Mateo 25:34 - Nuevo Testamento Toba Sombrero Negro

³⁴ Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Nuevo Testamento Toba Sur

³⁴ Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

La'aqtaqa Ñim Lo'onatac 'Enauacna 2013

³⁴ Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Mateo 25:34 Referans Kwoze

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

Apocalipsis 21:7

Gaa'me yaqanate't da'me noma't naa'me ja 'noe'n, nach'egaua jo'ne yacoteguet qomle yema da'me dojo' jo'ne qoyen lomataĝanaĝa'j, qa'a naqayem mach'e Nedios, nataq'aen jogaa'me mach'e yalaqa.

Apocalipsis 13:8

Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

Mateo 20:23

Jesús 'yategueta jogaa'me: —Eja da'me ami aniyomiyigui qomle ga'me yomaĝat 'me jaqama qomle, qalaĝaja da'me oñiya'ña jena'me jayaten uotaĝa jena'me 'ñemaq ja mach'e jayem ta'le ami janema, dite da'me nach'eñe ñe'me Taĝadena' jo'ne yanema qomle gaa'me jo'ne joote yiyamaĝateta'ajalo.

Apocalipsis 17:8

Ñe'me jiyac polio' jo'ne auana, nach'eñe 'me 'uo joca'li qalaĝaja nayi male joote yeleu, qama'le yitaĝa nenoĝojeguem qom'che, qaedi male qoyen loiquiaqa' da'me qoyolaĝachigui. Chane'eja qom yauata da'me dojo' ga'me jiyaĝadipi jo'ne uetedalegue jena'me aleua, gaa'me jo'ne ja qoyedidiñe naa'me lenaqa'te qama'le ja uedalegue jaga'me nede jo'ne uetedalegue joga'me jiyaĝadipi jo'ne qonec'alaĝatedegue, chiyoqotelegue joca'li yemta qoye'et jena'me aleua, qama'le yataqata yoqochetem qom'che, da'me yitaĝa yauata di'me jiyac polio' jo'ne 'uo joca'li, qama'le nayi joote yeleu, qalaĝaja nach'edi 'me yitaĝa nec'atequena qom'che.

Hebreos 4:3

Qama'le da'me qo'mi jo'ne joote ja'amaqatenaq da'me 'naqatac male jenoĝonaĝaue qomle di'me 'nomataqa' joñe'me. Nach'ena jo'ne Dios 'yaĝat ca'li da'me enaac: “Qo'che' jen eja da'me yalemataic, jenaac: «Da'me ami male ja auaqanachichi ta'le auec'achiya di'me 'yachaqa' jo'ne 'ñomataqa'.»” Qama'le enaac da'me dojo' mate mane'e joote yoma't yema daa'me 'lonataqa chiyoqotelegue da'me ye'et jena'me aleua ca'li 'uaechiñe.

Lucas 12:32

“Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.

Hebreos 11:16

Qalaĝaja jodia'me yataqata yepaquetedapega ga'me 'nachaqa' jo'ne onaĝaic, ga'me 'nachaqa' jo'ne ua'ague di'me piyem. Chane'eja ñe'me Dios ja nepocoĝolegue ca'li da'me qo'yaĝat da'me naqaeñe jo'ne Nedios jodia'me, qa'a joote yaqataĝata't ga'me noic jo'ne en 'lachaqa't.

1 Corintios 15:50

Ami yaqaya'olqa, jetaque 'uo ga'me ami ja'aĝatema: da'me qat'oyaĝac jo'ne yeleu qomle ja yaqanatet ta'le taue da'me lejaliaĝa ñe'me Dios, nataq'aen ga'me jo'ne yovita da'me nouayi ja yaqanatet ta'le neleguemaĝata da'me ja 'naidena'a.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Apocalipsis 19:16

Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

1 Corintios 2:9

Qalaĝaja, naq'aeta da'me enapega't naa'me nedii's jo'ne qoyedidiñe ca'li, eet'oi: «Ga'me jo'ne qaya'te yauanapega uotaĝa domachiya, Da'me jo'ne qaya'te uenate'ta ta'le naq'aeta da'me di'yoq, Nach'eda dojo' jo'ne joote Dios yiyamaĝateta't Qaedi yanema gaa'me noqopideta joñe'me.»

