Mateo 23:8 - Nuevo Testamento Toba Sombrero Negro

⁸ “Qalaĝaja ami 'noota qom ja a'uamaqachiñe ta'le ami qoyiyaĝanaĝatapeque paĝaguenataĝanaĝayaqa, qa'a ena'uaque ami mach'e ami naqaya' nataq'aen onolec ñe'me Anapaĝaguenoqo't.

Nuevo Testamento Toba Sur

⁸ Qalaxayi qami' sa ishit qome da qami' ÿamata'aque napaxaguenataxanaxayi na shiÿaxauapi. Cha'ayi 'enauac da qoñiita qami' nqaÿañicpi, qaq 'oonolec na qanapaxaguenaxala'ai, mayi nachina na nta'a nca'alaxaqui.

La'aqtaqa Ñim Lo'onatac 'Enauacna 2013

⁸ Qalaxaye qami' saishet qome da qauacheeta'a na shiỹaxauapi da qami' iỹaxanalo qalaq 'eetega qami' napaxaguenataxanaqpi. Cha'aye 'enauac da qoñiita qami' nqaỹañecpi, qaq 'oonolec na Qanapaxaguenaxala'ai.

Mateo 23:8 Referans Kwoze

Santiago 3:1

Ami yaqaya'olqa, 'noota qom ena'te auauoyi da'me jo'ne qayoĝode' jogaa'me paĝaguenataĝanaĝayaqa, qa'a auayachiñe da'me qo'mi jo'ne qo'mi paĝaguenataĝanaĝayaqa, 'uo qomle da'me qanec'atenaguec jo'ne 'uo da'me laqalaic, ja jenaqa'am ga'me qadayi.

1 Pedro 5:3

Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

Mateo 23:10

'Noota qom ja ami 'te qoyiyaĝanaĝatapeque najoĝola'te, qa'a onolec ñe'me adajoĝoladi' nach'eñe Cristo.

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

Apocalipsis 22:9

Qalaĝaja male jayem enapega: “Ena'te aua'uo da'me dojo', qa'a ch'e jayem lalemaĝajet joñe'me Dios, qama'le am jena'am, nach'e ena'ama di'me adaqaya' jo'ne Dios 'laqataĝanaĝanaqa nataq'aen ena'uaque jogaa'me jo'ne yoqocha'alo naa'me 'naqataqa 'me uetedalegue janjo' nede. Nach'edata da'me a'nonaĝachigui joñe'me Dios.”

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Efesios 3:15

jo'ne nach'eñe 'lonataqa yema gaa'me uo'oe, gaa'me jo'ne neda'ña jena'me aleua nataq'aen gaa'me neda'ague di'me piyem.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

Mateo 26:49

Chane'eja yec'ata ñe'me Jesús, enaac: —¡Ñauanaĝa't, am paĝaguenataĝanaĝaic! Qama'le nec'ouoq.

Mateo 10:25

Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?

Mateo 23:7

nataq'aen nale yec'adeta ga'me laeñi ga'me noic qama'le jetaque qo'nonaĝachiguilo nale qoyep'iye'n, nataq'aen jetaque qoyiyaĝanaĝatapec paĝaguenataĝanaĝayaqa.

Mateo 26:25

Chane'eja Judas jo'ne nach'eñe p'atapelegue, yachimaĝata: —Jaliaĝanec, ¿qo'li naqayem? Qama'le 'yateguet ñe'me Jesús: —Naq'aeta da'me mach'e anenaĝategue.

Marcos 9:5

Pedro yiyaĝatapega ñe'me Jesús, enaac: —Jaliaĝanec, ¡yataqachiñe 'noota da'me jouaqa'ta jena'me jenjo'! Jauoqo'oe tres gaa'me nepele'te: onolec ga'me adoĝot, laqaya Moisés loĝot, nataq'aen joga'me laqaya loĝot da'me Elías.

Marcos 10:51

Jesús yenat joñe'me: —¿Jach'e ga'me jetaque am jee'tem? Ñe'me qanam 'yateguet: —Jaliaĝanec, jetaque yitaĝa jauanaac.

