Mateo 25:1 - Nuevo Testamento Toba Sombrero Negro

¹ “Chane'eja da'me lejaliaĝa joñe'me Dios jo'ne na'ague di'me piyem ena'ama gaa'me diez q'añolel jo'ne yaconalo gaa'me lecoyadaĝanaqatel qaedi yeviteteda'aguet ñe'me nojaĝaua.

Nuevo Testamento Toba Sur

¹ Nachi de'eda l'onataxanaxac ñi Dios mayi neta'ague da piguem, damayi 'eeta'am qome caua diez qa'añole mayi ÿaconalo soua lcoÿadaxanaxaqui' mayi lca'atoxo't na aceite. Nachi nqo'ooda so nadonaxac, da yaqto' huaqatra'aguet ca adonaq.

La'aqtaqa Ñim Lo'onatac 'Enauacna 2013

¹ De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Mateo 25:1 Referans Kwoze

Apocalipsis 19:7

Nayi qo'mi made'tapolqa, Da'me e'n qo'mi najaqachiguilo da'me qadamaic Nataq'aen da'me 'ñonaĝataĝaye joñe'me, Qa'a nayi male yovita da'me 'lonáĝac joñe'me 'Naĝanaĝate Lec'oĝot, Qa'a joote niyamaĝateta't jañe'me jo'ne jetaque qoyen loua.

Apocalipsis 21:9

Yem da'me dojo' qama'le jayem nec'ata jo'me piyem le'ec jo'ne chiyaqauelo jogaa'me siete piyem laje' 'me lajoqot'alo jaa'me siete yomaĝaiqui' jo'ne jaqachiguilo jena'me ne'uaĝanaĝanaĝaco, qama'le 'uo da'me jayem 'yaĝatem, enaac: —Cha'li auanaequena qaedi am jayatenaĝanaĝanec jañe'me nojaĝaua jo'ne nach'añe 'me loua joñe'me 'Naĝanaĝate Lec'oĝot.

Apocalipsis 21:2

Nataq'aen jauana ga'me noic let'adaic jo'ne ja 'nalegue, nach'edi di'me Jerusalén jo'ne dalaĝaic. Qama'le nenochiñe, chiyoqo'ot joñe'me Dios jo'ne ne'tague di'me piyem, queda'me joote yiyamaĝatetac, ena'am jaga'me nojaĝaua qom joote niyamaĝate'taguet qaedi male 'uoneguet ga'me lojaĝaua.

Juan 3:29

Da'me 'nonáĝac, joga'me jo'ne 'uoneguet jaga'me lojaĝaua, nach'ega joga'me nojaĝaua; qalaĝaja joga'me jo'ne ch'e naigaĝaua joga'me nojaĝaua, jo'ne nach'e ena'am ue'ta lae joga'me, qama'le uotaĝa domachiya, qama'le 'uo da'me lamaic queda'me domachiya. Qama'le nach'e ena'am jayem, 'uo da'me yamaic jo'ne yataqachiñe nalo'ta't nayi.

Mateo 13:24

Jesús 'yaĝatema jenjo' laloqotenaĝanaĝaiqui laqaya: “Joda'me lejaliaĝa ñe'me Dios jo'ne ne'tague di'me piyem ena'am da'me dojo': 'uo joca'li ga'me jiyaĝaua jo'ne yaañi jaga'me onaĝai nepeta da'me yachalegue ga'me lanaĝanaqa'.

Apocalipsis 14:4

Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Mateo 22:2

“Joda'me lejaliaĝa di'me piyem ena'am da'me dojo': 'uo ca'li ga'me jaliaĝanec jo'ne 'yonaĝan ga'me c'oĝot qama'le diyaĝan qaedi qodeualaĝailegue ga'me.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

1 Corintios 11:2

Ami ñetotapeque qa'a nach'e eta't anetoviñetaque yema gaa'me 'yonataqa nataq'aen 'yamaqatenataĝanaĝaco ca'li, nataq'aen yataqachiñe oqui'teguelo daa'me yapaĝaguenataĝanaĝaco jo'ne ami janema.

