Mateo 23:39 - Nuevo Testamento Toba Sombrero Negro

³⁹ qama'le ami ja'aĝatema queda'me ja yitaĝa jayem auañiya chayovida'a yovita ga'me nolo' queda'me aueñiyaac jo': «¡Mach'eñe q'aen ñe'me Lamaĝajec ñe'me Jaliaĝanec, nach'eñe jo'ne namaĝaquena!»”

Nuevo Testamento Toba Sur

³⁹ Cha'ayi aÿim qami' shinapegalo da nachi tachiguiña nagui da aÿim sa qanauañi', to' qom ivita ca laloqo' da qami' qoñiita': “Ÿataqta no'on da lliquiaxac nam nactaigui da l'enaxat ñi qadataxala'.”

La'aqtaqa Ñim Lo'onatac 'Enauacna 2013

³⁹ Cha'aye ỹoqta 'eesa de'era qami' sa'aqtaxanema da chegoqchiguiña nagui da saishet da ỹoltaq Aỹem qauloỹa'a, choche ivita'a qome da qoñiita': «Ỹataqta no'on da llecỹaxac nam Lca'aguishec Ñim Lo'onatac 'Enauacna, maye nactaigui da le'enaxat Ñimaye.»

Mateo 23:39 Referans Kwoze

Mateo 21:9

Qama'le gaa'me dajota'yelo nataq'aen gaa'me p'atedegue, niyaĝatedapejeguem, enaac: “¡Yataqachiñe 'ñonaĝataĝaye ñe'me c'oĝot di'me jaliaĝanec David! ¡Qo'nonaĝachigui ñe'me jo'ne naequena jo'ne lamaĝajec ñe'me Jaliaĝanec! ¡'Ñonaĝataĝaye ñe'me jo'ne nejaliaĝatelegue di'me p'ajeguem!”

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.

Juan 8:56

Di'me adet'ai Abraham matac joca'li queda'me yayaten da'me 'uo qomle ga'me nolo' da'me male jayem yauana. Chane'eja jalcote da'me lamaic ca'li male jayem yauana.

Juan 8:24

Qo'che' ami ja'aĝatema da'me en adelevi q'ae'n qomle jonaa'me mach'e adoecodi', qa'a qom ja jayem 'te auep'iiya'a queda'me eja naqayem, qama'le en adelevi q'ae'n naa'me mach'e adoecodi'.

Juan 8:21

Jesús yitaĝa yapaĝague'n jogaa'me jiyaĝa'u, qama'le enaac: —Da'me jayem jec qomle, qama'le da'me ami male jayem aueloyitaque, qalaĝaja da'me en adelevi q'ae'n qomle jonaa'me adoecodi'. Qama'le da'me jo'ne jajoyi ja auaqanachichi ta'le auec'achiya.

Lucas 17:22

Yem qama'le t'aqataĝanema jogaa'me lapaĝaguenataqa: —Mach'e jayem Jiyaĝaua Lec'oĝot, qama'le yovideta ga'me noloqo'ote qom'te queda'me chiliajaĝa onolec ga'me nolo' da'me ami jetaque jayem auañiya, qalaĝaja ja auañiya.

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Juan 14:9

Qama'le Jesús 'yateguet joñe'me: —Am Felipe, joote qayoĝode' jaa'me noloqo'ote da'me ami jouetauelo, qama'te ¿qo'li maliaĝa ja jayem 'te auatetoñi? Ga'me jo'ne joote jayem yateton, nach'ega joote yauana ñe'me Taĝadena'; qama'le ¿toqoch'e jayem anachoĝodeñetapecot da'me jetaque ami jaje'tema ta'le auañiya ñe'me Taĝadena'?