Marcos 11:21

Chane'eja Pedro netouetac ga'me 'uo mañaĝa, qama'le dojapegue' ñe'me Jesús: —¡Jaliaĝanec! ¡Auec'aten jaga'me higuera jo'ne auenapega: male daqaqa!

Marcos 14:45

Chane'eja yec'ata ñe'me Jesús qama'le yep'iyen, enaac: —¡Jaliaĝanec! Nataq'aen nec'ouoq.

Juan 1:38

Qama'le Jesús 'nejelegalo qama'le yauanalo da'me quetedapegue', chane'eja male yena't: —¿Jach'e ga'me anechetaque? Qama'le enapega't: —Paĝaguenataĝanaĝaic, ¿jach'e ga'me at'achaqa'?

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

Juan 3:2

Nach'eñe jo'ne yec'ata ñe'me Jesús ca'li pi'yaq qama'le enaac: —Am paĝaguenataĝanaĝaic, jayatenaq queda'me am namaĝaquena joñe'me Dios qaedi qo'mi auapaĝague'n, qa'a qom Dios ja uetaue ga'me jiyaĝaua qama'le ja yaqanatet ta'le ya'uo ga'me di'yoq jo'ne laloĝonataĝanaĝac 'me ena'am da'me aua'uo.

Juan 3:26

qama'le yec'adeta joñe'me Juan gaa'me lapaĝaguenataqa qaedi qot'aqataĝanem: —Am paĝaguenataĝanaĝaic, jo'me jo'ne am ue'tajop ca'li oue'ta di'me lajego di'me Jordán, jo'me jiyaĝaua jo'ne qo'mi a'uaĝatapema, joote dachilaĝanataĝatac, nataq'aen ena'uaque joga'me jiyaĝadipi quetegue joñe'me.

Juan 4:31

Mane'e ca'li jona'li novidedeta ga'me jiyaĝadipi, qama'le jogaa'me lapaĝaguenataqa ñe'me Jesús male dojedapegue' joñe'me: —Am paĝaguenataĝanaĝaic, cha'li aueque'e.

Juan 6:25

Mane'e da'me yovidedeta ga'me lajego joga'me noĝop let'adaic qama'le yauata ñe'me Jesús queda'me ue'ta joga'me loogue, qama'le 'uo da'me qoyenatetapec: —Paĝaguenataĝanaĝaic, ¿jach'e jo'me ua'a da'me anovitequena?

Juan 9:2

Jogaa'me lapaĝaguenataqa yenatetedapec: —Paĝaguenataĝanaĝaic, ¿toqoch'e qanam joca'li niyiñe jenjo' jiyaĝaua? ¿Qo'li yajouaĝa't daa'me let'al loeco, uotaĝa gaa'me jo'ne mach'e loeco?

Juan 11:8

Jogaa'me lapaĝaguenataqa t'aqataĝatem joñe'me: —Paĝaguenataĝanaĝaic, ja cop'a joga'me judiopi 'me 'lachaqa't di'me dijo' aleua jetaque am yajaĝateque gaa'me qadi da'me am yala't, qama'te ¿toqoch'e jetaque yitaĝa auajoyi jodi'me?

Juan 20:16

Qama'le ñe'me Jesús enaac: —¡María! Qama'le yitaĝa nejouoĝoñe jañe'me, dajoya'aguet joñe'me, qama'le en da'me hebreo 'laqatac da'me enaac: —¡Raboni! (jo'ne yelo'teguet da'me “am paĝaguenataĝanaĝaic.”)

Filemón 1:16

Qama'le nayi ja ena'am da'me ch'e adelatac dite da'me ena'am da'me napacalegue ga'me ch'e nelatac; ena'am ga'me yataqachiñe adaqayeja jo'ne adoqopita. Jayem jalcote da'me joqopita, qalaĝaja da'me am, 'noota qom yaguegue auen jo' qomle da'me adoqopich'i, qa'a ja nach'edata da'me ch'e adelatac, dite da'me yataqachiñe qadanogaĝaua qadaqayeja jo'ne p'iya'a ñe'me Qadejaliaĝanec.