Mateo 25:6 - Nuevo Testamento Toba Sombrero Negro

⁶ Mane'e ca'li pi'yaĝa laeñi qanach'e qodomachiya ga'me niyaĝanaĝac: «¡Novi' ñe'me nojaĝaua! ¡Auenoĝoñiyegue qaedi aueloyeguet!»

Nuevo Testamento Toba Sur

⁶ Qaq co'ollaq mashi laiñi na pe, nachi qai'axaÿa so nÿaxanaxac, 'eeta': “¡Mashi nvi' na adonaq, ña qanpa'aiuec, qauqachiÿa'aguet!”

La'aqtaqa Ñim Lo'onatac 'Enauacna 2013

⁶ Qaq co'ollaq mashe laiñi so pe, nache qaỹa'axaỹa so nỹaxanaxac, 'eeta': «¡Mashe nvi' na auonaxaua, ña qampa'aiuec, qauqachiỹa'aguet!»

Mateo 25:6 Referans Kwoze

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

Mateo 25:1

“Chane'eja da'me lejaliaĝa joñe'me Dios jo'ne na'ague di'me piyem ena'ama gaa'me diez q'añolel jo'ne yaconalo gaa'me lecoyadaĝanaqatel qaedi yeviteteda'aguet ñe'me nojaĝaua.

Mateo 24:44

Chane'eja 'noota qom yataqata aniyamaĝacheta't, qa'a jaga'me hora qom male ja auenache'ta, male yitaĝa ñovi'.

Mateo 24:31

Qama'le ñajoya'yelo gaa'me yamaĝa's jo'ne piyem laje' da'me ñe'uauaĝa'n qaedi qom qoyajediye jaga'me najeede qama'le yemata'a't jogaa'me yiquiyaqa chiyaqa'ñalo yemeda naa'me ale'u lael chayovida'alo gaa'me loiquiaqa'te jena'me aleua.

Apocalipsis 16:15

Joñe'me Qadejaliaĝanec enaac: “Piiya, jayem auec'achiñe, ñanaequena qomle, qama'le ñejetetauo jena'am ga'me cachaĝaic, qama'le matac ga'me jo'ne nach'e eta't da'me nelotaye, qa'a Dios nelochi'ña joga'me nataq'aen da'me netelalo gaa'me louo qaedi ja jale'tague, qaedi ja qoyauana da'me jo'ne mach'e lepocoĝoc.”

1 Ts 4:16

Qa'a qodomachiya jo' qomle da'me 'uo joga'me yejam, choqoda'me doje ñe'me piyem lejaliaĝanec nataq'aen jaga'me lajeede joñe'me Dios, qama'le male 'niyelaq joñe'me Qadejaliaĝanec, chiyoĝogue jodi'me piyem. Qama'le jodia'me yele'u jo'ne yataqata p'iida'a ñe'me Jaliaĝanec male naqaegaua 'uaediñe qoyen nec'alidijeguem jo' qomle.

Lucas 12:46

qama'le 'uo da'me lachoĝodec jo' qom'te. Qa'a qom novi' ñe'me ladipa, ga'me nolo' jo'ne qamaĝaya't da'me qoyeuatetaque nataq'aen ga'me yataqachiñe tachigui ga'me nolo' ja qoyayaten, qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j gaa'me jo'ne ja yataĝalo'te.

Lucas 12:20

Qalaĝaja ñe'me Dios enapega: «¡Am chiyoĝojecolec, qa'a jenjo' pi'yaq qama'le adeleu! Qama'le ga'me jo'ne aviyamaĝat, ¿jach'e jogamaĝa ua'ajop?»

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 25:5

Qama'le queda'me uayaloqota't ñe'me nojaĝaua da'me maliaĝa ja novi', ena'uaque gaa'me vidiñe qama'le t'oche'y.

Mateo 25:7

Ena'uaque gaa'me q'añolel ñidijeguem ca'li qama'le yaconalo naa'me lecoyadaĝanaqatel.