Mateo 23:28 - Nuevo Testamento Toba Sombrero Negro

²⁸ Naq'aeta da'me ami: ga'me p'aye da'me anejiyaĝauayaĝaqui aualoĝoñi da'me ena'am ta'le yataqatelegue nale ami yec'ate'n jogaa'me jiyaĝa'u; qalaĝaja naa'me adai'lidi' najaqachiguilo daa'me ja ejoda nataq'aen daa'me ja 'noe'n.

Nuevo Testamento Toba Sur

²⁸ Qaq 'eda da 'eetec da qoñiita: Da ndoteec na pa'auec 'eeta'am da no'on da imeteetac na shiÿaxauapi, qalaxayi na pa'auo ÿataqta da'aichigui da ñi'oxonnaxac qataq nam qauemsat.

Mateo 23:28 Referans Kwoze

Lucas 16:15

Qo'che' Jesús enapegalo jogaa'me: “Ami jo'ne aueñetapela't yataqata ami chimadichidiñe nale auajoyiya'agueta ga'me jiyaĝadipi, qalaĝaja Dios yayaten queda'me yataqachiñe ja 'noe'n naa'me adai'lidi'; qa'a ga'me yi'yoĝodetedac jena'me jiyaĝadipi, nach'ega 'yotan joñe'me Dios.

Mateo 23:5

Yema yauote qaedi ga'me jiyaĝadipi yec'ate'n jogaa'me. Nataq'aen 'yamaqate'n da'me yauo'oe lete' na'me laliaqa gaa'me Dios 'laqataqa qaedi yachetalo'te naa'me nepel nataq'aen naa'me loua', nataq'aen yaidiñe gaa'me leuo jo'ne yededañe naa'me la'uol.

Mateo 23:27

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, 'me aueñiya'ama gaa'me napa'l lete' nale qoyiyoĝolo'te ga'me pagaĝaic, qoyiyamaĝatetac ga'me p'aye, qalaĝaja ga'me lauel najaqachiguilo gaa'me p'inaqa dia'me yele'u nataq'aen yema gaa'me ja 'noe'n.

Mateo 23:29

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, queda'me a'noĝoñijeguem nale gaa'me napa'l lete' qaedi qoyachañguilo jogaa'me Dios 'laqataĝanaĝanaqa nataq'aen auauoyi li'yoĝodaqa'te nale ga'me lete' jodia'me yataqatelo'te.

Gálatas 2:13

Pedro nataq'aen jogaa'me judiopi ch'e yep'aĝatedañe da'me yataqachiñe lajoĝoc da'me 'loyaĝa'j, chayovida'a nach'eñe ñe'me Bernabé 'yamaqate'n jogaa'me.