Mateo 20:1

Jesús yitaĝa enaac: —Qa'a joga'me lejaliaĝa ñe'me Dios jo'ne na'ague di'me piyem ena'am da'me dojo': 'uo ca'li ga'me jiyaĝaua jo'ne loĝot ga'me nanaĝanaqa'. Qama'le ec da'me ne'teta netetapiye gaa'me onataĝanaĝayaqa qaedi e'n yelodelegue ga'me lanaĝanaqa' jo'ne uva lichidijat.

Mateo 13:47

“Nataq'aen da'me lejaliaĝa joñe'me Dios ena'am ga'me 'uaĝanaĝanaĝat nale qoyijaĝañgui ga'me noĝop qama'le yodapecache ga'me yapetena't niyaqapi.

Mateo 13:38

qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,

Apocalipsis 4:5

Jaga'me nejaliaĝaiqui chiyaqapiñegui jena'me lauaq jo'ne yaqaselec, choqona'me nejamaĝa nataq'aen na'me 'loĝoyaĝac, nataq'aen ga'me dajoya'ña jaga'me neje'onaĝaiqui edetañguilo gaa'me siete coyadaĝanaqate' jo'ne dole', nach'egaua jo'ne siete lepaqa'li joñe'me Dios.

2 Corintios 11:2

Dios jayem 'yetem da'me qaedi ami jenate'talo. Da'me jepaquetapega ta'le yataqachiñe ami yataqatelo'te onolec oquiyegue ñe'me Cristo, uotaĝa ena'am ta'le aueñiya'am jaga'me nojaĝaua jo'ne joote qo'yaĝateguet da'me 'lonaĝac qomle, jo'ne en yataqatelegue onolec q'aen ga'me lojaĝaua, qama'le 'nañaĝatela't.

Mateo 9:15

Jesús 'yategueta jogaa'me: —¿Qo'li yaqanate't ta'le demalaqataĝata'ajalo gaa'me jo'ne yec'adeta ga'me neualaĝayaĝac qom cha'li uetauelo ñe'me nojaĝaua? Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo', qama'le eja chimaqachiñe da'me noqouaqatela'ajalo jogaa'me.

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

Hechos 20:8

Da'me qadema'a't jouaqataue ga'me emec jo'ne p'ajeguem qayaje'mec, jalcote gaa'me coyadaĝanaqatel jo'ne edetañguilo;

Mateo 13:31

Jesús nach'e ena'am 'yaĝatema dojo' laloqotenaĝanaĝaiqui: “Joda'me lejaliaĝa di'me piyem ena'am jaga'me onole peta 'me mostaza jala qom 'uo ga'me jiyaĝaua yaalegue ga'me lanaĝanaqa'.

Mateo 25:7

Ena'uaque gaa'me q'añolel ñidijeguem ca'li qama'le yaconalo naa'me lecoyadaĝanaqatel.

Juan 18:3

Chane'eja ñe'me Judas da'me yovidi't jalcote joga'me coicopi jo'ne lequiaĝa'upi nataq'aen uo'oe gaa'me neteloqo't joga'me tamenaĝaiqui nataq'aen gaa'me lamaĝa's joga'me tamenaĝaiqui lo'olpi choqoga'me fariseopi, jo'ne uo'oe jogaa'me 'leuoĝonaqate', nataq'aen da'me yachi'tape jogaa'me lecoyadaĝanaqatel nataq'aen gaa'me lecoyadaĝanaqate laqaya jo'ne dole'.

Apocalipsis 8:10

Joñe'me piyem le'ec laqaya jo'ne dajoyalo'te joñaa'me dos piyem laje' male yajediye jaga'me lajeede, qama'le 'uo jaga'me uaqachiñi lat'edai jo'ne edetañgui, ena'am jaga'me coyadaĝanaqate da'me lauaq, qama'le 'naqañe, chiyaqaje'ma di'me piyem, qama'le tachi'ña ga'me lae jogaa'me ñachel, naqaegaua jo'ne tres gaa'me lael, qama'le nach'e ena'am tañguilo jogaa'me noĝo'pi jo'ne natetedajeguem.