Mateo 25:4 - Nuevo Testamento Toba Sombrero Negro

⁴ Qalaĝaja gaa'me yatenaĝanaĝail yauote livitaĝanaĝa't aceite da'me yaconalo gaa'me lecoyadaĝanaqatel.

Nuevo Testamento Toba Sur

⁴ Qalaxayi soua ÿajnaxanaqchaqai, soomayi ÿachita'pe soua lcoÿadaxanaxaqui', nataq'en soua laÿi' so lqataxanata'c lcoÿadaxanaxa't.

La'aqtaqa Ñim Lo'onatac 'Enauacna 2013

⁴ Qalaxaye soua lỹa't cinco maye naỹamaxatte', soomaye ỹacheta'ape so lqataxanata'c aceite, yaqto' da ivita da imeuo na le'ec aso lcoỹaraxanaxaqui', nache qaltaq icoyingui.

Mateo 25:4 Referans Kwoze

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

Juan 3:34

qa'a joñe'me jo'ne namaĝaquena ñe'me Dios 'yaĝate'tape jonaa'me 'laqataqa, qa'a nach'eñe yanem da'me lañoqotaĝanaĝac ñe'me Lepaqal.

1 Juan 2:20

Qalaĝaja, Cristo joote ami yanema joñe'me Dios Lepaqal, qama'le yema ami 'uo da'me ami yayatenaĝaneque yema naa'me naajo'.

Judas 1:19

Nach'egaua jo'ne chiyoqodayi da'me nelagaĝac, qa'a quetapegue'to naa'me nejiyaĝauayaĝaco lamaico nataq'aen ja yauata ñe'me Lepaqal joñe'me Dios.

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Mateo 7:24

“Chane'eja, da'me ami jo'ne jayem anaquiaĝañiya nayi: qom a'vichi da'me jo'ne ja'aĝatetac, qama'le aueñiya'am ga'me jiyaĝaua jo'ne yatenaĝanaĝaic: ca'li jetaque 'noĝojeguem ga'me 'lemec, qama'le yanalegue ga'me qa' let'adaic.

Mateo 10:16

“Yataqachiñe anaquiaĝañiya da'me dojo' 'yaqatac, queda'me ami jama' nayi, qalaĝaja ena'am ta'le ami 'naĝanaĝatelpi jo'ne jamaĝauelo jogaa'me diquiya'ape. Chane'eja 'noota qom ami yatenaĝanaĝayaqa, aueñiya'ama jogaa'me nanayaqa, nataq'aen qaya'te anedaĝayaĝaqui, aueñiya'ama jogaa'me doqoto'pi.

Mateo 25:2

Cinco gaa'me 'uo da'me nichiyoĝojoĝo'j nataq'aen laqaya' cinco qamqa'me yatenaĝanaĝail.

Mateo 25:3

Ca'li yaconalo lecoyadaĝanaqatel gaa'me chiyoĝojol qama'te ja yauote livitaĝanaĝa't aceite;

Mateo 25:5

Qama'le queda'me uayaloqota't ñe'me nojaĝaua da'me maliaĝa ja novi', ena'uaque gaa'me vidiñe qama'le t'oche'y.