Mateo 24:31 - Nuevo Testamento Toba Sombrero Negro

³¹ Qama'le ñajoya'yelo gaa'me yamaĝa's jo'ne piyem laje' da'me ñe'uauaĝa'n qaedi qom qoyajediye jaga'me najeede qama'le yemata'a't jogaa'me yiquiyaqa chiyaqa'ñalo yemeda naa'me ale'u lael chayovida'alo gaa'me loiquiaqa'te jena'me aleua.

Nuevo Testamento Toba Sur

³¹ Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

La'aqtaqa Ñim Lo'onatac 'Enauacna 2013

³¹ Nache samaqteegalo qome na ỹamaxashecpi, namayepi ỹauota'a ana lasheere da yaqto' laỹona't nam Aỹem ca'attague'pi.

Mateo 24:31 Referans Kwoze

1 Ts 4:16

Qa'a qodomachiya jo' qomle da'me 'uo joga'me yejam, choqoda'me doje ñe'me piyem lejaliaĝanec nataq'aen jaga'me lajeede joñe'me Dios, qama'le male 'niyelaq joñe'me Qadejaliaĝanec, chiyoĝogue jodi'me piyem. Qama'le jodia'me yele'u jo'ne yataqata p'iida'a ñe'me Jaliaĝanec male naqaegaua 'uaediñe qoyen nec'alidijeguem jo' qomle.

Marcos 13:27

Qama'le ñamaĝatequena gaa'me piyem laje' qaedi yemata'a't ena'uaque jogaa'me yiquiyaqa, jo'ne chiyoĝoteda'ague ga'me nayapije'ma jañe'me ajeua, nataq'aen tayapi'ña jañe'me ajeua, choqoga'me qolauaic ladic nataq'aen ga'me uaquiaĝaic ladic, chayovida'a gaa'me naua'alo jo'ne chiyoqo'teguet naa'me loiquiaqa'te jena'me aleua.

1 Corintios 15:52

Dojo' 'uo yataqachiñe nepelaĝat qomle, ena'am ta'le qanaqategoĝoñi qom qodomachiya jaga'me najeede jo'ne p'ategue. Qa'a qom yejam jaga'me najeede qama'le dia'me joote yele'u male qo'niyelaĝachidijeguem, nataq'aen male ja yitaĝa yele'u, nataq'aen qo'mi queda'me maliaĝa qadec'aletaye male qo'mi qoyeleguemaĝa't qomle.

Mateo 13:41

Jayem jo'ne jayem Jiyaĝaua Lec'oĝot ñamaĝatequena qomle gaa'me piyem laje' qaedi yacone'ualo yema gaa'me jo'ne yaueguedoue nale ga'me loe'j joga'me laqaya'olqa nataq'aen jogaa'me 'yetedac da'me ja no'en.

2 Ts 2:1

Qama'le nayi, ami yaqaya'olqa, ga'me 'liyelaĝajoĝoc joñe'me Qadejaliaĝanec Jesucristo, uotaĝa ga'me nolo' jo' qomle male jouaqa'tajop joñe'me, ami ñachoĝodenoqoto

Efesios 1:10

Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Apocalipsis 7:1

Mane'e ca'li yem da'me dojo', qama'le jauanalo jaa'me cuatro piyem laje' jo'ne nechateta'ñalo naa'me cuatro loiquiaqa'te jena'me aleua, qama'le jogaa'me cha'li 'nelaĝatetedañe naa'me cuatro laya'che, qaedi ja yajedelegue jena'me aleua uotaĝa ga'me noĝop let'adaic, qama'le nach'e ena'ama gaa'me ep'a, qaga'te ta'le ch'e onole da'me yajedelegue.

Apocalipsis 8:2

Mane'e da'me yem qama'le jauanalo jaa'me siete piyem laje' jo'ne nechatetedañe, dajoteda'aguet joñe'me Dios, qama'le jaa'me yanema jaa'me siete najeedel.

Romanos 10:18

Qalaĝaja, jayem 'uo da'me yachimaqataĝanaĝac: ¿ja domachita jeele da'me 'naqataĝanaĝac? ¡Qa'ejo' domachita! Qa'a naa'me nedii's eet'oi: “Daa'me lejamaqa' jogaa'me nelagaĝatelegue yema jena'me aleua; chayovida'alo gaa'me p'atedegue lael jena'me aleua, yovida'alo daa'me 'laqataqa.”

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Mateo 24:22

Qalaĝaja qom ñe'me Jaliaĝanec ja yip'iaĝataye da'me dojo' qama'le qaya'te yaqanatet ta'le nec'alegue. Qalaĝaja, yip'iaĝataye qom'te, jouaĝat da'me yataqata yichoĝode'n jogaa'me lec'oqo'tolqa jo'ne mach'e liquiyaqa.

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

Lucas 24:47

Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.

Apocalipsis 1:20

Naa'me naajo' jo'ne ja di'yo't 'me siete uaqachiñil jo'ne auanalo da'me uetedaye jenjo' youaq jo'ne yayaten nataq'aen naa'me siete coyadaĝanaqatel jo'ne oro: jonaa'me siete uaqachiñil nach'enaua jo'ne piyem laje' 'me yelolo'te gaa'me siete tamenaĝaiqui', qama'le naa'me siete coyadaĝanaqatel jo'ne auanalo nach'enaua jo'ne siete naa'me tamenaĝaiqui'.

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Mateo 24:32

“'Noota qom yataqachiñe auayachiñe da'me dojo': qom yeloĝola'ñeguet jaga'me lepee ga'me higo lichidic qama'le nenoĝonegue jana'me layoqote qama'le auayachiñe queda'me yauaqa'a ga'me uo'e.

Hebreos 12:19

Ja auomachiiya da'me lajamaĝa jaga'me najeede, uotaĝa da'me 'laqatac ñe'me Dios ca'li doje. Qalaĝaja jogaa'me jo'ne domachita ca'li, 'uo da'me nachoĝodetedapecot qaedi ja en 'te quete' daa'me 'laqataqa.