Mateo 23:7 - Nuevo Testamento Toba Sombrero Negro

⁷ nataq'aen nale yec'adeta ga'me laeñi ga'me noic qama'le jetaque qo'nonaĝachiguilo nale qoyep'iye'n, nataq'aen jetaque qoyiyaĝanaĝatapec paĝaguenataĝanaĝayaqa.

Nuevo Testamento Toba Sur

⁷ Qataq nshitaique da qaiyaata da qaiquin da huangui na nqa'aic, qataq da qaÿamata'ac napaxaguenataxanaqpi.

La'aqtaqa Ñim Lo'onatac 'Enauacna 2013

⁷ Qataq ỹataqta ỹaỹamaxareeta da na shiỹaxauapi da huo'o naq 'enec da iquin da huaña ca menaqa', qataq da qaiỹaxana qalaq qoỹeeta' napaxaguenataxanaqpi.

Mateo 23:7 Referans Kwoze

Juan 1:38

Qama'le Jesús 'nejelegalo qama'le yauanalo da'me quetedapegue', chane'eja male yena't: —¿Jach'e ga'me anechetaque? Qama'le enapega't: —Paĝaguenataĝanaĝaic, ¿jach'e ga'me at'achaqa'?

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

Juan 20:16

Qama'le ñe'me Jesús enaac: —¡María! Qama'le yitaĝa nejouoĝoñe jañe'me, dajoya'aguet joñe'me, qama'le en da'me hebreo 'laqatac da'me enaac: —¡Raboni! (jo'ne yelo'teguet da'me “am paĝaguenataĝanaĝaic.”)

Juan 6:25

Mane'e da'me yovidedeta ga'me lajego joga'me noĝop let'adaic qama'le yauata ñe'me Jesús queda'me ue'ta joga'me loogue, qama'le 'uo da'me qoyenatetapec: —Paĝaguenataĝanaĝaic, ¿jach'e jo'me ua'a da'me anovitequena?

Juan 3:26

qama'le yec'adeta joñe'me Juan gaa'me lapaĝaguenataqa qaedi qot'aqataĝanem: —Am paĝaguenataĝanaĝaic, jo'me jo'ne am ue'tajop ca'li oue'ta di'me lajego di'me Jordán, jo'me jiyaĝaua jo'ne qo'mi a'uaĝatapema, joote dachilaĝanataĝatac, nataq'aen ena'uaque joga'me jiyaĝadipi quetegue joñe'me.

Juan 3:2

Nach'eñe jo'ne yec'ata ñe'me Jesús ca'li pi'yaq qama'le enaac: —Am paĝaguenataĝanaĝaic, jayatenaq queda'me am namaĝaquena joñe'me Dios qaedi qo'mi auapaĝague'n, qa'a qom Dios ja uetaue ga'me jiyaĝaua qama'le ja yaqanatet ta'le ya'uo ga'me di'yoq jo'ne laloĝonataĝanaĝac 'me ena'am da'me aua'uo.

Marcos 10:51

Jesús yenat joñe'me: —¿Jach'e ga'me jetaque am jee'tem? Ñe'me qanam 'yateguet: —Jaliaĝanec, jetaque yitaĝa jauanaac.

Marcos 9:5

Pedro yiyaĝatapega ñe'me Jesús, enaac: —Jaliaĝanec, ¡yataqachiñe 'noota da'me jouaqa'ta jena'me jenjo'! Jauoqo'oe tres gaa'me nepele'te: onolec ga'me adoĝot, laqaya Moisés loĝot, nataq'aen joga'me laqaya loĝot da'me Elías.

Mateo 23:8

“Qalaĝaja ami 'noota qom ja a'uamaqachiñe ta'le ami qoyiyaĝanaĝatapeque paĝaguenataĝanaĝayaqa, qa'a ena'uaque ami mach'e ami naqaya' nataq'aen onolec ñe'me Anapaĝaguenoqo't.

Mateo 11:16

Qama'le cha'li 'uo ga'me ñaloqochiñgui jena'me jenjo' jiyaĝadipi jo'ne uo'oe nayi. Ami ja'aĝatema queda'me ena'ama ga'tae'me ñoqolqa jo'ne ueteda'a ga'me laeñi ga'me noic da'me dañañi'tape qama'le yiyaĝatapegalo jogaa'me laqaya', enapega'ajalo:

Mateo 26:25

Chane'eja Judas jo'ne nach'eñe p'atapelegue, yachimaĝata: —Jaliaĝanec, ¿qo'li naqayem? Qama'le 'yateguet ñe'me Jesús: —Naq'aeta da'me mach'e anenaĝategue.

Mateo 26:49

Chane'eja yec'ata ñe'me Jesús, enaac: —¡Ñauanaĝa't, am paĝaguenataĝanaĝaic! Qama'le nec'ouoq.

Marcos 11:21

Chane'eja Pedro netouetac ga'me 'uo mañaĝa, qama'le dojapegue' ñe'me Jesús: —¡Jaliaĝanec! ¡Auec'aten jaga'me higuera jo'ne auenapega: male daqaqa!

Marcos 12:38

Jesús eetojo' da'me lapaĝaguenataĝanaĝac: “Achiya'agueta joga'me judiopi napaĝaguenoqo'tpi jo'ne noqopideta da'me yaidiñe gaa'me leuo jo'ne yededañe nale yeuo'tape, nataq'aen nale yec'adeta ga'me laeñi ga'me noic qama'le jetaque qo'nonaĝachiguilo nale qoyep'iye'n.

Marcos 14:45

Chane'eja yec'ata ñe'me Jesús qama'le yep'iyen, enaac: —¡Jaliaĝanec! Nataq'aen nec'ouoq.

Lucas 11:43

“¡Degueja qom'te da'me adachoĝodequi, ami fariseopi! Qa'a auepaquitapega ta'le oñiyañguilo gaa'me je'onaĝaiqui' jo'ne qoyi'yoĝode'n nale ayoue ga'me nemaĝaiqui, nataq'aen auepaquitapega ta'le ami yi'yoĝode'tape gaa'me jiyaĝadipi nale ovi'ta ga'me laeñi ga'me noic.

Juan 4:31

Mane'e ca'li jona'li novidedeta ga'me jiyaĝadipi, qama'le jogaa'me lapaĝaguenataqa ñe'me Jesús male dojedapegue' joñe'me: —Am paĝaguenataĝanaĝaic, cha'li aueque'e.

Juan 9:2

Jogaa'me lapaĝaguenataqa yenatetedapec: —Paĝaguenataĝanaĝaic, ¿toqoch'e qanam joca'li niyiñe jenjo' jiyaĝaua? ¿Qo'li yajouaĝa't daa'me let'al loeco, uotaĝa gaa'me jo'ne mach'e loeco?

Juan 11:8

Jogaa'me lapaĝaguenataqa t'aqataĝatem joñe'me: —Paĝaguenataĝanaĝaic, ja cop'a joga'me judiopi 'me 'lachaqa't di'me dijo' aleua jetaque am yajaĝateque gaa'me qadi da'me am yala't, qama'te ¿toqoch'e jetaque yitaĝa auajoyi jodi'me?