Biblia Todo Logo
Bib sou entènèt

- Piblisite -




Mateo 25:5 - Nuevo Testamento Toba Sombrero Negro

5 Qama'le queda'me uayaloqota't ñe'me nojaĝaua da'me maliaĝa ja novi', ena'uaque gaa'me vidiñe qama'le t'oche'y.

Gade chapit la Kopi

Nuevo Testamento Toba Sur

5 Qaq cha'ayi ÿataqta qaÿaloqteguet se'eso adonaq, nachi 'enauaque soomayi huo'o na l'ochaqa', nachi do'ochi'.

Gade chapit la Kopi

La'aqtaqa Ñim Lo'onatac 'Enauacna 2013

5 Qaq cha'aye ỹataqta qaỹaloqteguet se'eso auonaxaua, nache se'esoua diez qa'añole soomaye huo'o na lo'ochaqa' nache do'oche'.

Gade chapit la Kopi




Mateo 25:5
23 Referans Kwoze  

Chane'eja Jesús ja nayaloĝoden da'me 'yaĝatema ga'me jiyaĝadipi ga'me laloqotenaĝanaĝaiqui, enaac: “'Uo ñe'me jiyaĝaua jo'ne ya'uo jaga'me noqop'adit jo'ne uva lichidijat, yauo'oe gaa'me jiyaĝa'u jo'ne neteleta ga'me 'lonatac da'me cha'li ca'e, qama'le dajoyi ga'me qaya'ague.


Qalaĝaja qom ga'me nalemaĝajet jo'ne chiyoĝojec eetojo' ga'me lelnataĝac: «Ñe'me yejaliaĝanec ja paja'a novi',»


Qalaĝaja qom ga'me nalemaĝajet en lelnataĝac queda'me uayaloqota't da'me 'niyelaq ñe'me ladipa, qama'le ja no'en da'me 'yeteque jogaa'me namaĝa's nataq'aen gaa'me namaĝajel laqaya', nataq'aen yema'a da'me deque'e, da'me niyometac qaedi 'uo da'me taĝaic,


“Ca'li qayoĝode' gaa'me noloqo'ote yenoĝodegue, 'niyelaq ñe'me lejaliaĝane'j jogaa'me namaĝa's qama'le yiyaĝaneta qaedi 'yaĝadetem da'me loĝonaĝanaĝa'j jogaa'me.


Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.


Qama'le 'uo jo'me nolo' ca'li qoyediñe jena'me jenjo': “¡Aneloye, am uochaĝaic! ¡A'niyelaĝajeguem, auachiyaqauelo na'me napa'lpi, Qaedi joñe'me Cristo am yecoyadelegue!”


Male jouaqatauelo naa'me noloqo'ote jo'ne p'atedegue, qalaĝaja da'me ami ena'am ta'le maliaĝa a'uochetac, qalaĝaja nayi 'noota ta'le aneloyiye, qa'a male qoyoqo'ta ga'me nolo' qomle joñe'me Dios male qo'mi nec'alaĝatedegue, ja ena'am ca'li yemta jep'iyaqa joñe'me Jesús.


Ami ja'aĝatema queda'me ja nayaloĝode'n da'me de'uolo'te. Qalaĝaja jayem jo'ne Jiyaĝaua Lec'oĝot 'ñiyelaq qomle, qama'le ¿qo'li jauana da'me maliaĝa uo'oe gaa'me jo'ne jayem p'iida'a?


Ca'li yitaĝa 'viyelaĝa ga'me ueteda'a jogaa'me lapaĝaguenataqa, yitaĝa yejomalo'te da'me t'oche'tape, ja yaqanate't ta'le nelodegue qa'a yajouaĝat ga'me 'lochaqa' jo'ne ja nejataĝaic.


Yem qama'le 'viyelaĝa ga'me jo'ne ueteda'a gaa'me tres lapaĝaguenataqa qanach'e yejomalo'te da'me t'oche'tape. Dojapegue' ñe'me Pedro, enaac: —¿Qo'li ja auaqanachichi da'me cada'ac aneloyitaye da'me jayem ovi'tajop?


nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.


Qalaĝaja gaa'me yatenaĝanaĝail yauote livitaĝanaĝa't aceite da'me yaconalo gaa'me lecoyadaĝanaqatel.


Mane'e ca'li pi'yaĝa laeñi qanach'e qodomachiya ga'me niyaĝanaĝac: «¡Novi' ñe'me nojaĝaua! ¡Auenoĝoñiyegue qaedi aueloyeguet!»


Ca'li maliaĝa cha'li ueta'uodi, ga'me jiyaĝadipi jo'ne ue'ta ga'me p'aye yeuateteda'a ñe'me Zacarías, qama'le nenatetapega't queda'me toqoch'e ja quejetelegue da'me uetaue ga'me tamenaqa' jo'ne ja 'nalegue.


Swiv nou:

Piblisite


Piblisite