Mateo 24:43 - Nuevo Testamento Toba Sombrero Negro

⁴³ 'Noota qom auayachiñe da'me dojo': qom ga'me ladipa ga'me emec joote yayaten jaga'me hora da'me novi' ga'me cachaĝaic, qama'le joote yeviteta't qama'le ja yajeta ga'me cachaĝaic ta'le yenoĝonoue ga'me 'lemec qaedi decachi.

Nuevo Testamento Toba Sur

⁴³ Qalaxayi qami' qauaÿajñi da huo'otaq que'eca lma' ca noÿic, da huo'otaq ÿaÿaten ca laloqo' ca pe da nvi' ca cachaxaic, nachi camayi sa ishit da do'ochi, da yaqto' sa ishit da ÿashin da qainoxotau'a ca lma' da qaicachiÿot.

La'aqtaqa Ñim Lo'onatac 'Enauacna 2013

⁴³ Qaq ỹoqta 'eesa de'era qami' sa'aqtaxanema da ca lalamaxat ca nỹec da huo'otaq ỹaỹaten ca laloqo' da nvi' ca cachaxaic, nache camaye nauaatac ca lma', da yaqto' saishet da qaicachiỹot.

Mateo 24:43 Referans Kwoze

Lucas 12:39

Qama'le anetoviñetac da'me dojo': queda'me qom ñe'me loĝot ga'me emec yayatetelegue ga'me laloqo' da'me yovi' ñe'me cachaĝaic, qama'le ja yajeta ta'le taue ga'me 'lemec qaedi decachi.

Mateo 24:44

Chane'eja 'noota qom yataqata aniyamaĝacheta't, qa'a jaga'me hora qom male ja auenache'ta, male yitaĝa ñovi'.

Mateo 20:11

Ca'li yem da'me qoyejete'n, paja'a ja 'noe'n q'ae'n naa'me 'laqataqa, eedapega ñe'me ladipa ga'me nanaĝanaqa' jogaa'me onataĝanaĝayaqa,

Mateo 14:25

Ca'li yamta'le 'yoĝoñi, Jesús yec'ate'galo jogaa'me da'me pelegue ga'me noĝop.

Mateo 24:42

“Chane'eja, 'noota qom aneloyitaye, qa'a ja auayachiñe ga'me nolo' qom ñovi', da'me jayem jo'ne jayem Adejaliaĝanequi.

Mateo 25:10

Mane'e ca'li eque' qaedi quetot ga'me mach'e loĝo't qanach'e novi' ñe'me nojaĝaua. Ca'li yenoĝoneuo nach'e ena'ama gaa'me yeviteta'ajalo da'me yec'adeta ga'me 'nonáĝac, qama'le napadiñgui ga'me jom.

Mateo 25:13

“Chane'eja 'noota qom a'vicheta't, qa'a ja auayachiñe ga'me nolo' uotaĝa ga'me laloqo' da'me yitaĝa 'ñiyelaq.

Marcos 6:48

Qama'le yauanalo queda'me jalcote da'me yaqalaatedac da'me te'me yoqolequetetedac qa'a ma'te dajotede'eguet ga'me layat. Qalaqach'ele yamta'le 'yoĝoñi, qama'le joñe'me Jesús ec ca'li, pelegue ga'me noĝop da'me yec'ate'galo jogaa'me, qalaĝaja ee'tem da'me leuotalo'te jogaa'me.

Marcos 13:35

Chane'eja, 'noota qom a'nañaĝachiyec da'me adevitaĝaqui, qa'a ena'am ta'le ja auayachiñe ga'me laloqo' qom novi' ñe'me loĝot ga'me 'nachaqa', uotaĝa qom yemta pi'yaq, uotaĝa laeñi ga'me pi'yaq, uotaĝa qom jaya'agueteda, uotaĝa yamta'le 'yoĝoñi.

Lucas 12:38

Made'tapolqa jogaa'me, qom nelotedaye da'me yauanalo mate mane'e yovi' da'me laeñi ga'me pi'yaq uotaĝa yamta'le 'yoĝoñi.

Lucas 21:36

'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”

Apocalipsis 3:3

Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

Apocalipsis 16:15

Joñe'me Qadejaliaĝanec enaac: “Piiya, jayem auec'achiñe, ñanaequena qomle, qama'le ñejetetauo jena'am ga'me cachaĝaic, qama'le matac ga'me jo'ne nach'e eta't da'me nelotaye, qa'a Dios nelochi'ña joga'me nataq'aen da'me netelalo gaa'me louo qaedi ja jale'tague, qaedi ja qoyauana da'me jo'ne mach'e lepocoĝoc.”