Mateo 24:15 - Nuevo Testamento Toba Sombrero Negro

¹⁵ “Chane'eja qom auañiya ga'me jo'ne te'me adiquiyayi'ya jo'ne yapalaĝat ena'uac, da'me jo'ne 'yaĝatetapi'ñgui ñe'me Dios 'laqataĝanaĝanec Daniel, queda'me naue da'me Dios 'lemec jo'ne ja 'nalegue —ga'me jo'ne yec'aten da'me dojo', 'noota qom yayaten,—

Nuevo Testamento Toba Sur

¹⁵ So l'aqtaxanaxanec ñi Dios l'enaxat Daniel, somayi ÿiyiñi co'ollaxa dam 'eetec ca ishit da deshipaxanaqtaxan qataq delaqtaxan. Qaq qom qami' qauloÿa'a camayi da huetaña cam sa ishit da lma' –qaq cam itaxaÿaxan ne'ena, qaq no'on da ÿaÿateeteguet,–

La'aqtaqa Ñim Lo'onatac 'Enauacna 2013

¹⁵ So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Mateo 24:15 Referans Kwoze

Marcos 13:14

“Mane'e qom auañiya ga'me jo'ne te'me adiquiyayi'ya jo'ne yapalaĝat ena'uac, queda'me naue da'me Dios 'lemec jo'ne ja 'nalegue —ga'me jo'ne yec'aten da'me dojo', 'noota qom yayaten—, chane'eja gaa'me jo'ne ueteda'a di'me Judea, 'noota da'me dajodegue yec'atalo gaa'me qajoĝona'a.

Lucas 21:20

“Qom auañiya di'me Jerusalén da'me qodique'tajop ga'me coicopi nalada't lo'olpi, male auayachiñe da'me ja cop'a da'me qoyapalaĝat.

Apocalipsis 1:3

Matac ga'me jo'ne dojelegue jenjo' yediijec jo'ne 'yaĝate'tape gaa'me uo'oe nayi nataq'aen gaa'me jo'ne uo'oe jo' qomle, nataq'aen made'tape yema gaa'me jo'ne domachita qama'le yoqochideta na'me jo'ne qoyediñe, qa'a male qoyoqo'ta ga'me laloqo' qom yema qoyen di'yoq.

Lucas 19:43

Qama'le noloqo'ote ja 'noe'n ami na'talo, queda'me gaa'me adaute'udi' yauo'oe ga'me 'noĝodijeguem jo'ne quedejop di'me noic, qama'le yajoĝona't nataq'aen yema naua'alo naa'me lael ga'me noic da'me denonataĝa'n.

Hebreos 2:1

Chane'eja 'noota qom yataqata jeloqo'tegue da'me ladic na'me napaĝaguenataĝanaĝac jo'ne joote jomachaĝa, qaedi ja jejomaqatac.

Hechos 6:13

Choqoda'me qoyauo'oe gaa'me choqotaĝanaĝayaqa jo'ne pecayaqa, jo'ne eetojo' ga'me 'laqata'j: —Jenjo' jiyaĝaua ja yaĝadiñi gaa'me 'laqataqa jo'ne nautetedapega ga'me ja 'nalegue tamenaĝaiqui nataq'aen nautenalo daa'me Dios lamaĝajoĝonaĝaco.

Apocalipsis 3:22

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»”

Hechos 21:28

niyaĝatedapejeguem: “¡Ami israelpi, qo'mi alecochiiyalo! Naqaena jena'me jenjo' jiyaĝaua jo'ne ja onolec ga'me ua'a dapaĝaguenataĝatapec ga'me jo'ne nautena ga'me qadayi, nautenalo gaa'me namaĝajoĝonaĝaco jo'ne chiyoqodo'ot ñe'me Moisés nataq'aen nautena jena'me jenjo' qanetamenaĝaiqui. Uoja'eda, nayi uo'oe ga'me griegopi jo'ne yenoĝonaqatede'uo na'me tamenaĝaiqui, en paĝachigui q'aen ga'me chalataqa' 'me ja 'nalegue.”

Juan 11:48

Qom ch'e jomachaqa'ta, qama'le ena'uaque ga'me jiyaĝadipi 'yamaqate'n qomle joñe'me. Qom naq'aeta qama'le na'taquena qomle gaa'me nejaliaĝanaqa jo'ne Roma laje' da'me nolaĝachidiñe jena'me mach'e qanetamenaĝaiqui nataq'aen da'me 'naĝa't jena'me qadayi.

Mateo 24:16

chane'eja gaa'me jo'ne ueteda'a di'me Judea, 'noota da'me dajodegue yec'atalo gaa'me qajoĝona'a;