Mateo 24:4 - Nuevo Testamento Toba Sombrero Negro

⁴ Jesús 'yategueta joga'me: —'Noota qom achiya'aguet ta'le 'uo gamachaqaega ami yoqovi'n.

Nuevo Testamento Toba Sur

⁴ Nachi so Jesús 'enapeco': –Maxatchaxa qome, sa ishit da huo'o ca qami' ÿatenachi't.

La'aqtaqa Ñim Lo'onatac 'Enauacna 2013

⁴ Nache So Jesús 'enapeco': –¡Maxatchaxa qome! Saishet da huo'o ca qami' ỹatenache't.

Mateo 24:4 Referans Kwoze

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

2 Ts 2:3

Ena'te auajeñetem ta'le 'uo ga'me ami yoqovi'n. Ga'me nolo' cha'li ja novi', qa'a male 'uaeñe 'uo ga'me nalada't jo'ne p'ategue, qom yataqata qonautena joñe'me Dios, qama'le di'yo'quena ñe'me jiyaĝaua jo'ne etaĝaloĝoic, jo'ne qoyamaĝa'ña qomle ga'me napa'lpi 'lachaqa'.

Colosenses 2:8

'Noota qom anechilela't: ena'te aniyamaĝadeñiyoto gaa'me jetaque ami yoqovineque gaa'me ch'e jiyaĝaua layatenaĝanaĝaco jo'ne ja ejoda choqogaa'me napaĝaguenataĝanaĝaco jo'ne ch'e lelnataĝaco ga'me aleua laje'pi, qa'a jogaa'me ja yotaua'n ñe'me Cristo.

Efesios 5:6

Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta.

Marcos 13:22

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye, qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Lucas 21:8

Jesús 'yategueta: —Achiya'aguet qomle da'me dojo' qaedi ja ami 'te qoyoqovi'n. Qa'a qayoĝode' gaa'me novi't qomle jo'ne ch'e jayem 'naĝachidiye. Eet'oi qomle: «Mach'e jayem Dios Liquiyac», nataq'aen «Mach'e laloqo'ena.» Qalaĝaja ami, ena'te oquiyegue.

Colosenses 2:18

Achiya'agueta jogaa'me jo'ne eetojo' nale ga'me 'laqata'j: “Ami adejomiitac queda'me ja anetameñiyoto jogaa'me piyem laje'.” Nach'enaua jo'ne eetapela'ajalo uo'oe da'me lichoĝonaĝaco jo'ne nach'e ena'am ami auaqanachichi ta'le ami ua'ajopa, nataq'aen queda'me ni'yoĝodetedapega nale ga'me yauata, jouaĝat gaa'me ch'e jiyaĝaua lelnataĝaco.

Gálatas 6:3

Qom 'uo ga'me nepetapela't p'ajaye, qom ja naq'aeta, qama'le ch'e noqovila't.