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 19:29

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Mateo 13:35

Dojo' eeta qaedi yepaquetelo'te ga'me jo'ne joote 'yaĝatetac di'me Dios 'laqataĝanaĝanec ca'li enaac: “Jauo'oe gaa'me yaloqotenaĝanaĝaiqui' da'me ja'aqataĝatac; ja'aĝa'tape gaa'me uo'oe jo'ne jalchi'ena ja di'yo't chiyoqo'teguet ca'li yemta Dios ye'et jena'me aleua.”

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Gálatas 5:21

Yataqachiñe p'aguenataĝanaĝayaqa jogaa'me, chayovida'a yala't gaa'me laqaya'; yacota ga'me lataĝa qama'le taĝayaqa, nale yovita ga'me nolo' da'me yauote ga'me netonaĝa'j qama'le yacota ga'me laláĝa'j na'le deualaĝai'tape, nataq'aen qayoĝode' gaa'me ja 'noe'n yauo'oe. Ami jaqatalo, naq'aeta ga'me joote ami janema ca'li, da'me gaa'me jo'ne naq'aeta ga'me yauote qama'le ja yaqanate't ta'le tadoue da'me lejaliaĝa ñe'me Dios.

1 Corintios 6:9

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,

Lucas 19:38

Enapega't: “¡Yataqachiñe qo'nonaĝachigui ñe'me Qadajoĝola' jo'ne naequena jo'ne Lamaĝajec ñe'me Jaliaĝanec! ¡'Nemaĝac 'me yedaje'ma di'me piyem, nataq'aen 'lonaĝac ñe'me Dios jo'ne napacalegue di'me p'ajeguem!”

Mateo 5:19

Qo'che', qom 'uo ga'me jiyaĝaua jo'ne ja yoqo'cha ga'me onolec daa'me daajo' namaĝajoĝonaĝaco, mate mane'e cat'oñoq joga'me, uotaĝa ja yapaĝagueneque ga'me jiyaĝadipi qaedi yoqochideta, nach'ega qoyen cat'oñoq qomle da'me male uetaue da'me lejaliaĝa ñe'me Dios 'me ne'tague di'me piyem. Qalaĝaja ga'me jo'ne yoqo'cha nataq'aen yapaĝagueneque jogaa'me laqaya' qaedi nach'e ena'am yoqochideta, nach'ega qoyen p'ajaye qomle da'me male uetaue da'me lejaliaĝa ñe'me Dios 'me ne'tague di'me piyem.

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

Apocalipsis 5:10

Qama'le aue'n lec'oqo'tepi joñe'me Qanedios jogaa'me, Nataq'aen da'me aue'n letaĝayaĝanaĝanaqa ga'me jiyaĝadipi Da'me dajotedalegue joñe'me Qanedios, Qama'le nejaliaĝatedelegue jena'me aleua.”

1 Pedro 1:9

yajouaĝat da'me male auovidiya'a da'me adec'alaqai, qa'a naqaeda da'me lomataĝanaĝac joda'me adepi'i.

Hebreos 9:26

Ta'le naqaeda jo'ne eeta qama'le Cristo uotaĝa nach'e eta't 'viyelaĝalegue da'me yeleu, chiyoqotelegue ca'li yemta qoye'et jena'me aleua. Qalaĝaja ja naq'aeta, dite da'me male yovita da'me mach'e loiquiaqa't jogaa'me noloqo'ote, qama'le Cristo male onolec da'me 'naĝatela't, da'me nach'eñe jo'ne najaqajec qaedi doĝotaĝaneque naa'me qadoeco.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

1 Ts 2:12

Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Hechos 15:18

Ñe'me Jaliaĝanec, jo'ne qo'mi yatetonaĝatetapeque naa'me naajo' uo'oe chiyoqo'tagueta gaa'me noloqo'ote jo'ne 'uaechidiñe, yauo'oe ca'li daa'me 'laqataqa.»

