Mateo 25:43 - Nuevo Testamento Toba Sombrero Negro

⁴³ Ca'li jejomatapiye't qama'te ja jayem 'te aueloyeguet; ca'li qaya'te jaiñe qama'te ja auauoyi ga'me ñejomaĝaiqui; ca'li jeleuaq nataq'aen ca'li jonetaue jaga'me coñetaĝanaĝaiqui qama'te ja jayem 'te auejapichiya.»

Nuevo Testamento Toba Sur

⁴³ qataq 'eeta'am da ÿaqa'a ca sachigaqa'ague, qalaq sa qauauo'oi ca i'ochaqa'. Qataq qaica ca ÿogoxot, qalaq sa qauauo'oi ca ÿogoxot; qataq aÿim sa no'on qataq sootaigui aca ncoñitaxanaxaqui, qalaq sa ishit da aÿim qanamaqaitapegueu'a.”

La'aqtaqa Ñim Lo'onatac 'Enauacna 2013

⁴³ qataq co'ollaq sheca'ai ye ỹalamaxat ima', nache qami' saishet da Aỹem qauacoñiiguet da huaña ca qarmaye, qataq co'ollaq qaica ca ñapogoña qalaq qami' saishet da Aỹem qaỹa'añim ca ỹogoxot, qataq co'ollaq Aỹem sa no'on qataq sootaigui añi ncoñetaxanaxaqui qalaq saishet da Aỹem qanqo'oñiiua'a da yaqto' Aỹem qanauañi'.»

Mateo 25:43 Referans Kwoze

Mateo 25:36

ca'li qaya'te ñejomaĝaiqui qama'le auauoyi ga'me jayem lapaĝalegue; ca'li jeleuac qama'le jayem auejapichiya; ca'li jonetaue jaga'me coñetaĝanaĝaiqui qama'le jayem auec'achii'uo.»

Mateo 25:42

Qa'a ca'li joqouat, qama'te ja jayem 'te aviqui'yaĝañi; ca'li jelinquip, ja jayem 'te aniyomaĝañi.

Mateo 25:44

Chane'eja 'yadeteguet jogaa'me: «Jaliaĝanec, ¿jach'e ga'me joca'li am jauanaĝa da'me adoqouat uotaĝa adelinquip, uotaĝa ena'am ta'le adejomatapiye't, uotaĝa qaya'te auaiñe, uotaĝa adeleuac, uotaĝa onetaue jaga'me coñetaĝanaĝaiqui qama'te ja am 'te yecochaĝajaĝa?»

Hechos 15:36

Ca'li uo'oe gaa'me noloqo'ote jo'ne yenoĝodegue, Pablo dojapegue' ñe'me Bernabé, enaac: —Yitaĝa jejapichaĝalo jogaa'me qadaqaya'olqa ena'uaque gaa'me noyaqa jo'ne joote ja'aqataĝanaqatapema da'me 'laqataĝanaĝac ñe'me Jaliaĝanec, qaedi jayatenaq ga'me eete'.

Hebreos 13:2

Nataq'aen ena'te aĝañiñi da'me auauoyi ga'me 'lochaqa' joga'me ami yovida'alo, qa'a uo'oe jogaa'me jo'ne naq'aeta da'me yauote ca'li, qama'le ja yayate'n da'me nach'egaua gaa'me piyem laje' jo'ne ue'tajopa.

Hebreos 13:3

Anetoviñetaque gaa'me adaqayadi' jo'ne netedaue jaga'me coñetaĝanaĝaiqui, qama'le ena'am aueñi da'me uotaĝa ena'am ta'le anecoñetaĝa'udi' jogaa'me, nataq'aen da'me auenache'talo gaa'me jo'ne joote ja no'en da'me qo'yeteque, queda'me uotaĝa nach'e ena'am da'me ami qo'yeteque qomle.