Mateo 23:34 - Nuevo Testamento Toba Sombrero Negro

³⁴ Jouaĝat da'me dojo' nayi ami ñamaĝalo daa'me Dios 'laqataĝanaĝanaqa 'me yatenaĝanaĝayaqa nataq'aen paĝaguenataĝanaĝayaqa. Qalaĝaja ami aualachi' qomle nataq'aen uo'oe gaa'me auep'eñiyajeguem, gaa'me laqaya' a'uaĝañe'tape da'me uetauelo gaa'me ademaĝaiqui', nataq'aen laqaya' yapiyetapegouelo gaa'me noyaqa da'me auecaañi'tape.

Nuevo Testamento Toba Sur

³⁴ Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

La'aqtaqa Ñim Lo'onatac 'Enauacna 2013

³⁴ Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Mateo 23:34 Referans Kwoze

Mateo 13:52

Chane'eja Jesús 'yaĝatema jogaa'me, enaac: —Qom 'uo ga'me judiopi napaĝaguenoqo't male yaconeguet da'me lejaliaĝa jodi'me piyem, ena'am da'me ladipa ga'me emec jo'ne yayaten da'me yachiyoĝotedaue jaga'me neuoyaĝac lae't gaa'me dalaĝayaqa choqogaa'me toye's.

Colosenses 1:28

Chane'eja da'me qo'mi male ja'aĝataqatac joñe'me Cristo, jaqataqatapegalo ena'uaque joga'me jiyaĝadipi nataq'aen japaĝaguenaqatapeque joda'me layatenaĝanaĝac joñe'me Cristo, qaedi onolqa'tape joga'me jiyaĝadipi yataqata yemetede'eguet joñe'me Cristo nataq'aen joote yi't da'me lepi'iyaĝa'j nale dajotedo'ot ñe'me Dios.

Hechos 13:1

Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Mateo 10:23

Qom ami qoyecaa'tape, oquiya'e di'me oñiya'ña qama'le auapiñeya ga'me noic laqaya. Eja ami ja'aĝatema queda'me ja auaqanachichi ta'le yemeda auecaechiyalo jogaa'me noyaqa jona'me israelpi, chayovida'a male 'ñiyelaq, da'me jayem jo'ne jayem Jiyaĝaua Lec'oĝot.

Apocalipsis 11:10

Jogaa'me jo'ne 'lachaqa't jodi'me aleua ja 'yamaqate'n jodia'me Dios 'laqataĝanaĝanaqa, qa'a eetedapega nach'ediaua dia'me jo'ne chiyaqayilo da'me layaliaqa'. Chane'eja yataqata netotec da'me leleuaĝa' jodia'me, yauote da'me lamai'j nataq'aen yache't gaa'me leyalaqataĝanaĝa'j gaa'me laqaya'.

Hebreos 11:37

Qama'le gaa'me jiyaĝa'u laqaya' yele'u da'me qoyajaĝaque gaa'me qadi, choqogaa'me qoyichaĝayelo naa'me lajoche, nataq'aen da'me yele'u da'me qoyejogueque ga'me nedaĝanaĝat liaĝa. Ja onolec ga'me tade'ga ch'e p'atedapiñgui. Gaa'me jiyaĝa'u laqaya' e'n nojomaĝaqui gaa'me 'naĝanaĝate loje', nataq'aen gaa'me quetaĝa loje', choĝodayaqolqa, lichiguilo naa'me lai'li, nataq'aen da'me ja no'en da'me qo'yeteque.

1 Corintios 3:10

Dios jayem 'yetem da'me qaedi jaloĝonataĝalegue da'me 'netaguec ga'me emec da'me qo'noĝojeguem, chane'eja je'et jaga'me lamo; qama'le nayi 'uo ga'me jiyaĝaua laqaya jo'ne 'noĝodijeguem gaa'me lael ga'me emec. Qalaĝaja 'noota qom onolqa'tape netela' ga'me mach'e 'yetetac qaedi yataqachiñe 'noota ga'me 'noĝojeguem.

1 Corintios 2:6

Qalaĝaja 'uo da'me nayatenaĝanaĝac jo'ne japaĝaguenaĝaque gaa'me jo'ne t'añi da'me lepe'e', mate mane'e ja layatenaĝanaĝac jena'me aleua, ja layatenaĝanaĝa'j gaa'me jo'ne nejaliaĝatedelegue jena'me aleua, nach'egaua ja cop'a da'me qoyapalaĝa't qomle.

Hechos 15:32

Qama'le queda'me Judas nataq'aen Silas nach'e ena'ama Dios 'laqataĝanaĝanaqa, gaa'me 'laqataqa jalcote da'me loyaĝa'tape nataq'aen 'yañaqate'tape jogaa'me qadaqaya'olqa.

Hechos 14:19

Qanach'e ua'a da'me yovi't ga'me judiopi chiyoqoda'a di'me Antioquía nataq'aen Iconio, jo'ne 'ñemaĝachidiñe ga'me lelnataĝa'j ga'me jiyaĝadipi. Chane'eja qoyijaĝac ga'me qadipi ñe'me Pablo qama'le yepetedapega da'me joote yeleu, qoyauegue'ga ga'me p'aye di'me noic.

Hechos 12:2

Damaĝajoĝolegue da'me qoyalatec ga'me daĝanaĝat di'me Santiago, jodi'me lanoqolec ñe'me Juan;

Hechos 11:27

Jaa'me jaajo' noloqo'ote, uo'oe gaa'me Dios 'laqataĝanaĝanaqa jo'ne chiyoqoda'ña di'me Jerusalén da'me yec'adeta di'me Antioquía.

Hechos 5:40

Chane'eja qoyiyaĝane'galo gaa'me namaĝa's, qoye'uaĝa'n nataq'aen qoyecochaĝateque ta'le quetedalegue da'me lañoqotaĝanaĝac ñe'me Jesús; yem qama'le qoyejodegue.

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Juan 16:2

Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

Lucas 24:47

Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.

1 Ts 2:16

Qama'le nale jetaque jojaqapegue'to joga'me ja judiopi qaedi nach'e ena'am da'me qonec'alaĝatedegue, nach'e ena'am ja qo'mi 'te yaje'tema. Qama'le nach'eda da'me dojo' yataqata en nichiquetedajeguem da'me loe'j. Qalaĝaja qom qoya'uo ga'me loiquiaqa' jena'me jenjo', yataqata jalcote t'adaic joga'me en lachoĝode'j joga'me, mach'e chiyoqo'ot joñe'me Dios.

Mateo 23:31

Naq'aeta da'me dojo' queda'me mach'e ami anatetoñela't da'me ami lec'oqo'tepi jodia'me jo'ne yala't dia'me Dios 'laqataĝanaĝanaqa.