Mateo 24:7 - Nuevo Testamento Toba Sombrero Negro

⁷ Qama'le ga'me noic delo'ye' ga'me noic laqaya, nataq'aen gaa'me nejaliaqa'te deloiquitapega't. Nataq'aen 'uo da'me noqouaĝa, nataq'aen qayoĝode' gaa'me ale'u lael deda'tape.

Nuevo Testamento Toba Sur

⁷ Cha'ayi ca qompi maichi delogui' ca sa lauo' l'ecpi, qataq ca nta'a maichi delogui' ca lÿa nta'a. Qataq huo'o ca nqouaxa qataq naua nalolaxaco, qataq qalota na 'alhuapi na huo'o na nacholaxanaxa.

La'aqtaqa Ñim Lo'onatac 'Enauacna 2013

⁷ Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa.

Mateo 24:7 Referans Kwoze

Lucas 21:11

Nataq'aen jalcote qomle da'me deda'tape jena'me aleua, da'me ne'ep gaa'me ale'u, nataq'aen 'uo da'me napite'nadi, choqoda'me uo'oe qomle gaa'me di'yo't di'me piyem jo'ne chaqayaqa let'al nataq'aen jalcoli'tolqa gaa'me 'nanaqa.

Apocalipsis 6:8

Qama'le jauana ga'me pegaq laqaya jo'ne yoqoviyat da'me 'loyaĝac, nataq'aen jo'me netalegue jo'ne lenaĝat da'me «Neleuaĝa.» Jo'me chiyoĝogue nach'e ena'am jauana jo'me laqaya jo'ne equegue, 'me lenaĝat da'me «Napa'lpi Necoñetaĝaiqui'», qama'le nach'ejoua jo'ne qoyanema da'me lañoqotaĝanaĝa'j qaedi yala't ga'me onolec gaa'me cuatro jiyaĝa'u jo'ne uetedalegue jena'me aleua, qama'le yauote ga'me nalada't qaedi dalataĝa'tape, nataq'aen dalataĝatec da'me noqouaĝa choqogaa'me napite'nadi nataq'aen gaa'me yejidi jo'ne diquiya'ape.

Hechos 11:28

Qama'le 'uo ga'me lenaĝat Ágabo, nechachiñe ca'li, nataq'aen da'me yojaĝanaĝan ñe'me Dios Lepaqal, 'yaĝatetac da'me 'uo qomle ga'me noqouaĝa yema jena'me aleua, nach'eda yepaque'tegue ca'li gaa'me noloqo'ote da'me lejaliaĝa ñe'me Claudio.

Apocalipsis 6:12

Mane'e ca'li yem da'me dojo' qama'le jauana joñe'me 'Naĝanaĝate Lec'oĝot da'me naqat jajo'me sexto 'nanaĝanaqate, qama'le 'uo jo'me ne'uaĝa let'adaic. Jañe'me ajeua neleguemaĝata da'me ledaĝai, yataqata 'naltapiye, nataq'aen ñe'me auoĝoic neleguemaĝata da'me tomaĝadaic, ena'am ta'le netauo' da'me 'loyaĝac.

Hebreos 12:27

Da'me eetac “Qomle yitaĝa ja'uo ga'me jedaĝat” qama'le jayatenaq da'me 'uo jo' qomle ga'me nolo' qom yitaĝa 'niyelaĝatela't gaa'me uo'oe jo'ne mach'e 'lonataqa gaa'me jo'ne yaqanatet da'me qonichiyaĝat, qaedi yejamache gaa'me ja yaqanate't ta'le qonichiyaĝat.

Hechos 2:19

Yataqachiñe 'uo da'me li'yoĝodi'j gaa'me jaloĝo'n qom'te, Jaga'me netauo', ga'me dole' chaqaga'me nemala', 'Me uedalegue di'me piyem, Jo'ne nalalegue jena'me aleua.

Apocalipsis 6:5

Mane'e ca'li yitaĝa qonaqat jaga'me 'nanaĝanaqate laqaya, qama'le yitaĝa jomachiya ñe'me jiyac laqaya jo'ne p'ayalegue joñe'me jo'ne 'uaechiñe jogaa'me yejidi, jo'ne eetac: “¡Oc nayi!” Qama'le yitaĝa jauana jo'me pegaq laqaya jo'ne ledaĝaic da'me 'loyaĝac, nataq'aen jo'me netalegue jo'ne lajoqot'a jajo'me napogoqotaĝanaĝaiqui.

Apocalipsis 6:6

Qama'le jomachiya jo'me 'naqatac jo'ne chimaqapiñgui jo'me laeñi jogaa'me yejidi, jo'ne eetac: “Da'me nejetenaguec ga'me onataĝanaĝaic, auen qomle da'me lajo'vi ena'am ga'me onolec kilo ga'me trigo lojoche, uotaĝa tres gaa'me kilos ga'me cebada lojoche. Qalaĝaja ena'te auen ne'uela't ga'me aceite uotaĝa ga'me uva li'i.”