Hechos 3:26

Qama'le ca'li Dios chiyoĝotauelo dia'me napa'lpi ñe'me C'oĝot, 'uaeñe da'me ami namaĝalo qaedi ami netamelo'te, da'me male onolqa'tape aĝañidiñi da'me at'onataqadi' jo'ne ja 'noe'n.”

Juan 19:15

Qalaĝaja joga'me jiyaĝadipi yitaĝa nalaĝadijeguem, enapega'ajalo: —¡Aualachi! ¡¡Aualachi!! ¡¡Auep'eñiyajeguem!! Pilato yitaĝa denataĝan: —¿Qo'li naq'aeta da'me ami jetaque jep'enajeguem jenjo' adejaliaĝanequi? Qama'le jogaa'me lajoĝola'te jogaa'me tamenaĝaiqui lo'ol 'yadeteguet joñe'me: —¡Qo'mi qaya'te qadejaliaĝanec laqaya, nach'eñeta ñe'me César!

Juan 12:13

qama'le qonequejoĝoñe jaga'me chaic layoqote qama'le qodique'taguet joñe'me Jesús qaedi yacoteguet jogaa'me, qama'le 'nalaĝajeguem ena'uac: —¡Qo'nonaĝachigui ñe'me Qadejaliaĝanec! ¡'Ñonaĝataĝaye ñe'me jo'ne naequena nayi! ¡Nach'eñe Lamaĝajec ñe'me Jaliaĝanec, Joñe'me jo'ne nejaliaĝatelo'te jo' qomle jena'me Israel laje'pi!

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

Lucas 11:28

Joñe'me 'yateguet: —¡Jaja'a! Qama'le ¡yataqachiñe p'ajaye da'me lamai'j jogaa'me jo'ne naquiaĝata daa'me Dios 'laqataqa, nataq'aen yoqochideta joñe'me!

Marcos 10:40

Qalaĝaja da'me jo'ne jetaque oñiya'ña jena'me jayaten uotaĝa jena'me 'ñemaq, ja naqayem da'me ami janema, dite joñe'me Dios yanema gaa'me jo'ne joote yaqataĝata'ajalo: nach'egaua jo'ne qoyanema qom'te.

Mateo 27:37

Nataq'aen ga'me nalo'te ga'me laqaic qoya'uo ga'me nediijec jo'ne ualegue da'me yajouaĝat da'me qoyalat. Ga'me nediijec enaac: “Jenjo' mach'e Jesús lejaliaĝane'j joga'me judiopi.”

Mateo 25:23

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 21:5

“A'uaĝachem di'me noic Sión: «Auec'aten na'me Adejaliaĝanec am nec'ata. Ja 'yoĝodaq, netalegue ga'me ajena, ga'me ajenolec 'me c'oĝot jaga'me jiyac 'me nachoĝonaĝalate.»”

Efesios 5:5

Da'me ami yataqata auayachiñe queda'me uo'oe gaa'me jo'ne ja yaqanate't ta'le tadoue da'me lejaliaĝa joñe'me Cristo choqoñe'me Dios; nach'egaua jo'ne quejeguetaĝayaqa nataq'aen gaa'me yadenaĝa't ga'me paĝachigui nataq'aen gaa'me pitaĝanaqataqayaqa (jo'ne ena'am ta'le e'n nedios da'me jo'ne yepiteda'a.)

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Marcos 10:17

Mane'e ca'li Jesús yenoĝonegue da'me jetaque yitaĝa ec, qama'le 'uo ñe'me jiyaĝaua jo'ne naqalegoqo'ta, qama'le yejoidiñe naa'me leliquetel da'me dajoya'aguet joñe'me, qama'le enaac, da'me yenat: —Paĝaguenataĝanaĝaic jo'ne am 'noota, ¿jach'e ga'me 'noota ta'le ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Lucas 11:50

Chane'eja jena'me jenjo' jiyaĝadipi nayi Dios yepoleguelo'te jaga'me letauo' jo'ne qoyen naliñi dia'me 'uaediñe aqataĝanaĝayaqa chiyoqo'teguet joca'li yemta qoye'et jena'me aleua,

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.