Mateo 25:10 - Nuevo Testamento Toba Sombrero Negro

¹⁰ Mane'e ca'li eque' qaedi quetot ga'me mach'e loĝo't qanach'e novi' ñe'me nojaĝaua. Ca'li yenoĝoneuo nach'e ena'ama gaa'me yeviteta'ajalo da'me yec'adeta ga'me 'nonáĝac, qama'le napadiñgui ga'me jom.

Nuevo Testamento Toba Sur

¹⁰ Qalaxayi se'esoua cinco qa'añole mayi qaica ca ÿaÿajna'pe, co'ollaq je'c da deshijnaxaadaique ca lcoÿadaxanaxa't, nachi mashi nvideuo so adonaq. Nachi som qa'añi mayi lhuotte', nachi lÿatreuo somayi da pa'adeu'a ca nadonaxac. Ime, nachi qaÿapogui so lasom.

La'aqtaqa Ñim Lo'onatac 'Enauacna 2013

¹⁰ Qalaxaye co'ollaq se'esoua cinco qa'añole maye qaica ca naỹamaxataxa'c, co'ollaq je'c da desheenaxaraique ca lcoỹaraxanaxa't, nache nvi' so auonaxaua. Nache soua qa'añel maye lhuotte' lỹatreuo somaye da pa'areua'a ca naronaxac. Qaq ime, nache qaỹapogui so lasom.

Mateo 25:10 Referans Kwoze

Lucas 13:25

Qom ñijeguem ñe'me loĝot ga'me emec qama'le yapadiñgui ga'me jom, ami jo'ne maliaĝa ovi'ta ga'me p'aye aviyaĝañetapeuo nataq'aen aueñiyaac jo': «¡Jaliaĝanec, qo'mi a'uouategueta qaedi jenoĝonaĝauo!» Qalaĝaja joñe'me ami 'yategueta: «Negue't, ja jayaten ga'me auachiyoqoya'ague.»

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

Mateo 24:44

Chane'eja 'noota qom yataqata aniyamaĝacheta't, qa'a jaga'me hora qom male ja auenache'ta, male yitaĝa ñovi'.

Apocalipsis 22:20

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Mateo 25:6

Mane'e ca'li pi'yaĝa laeñi qanach'e qodomachiya ga'me niyaĝanaĝac: «¡Novi' ñe'me nojaĝaua! ¡Auenoĝoñiyegue qaedi aueloyeguet!»

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

Colosenses 1:12

Qama'le auañem da'me adamaiqui joñe'me Qadet'a, qa'a joñe'me ami yaqataĝata'ajalo qaedi auacoñiyeguet da'me lejaliaĝa jo'ne yoqochiñe qama'le anetauañiya'uo ga'me yanema yema joga'me c'oqo'tepi joñe'me.

Mateo 7:21

“Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

Mateo 24:42

“Chane'eja, 'noota qom aneloyitaye, qa'a ja auayachiñe ga'me nolo' qom ñovi', da'me jayem jo'ne jayem Adejaliaĝanequi.

Mateo 24:43

'Noota qom auayachiñe da'me dojo': qom ga'me ladipa ga'me emec joote yayaten jaga'me hora da'me novi' ga'me cachaĝaic, qama'le joote yeviteta't qama'le ja yajeta ga'me cachaĝaic ta'le yenoĝonoue ga'me 'lemec qaedi decachi.

Lucas 12:35

“¡'Noota qom a'vicheta't, nataq'aen aniyamaĝachita't!

Apocalipsis 19:7

Nayi qo'mi made'tapolqa, Da'me e'n qo'mi najaqachiguilo da'me qadamaic Nataq'aen da'me 'ñonaĝataĝaye joñe'me, Qa'a nayi male yovita da'me 'lonáĝac joñe'me 'Naĝanaĝate Lec'oĝot, Qa'a joote niyamaĝateta't jañe'me jo'ne jetaque qoyen loua.