Mateo 24:21 - Nuevo Testamento Toba Sombrero Negro

²¹ qa'a gaa'me noloqo'ote qom'te yataqachiñe 'uo da'me nachoĝodec, jo'ne ja naq'aeta ga'me 'uo chiyoqo'teguet ca'li 'uaechiñe qoye'et jena'me aleua, chayovida'a nayi, uotaĝa ta'le yitaĝa 'uo qom'te.

Nuevo Testamento Toba Sur

²¹ Cha'ayi ÿataqta qalota qome da que'ejnaxac. Sa ishit da huo'o ca 'eeta'am da qaÿachigoqta'ague co'ollaq chita'ague da qai'ot ana 'alhua, qataq sa ishit da qaltaq qanauane' qome de'eda que'ejnaxac.

La'aqtaqa Ñim Lo'onatac 'Enauacna 2013

²¹ cha'aye que'eca na'a'q na shiỹaxauapi ỹataqta qalota qome da nque'eenaxac. Saishet da huo'o ca 'eeta'am que'eca que'eenaxac dam qaỹachegoqta'ague co'ollaq cheta'ague da ỹo'ot ana 'alhua Ñim Lo'onatac 'Enauacna, qataq saishet da qaltaq qanauane' qome de'era que'eenaxac.

Mateo 24:21 Referans Kwoze

Lucas 21:24

Uo'oe gaa'me qoyalateque ga'me daĝanaĝat nataq'aen gaa'me laqaya' qoyaue'j qomle qama'le e'n lecoñetae's ga'me noyaqapi jena'me aleua; qama'le ga'me ja judiopi ch'e e'n lapiaĝala't qomle di'me Jerusalén, chayovida'a qom yenoĝodegue gaa'me noloqo'ote jo'ne qoyanema.

1 Ts 2:16

Qama'le nale jetaque jojaqapegue'to joga'me ja judiopi qaedi nach'e ena'am da'me qonec'alaĝatedegue, nach'e ena'am ja qo'mi 'te yaje'tema. Qama'le nach'eda da'me dojo' yataqata en nichiquetedajeguem da'me loe'j. Qalaĝaja qom qoya'uo ga'me loiquiaqa' jena'me jenjo', yataqata jalcote t'adaic joga'me en lachoĝode'j joga'me, mach'e chiyoqo'ot joñe'me Dios.

Mateo 24:29

“Qalaĝaja qom male yenoĝodegue naa'me naajo' uo'oe qama'le paja'a ga'me 'lalaĝa yapadelegue jañe'me ajeua nataq'aen ñe'me auoĝoic ja yitaĝa 'uo ga'me lauaq. Ga'me uaqachiñipi chiyoqodaje'ma di'me piyem da'me 'naqadañe nataq'aen da'me 'lañaĝaco 'me uedalegue di'me piyem qoyedaĝa'tape qomle.

Marcos 13:9

“'Noota qom mach'e anechilela't, qa'a ami qoyanouelo gaa'me nemaĝaiqui' lejaliaĝanaqa qomle, nataq'aen ami qoye'uaĝa'n nale oviyauelo gaa'me nemaĝaiqui'. Ami qoyajoĝona'agueta gaa'me jaliaĝanaqa jo'ne yelolo'te nale gaa'me ale'u lael nataq'aen jogaa'me jaliaĝanaqa jo'ne p'ajodaye, yajouaĝat da'me ami yapaĝaguenataqa, qaedi naq'aeta da'me male auaqanachichi ta'le jayem a'uaĝachetac nale auajoyiya'agueta jogaa'me.

Mateo 24:20

Anachoĝodeñiyot ñe'me Dios qaedi ja tachiguilo gaa'me noloqo'ote da'me 'lomaĝa uotaĝa nolo' 'me niyamaqatac da'me auajoyegue;

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.

Apocalipsis 16:18

Qama'le 'uo jo'me naqaselegaĝa choqogaa'me najamaĝaco nataq'aen ga'me noĝoyaĝac, nataq'aen da'me ledaĝac let'adaic jena'me aleua. Qama'le 'uo jo'me niquiaĝac let'adaic jo'ne napacalo'te yemeda gaa'me jo'ne uo'oe joca'li, chiyoqotelegue da'me uo'oe jogaa'me jiyaĝa'u jo'ne neda'ña jena'me aleua.