Mateo 24:51 - Nuevo Testamento Toba Sombrero Negro

⁵¹ Qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j jogaa'me ja ejoda, ua'a da'me noyenaĝac nataq'aen yoqolavina't jonaa'me lodaitel.

Nuevo Testamento Toba Sur

⁵¹ Nachi ÿataqta qaica ca 'en'am naq'en ca nhuaxanaguec, 'eeta'am, naq'en da nhuaxanaguec nam 'eetegapi da 'eesa. Huaña, nachi noÿiitac, qataq ÿataqta inaga't na lhue da nqui'ic.

La'aqtaqa Ñim Lo'onatac 'Enauacna 2013

⁵¹ nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Mateo 24:51 Referans Kwoze

Mateo 8:12

Qalaĝaja ga'me judiopi lec'oqo'tepi jo'ne te'me naqaegaua tadoue da'me lejaliaĝa ñe'me Dios, male qoyamaĝade'ga qomle ga'me 'lalaĝa jo'ne p'aye. Chane'eja 'uo qomle da'me lachitatai'j choqoda'me noyenaĝa'j.

Lucas 12:46

qama'le 'uo da'me lachoĝodec jo' qom'te. Qa'a qom novi' ñe'me ladipa, ga'me nolo' jo'ne qamaĝaya't da'me qoyeuatetaque nataq'aen ga'me yataqachiñe tachigui ga'me nolo' ja qoyayaten, qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j gaa'me jo'ne ja yataĝalo'te.

Mateo 22:13

Chane'eja ñe'me jaliaĝanec enapegalo gaa'me jo'ne yelodelegue ga'me niqui'yaĝala': «Auecoñidiye' naa'me lapia'te nataq'aen naa'me loua' qama'le auajaqayi'ya ga'me p'aye 'me 'naltapiye. Ua'a da'me noyenaĝac nataq'aen lachoĝodec.»

Lucas 13:28

Chane'eja male novi' da'me ademalaqataĝanaĝaqui nataq'aen da'me adalemataiqui queda'me auañiyalo di'me Abraham, Isaac, Jacob nataq'aen ena'uaque dia'me 'laqataĝanaĝanaqa joñe'me Dios da'me uetedaue da'me daja' lejaliaqa', qalaĝaja ami qamqa'me qoyen oquiya'e qomle da'me ami qoyamaĝadegue.

Mateo 25:30

Qama'le jenjo' namaĝajec jo'ne qolanaqaic, auamaqayoue ga'me p'aye 'me 'lalaĝa. Ua'a da'me ya'uo da'me lachitataic choqoda'me noyenaĝac.”

Mateo 24:50

qama'le 'uo da'me lachoĝodec jo' qom'te. Qa'a qom novi' ñe'me ladipa, ga'me nolo' jo'ne qamaĝaya't da'me qoyeuatetaque nataq'aen ga'me yataqachiñe tachigui ga'me nolo' ja qoyayaten.