñe jo'ne yaloĝo'n da'me yachoĝodec qa'a jeuaĝayet ñe'me Cristo.

Gálatas 5:12

Qama'le gaa'me jo'ne ami yeloiquiaĝa'tape, ¡'noota qom mach'egaua yema yichaĝadegue naa'me lapa'che lael!

Gálatas 1:7

Qalaĝaja eja queda'me qaya'te 'naqataĝanaĝac laqaya: ñenaĝategue da'me dojo' qa'a uo'oe gaa'me jetaque yaqataqate'n da'me onaĝaic 'naqataĝanaĝac jo'ne 'yaĝatetac ñe'me Jesucristo, qama'le ami yejomaĝana'ape.

2 Corintios 9:8

Dios yaqanatet ta'le e'n yodapecache gaa'me ami yanema jo'ne anachiquiyaĝaqui, qaedi nach'e eta't auañiya yema ga'me jo'ne auoviñetaque. Uoja'eda ja yemeta da'me adecochaĝaqui da'me alecochiiyalo ena'uaque gaa'me 'nonataqa jo'ne 'noote'.

Marcos 14:6

Qalaĝaja Jesús enaac: —¡Auomachii'ya! ¿Toqoch'e aueloiquiaĝañetac? Yataqachiñe 'noota da'me 'lonatac jo'ne jayem 'yetec.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Mateo 26:9

Ta'le yemen qama'le jalcote jaga'me laicaua qaedi lecochiyalo jogaa'me choĝodache.

Mateo 26:11

Qa'a jogaa'me choĝodache nach'e eta't ami uetauelo, qalaĝaja jayem ja nale'en ami jouetauelo.

Lucas 8:49

Qamaliaĝa dojetac ñe'me Jesús ca'li novi' ga'me aqataĝanaĝaic qama'le t'aqataĝanem ñe'me lejaliaĝanec ga'me nemaĝaiqui: —Joote yeleu jadi'me ac'oqote: ena'te auapala'ta da'me aueloiquiaĝatac na'me paĝaguenataĝanaĝaic.