Mateo 24:5 - Nuevo Testamento Toba Sombrero Negro

⁵ Qa'a qayoĝode' gaa'me novi't qomle 'me ch'e jayem 'naĝachidiye, eetojo' qomle ga'me 'laqata'j: «Naqayem mach'e jayem Dios Liquiyac», nataq'aen qayoĝode' gaa'me yoqovi'n qomle.

Nuevo Testamento Toba Sur

⁵ Cha'ayi ÿataqta qalota qome na chochi n'enaqchingui da i'enaxat, 'eeta': “Aÿim mayi nachaÿim qadta'ai qadca'alaxaquii,” nachi ÿataqta qalota qome na ÿatenachit.

La'aqtaqa Ñim Lo'onatac 'Enauacna 2013

⁵ Cha'aye ỹataqta qalota qome na anac, nache choche ne'enaqchingui da ỹe'enaxat, nache 'enapega na shiỹaxauapi, 'eeta': «Aỹem maye nachaỹem Lca'aguishec Ñim Lo'onatac 'Enauacna.» Qataq do'onataxana qome da ỹe'enaxat, nache qalota qome na ỹatenachet.

Mateo 24:5 Referans Kwoze

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Mateo 24:11

Ñedijeguem qomle gaa'me eetapela'ajalo Dios 'laqataĝanaĝanaqa jo'ne ja ejoda, qama'le qayoĝode' ga'me yoqovi'n qomle.

1 Juan 2:18

Ami yalaqapi, male yovideta gaa'me noloqo'ote jo'ne p'atedegue, nataq'aen joote auomachiiya queda'me 'uo ga'me na'taquena jo'ne nautena joñe'me Cristo. Qama'le nayi uo'oe gaa'me qayoĝode' jo'ne nautetedapega joñe'me Cristo: qo'che' jayatenaq queda'me male yovideta gaa'me noloqo'ote jo'ne p'atedegue.

Juan 5:43

Naqayem jo'ne jachiyoqo'ot ñe'me Qadet'a, qama'te ja jayem 'te auacoñiyeguet; qalaĝaja ta'le 'uo ga'me jiyaĝaua laqaya jo'ne novi' mach'e 'naĝatapela't, qama'le nach'ega jo'ne auacoñiyeguet.

Apocalipsis 13:8

Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

Juan 8:24

Qo'che' ami ja'aĝatema da'me en adelevi q'ae'n qomle jonaa'me mach'e adoecodi', qa'a qom ja jayem 'te auep'iiya'a queda'me eja naqayem, qama'le en adelevi q'ae'n naa'me mach'e adoecodi'.

Juan 8:28

Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.

1 Juan 2:22

Gamachaqaega jo'ne nematapec joñe'me Jesús queda'me ja en 'te Cristo, nach'ega jo'ne yataqachiñe qovinaĝanaĝaic. Nach'ega jo'ne Jesús lauteua, qa'a nematapec joñe'me Qadet'a choqoñe'me Lec'oĝot.

1 Juan 4:3

Qalaĝaja gamachaqaegaua jo'ne ja dechoqotaĝatec queda'me Jesucristo yataqachiñe jiyaĝaua ca'li, nach'egaua ja ueteda'ajop joñe'me Dios. Nach'egaua yataqachiñe laute'u joñe'me Cristo, jogaa'me jo'ne joote auomachiiya queda'me novi't qomle, qama'te eja joote novi't qama'le quetedalegue jena'me aleua.