Mateo 24:14 - Nuevo Testamento Toba Sombrero Negro

¹⁴ Qama'le dojo' 'laqataĝanaĝac ñe'me Dios 'me 'yaĝatetac da'me lejaliaĝa qo'yaĝatapema qomle ena'uaque ga'me jiyaĝadipi jo'ne uetedalegue jena'me aleua qaedi yateto'n. Yem qama'le novi' ga'me loiquiaqa'.

Nuevo Testamento Toba Sur

¹⁴ Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

La'aqtaqa Ñim Lo'onatac 'Enauacna 2013

¹⁴ Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Mateo 24:14 Referans Kwoze

Apocalipsis 14:6

Yem qama'le jauana jo'me piyem le'ec laqaya da'me uayotapelegue di'me piyem laeñi, jo'ne yachitac da'me 'naqataĝanaĝac jo'ne nach'e eta't ja pal, qaedi 'yaĝatema yema joga'me jiyaĝadipi jo'ne neteda'ña jena'me aleua, jo'ne yodapecache naa'me 'laqataqa nataq'aen jogaa'me noyaqa choqogaa'me neqomyaĝaco.

Romanos 10:18

Qalaĝaja, jayem 'uo da'me yachimaqataĝanaĝac: ¿ja domachita jeele da'me 'naqataĝanaĝac? ¡Qa'ejo' domachita! Qa'a naa'me nedii's eet'oi: “Daa'me lejamaqa' jogaa'me nelagaĝatelegue yema jena'me aleua; chayovida'alo gaa'me p'atedegue lael jena'me aleua, yovida'alo daa'me 'laqataqa.”

Lucas 24:47

Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Mateo 10:7

Jamoyi, a'uaĝachetac queda'me joote qoyoqo'ta da'me lejaliaĝa ñe'me Dios 'me na'ague di'me piyem.

Mateo 9:35

Jesús quetayelo ena'uaque joga'me noicolqa nataq'aen 'nachaqa'tolqa, dapaĝaguenataĝatapegouelo gaa'me nemaĝaiqui' 'me na'ñalo nale gaa'me yec'atalo. Dapaĝaguenataĝatapec da'me onaĝaic 'naqataĝanaĝac jo'ne 'yaĝatetac da'me Dios lejaliaĝa, nataq'aen en yemedegue ga'me leuaĝaiquipi 'me yodapecache gaa'me lapite'nadi choqogaa'me layaliaĝaco.

Colosenses 1:6

Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

Mateo 24:6

Ami novitalo qomle ga'me 'naqataĝanaĝac queda'me nalatetapega't jenjo' nataq'aen di'cha'a; qalaĝaja ena'te at'oiyi, qa'a youetaque da'me yepacalegue da'me uo'oe daa'me daajo', qalaĝaja maliaĝa ja loiquiaqa' jena'me aleua.

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Hechos 17:6

qalaĝaja queda'me ja qoyauanalo ta'le uetede'edi, qama'le yauequetedac ñe'me Jasón nataq'aen gaa'me jiyaĝa'u laqaya' da'me qoyajoĝona'agueta gaa'me jaliaĝanaqa di'me noic, niyaĝatedapejeguem: —¡Naajo' jiyaĝa'u jo'ne yema jena'me aleua da'me 'ñemaĝachidiñe, nach'e ena'am nec'adeta jena'me jenjo',

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

Hechos 20:25

“Qama'le nayi jachimaĝadejañe queda'me gamachaqaega ami, gaa'me jo'ne jayatenaĝaneque da'me lejaliaĝa ñe'me Dios, ja yitaĝa jayem yauata.

Mateo 24:3

Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

Apocalipsis 16:14

Naa'me naajo' jo'ne nenoĝodegue nach'enaua 'me payac lepaqa'li, jo'ne yauo'oe gaa'me 'nanaqa jo'ne yaloĝo'n, qama'le yapotena't ena'uaque jogaa'me lejaliaĝanaqa ga'me jiyaĝadipi, qaedi yeloiquiaĝa'n qom yovita ga'me nolo' 'me laloqo' da'me le'uaĝanaĝanaĝac ñe'me Dios jo'ne qaya'te yaqalaatac.

Lucas 4:5

Yem qama'le payac yañijeguem, cada'ac yaloĝonalo yema gaa'me ale'u jo'ne nejaliaqa'te jena'me aleua,

Hechos 1:2

chayovida'a jo'me nolo' ca'li male qoyauegue di'me piyem. Ca'li maliaĝa 'uo qama'le yanema daa'me lamaĝajoĝonaĝaco jo'ne chiyaqayi q'aen ñe'me Dios Lepaqal gaa'me lamaĝa's jo'ne joote 'yatetelo'te.

Hechos 11:28

Qama'le 'uo ga'me lenaĝat Ágabo, nechachiñe ca'li, nataq'aen da'me yojaĝanaĝan ñe'me Dios Lepaqal, 'yaĝatetac da'me 'uo qomle ga'me noqouaĝa yema jena'me aleua, nach'eda yepaque'tegue ca'li gaa'me noloqo'ote da'me lejaliaĝa ñe'me Claudio.

Mateo 18:19

“Ami jayatenaĝaneque queda'me qom ga'me auecoñediye jena'me jenjo' aleua, nach'e ena'am qoyecoñe' da'me daja' piyem, nataq'aen ga'me jo'ne auejoyitañe jena'me jenjo' aleua, nach'e ena'am da'me daja' piyem qoyejotaye ga'me.

Lucas 2:1

Jaajo' noloqo'ote joca'li, ñe'me Roma le'ec Augusto, jo'ne nec'atenoqo't di'me aleua, damaĝajoĝolegue ca'li da'me qaedi yema nedela't ga'me jiyaĝadipi jo'ne yelolegue.

Marcos 13:10

Qama'le da'me 'naqataĝanaĝac jo'ne onaĝaic 'noota ta'le 'uaeñe qot'aqataĝatapema yema ga'me noyaqapi.

Hechos 17:31

Qa'a Dios 'uo qomle ga'me nolo' jo'ne yelotelegue da'me ya'uo da'me chimaqachiñe nemitaguec yema jena'me aleua, yachiyoĝotetelegue ñe'me onolec jiyaĝaua jo'ne 'yatetelegue joñe'me; nach'eñe yaloĝonalo ena'uaque jogaa'me da'me 'niyelaĝachijeguem yachiyoĝotauelo joga'me napa'lpi.”

Hechos 19:27

Da'me dojo' yataqachiñe 'uo da'me lichic, qa'a da'me qademenaĝanaĝac uotaĝa taya'a da'me ne'uela't, chayovida'a ñe'me tamenaĝaiqui jaga'me p'ajaye qonetamenapecot Artemisa, nach'e ena'am qaya da'me li'yoĝodic qomle. Qama'le naq'aeta da'me qo'yotatac da'me 'lonaĝa jana'me janjo' qonetamenapecot jo'ne yema ga'me aleua jo'ne Asia qo'nonaĝachigui nataq'aen yema jena'me aleua.

Hebreos 1:6

Qalaĝaja qom 'yaĝatetac joñe'me mach'e Lec'oĝot jo'ne nipiloĝot, da'me namaĝa'ña jena'me aleua, qama'le eetac: “Yema jogaa'me mach'e yamaĝa's jo'ne piyem laje'pi, 'Noota qom 'nonaĝachidegue joñe'me.”

Hebreos 2:5

Qom Dios yadalaĝat jena'me aleua, jena'me jo'ne joote ami ja'aĝatema, qama'le ja nach'egaua gaa'me piyem laje' ta'le qoye'n qadejaliaĝanaqa.