Mateo 23:26 - Nuevo Testamento Toba Sombrero Negro

²⁶ ¡Am fariseo 'me qanam: 'uaeñe aviyo ga'me lauel ga'me yomaĝaiqui, qama'le nach'e ena'am yoqovita ga'me p'aye!

Nuevo Testamento Toba Sur

²⁶ Qami' fariseopi qanamaicpi, qauamataxañiiñi qome da qauÿoi na pa'auo ana qanÿomaxaquii qataq naua qadqui'axaquilli', yaqto' qui'itta nataq'en na pa'auec.

Mateo 23:26 Referans Kwoze

Santiago 4:8

Aueñi qoyoqo'ta joñe'me Dios, qaedi joñe'me en ami qoyode'talo, nataq'aen da'me aviyoyii jonaa'me adoua'adi jo'ne uetayelo jonaa'me adoecodi', choqoda'me auemedegue jona'me paĝachigui jo'ne uetayelo naa'me adai'lidi', qa'a ami jo'ne jetaque adoqopichiya joñe'me Dios nataq'aen jena'me ua'ña jena'me aleua.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Mateo 12:33

“Qom onaĝai jaga'me epaq qama'le yauo'oe jala jo'ne 'noote'; qom ja no'en jaga'me epaq qama'le yauo'oe jala jo'ne ja 'noe'n; qa'a qoyachiyoĝotaye jaga'me jala da'me qoyateton jaga'me epaq.

Lucas 6:45

Nach'e ena'am ñe'me jiyaĝaua jo'ne 'noota nenaĝatedegue gaa'me 'noote', qa'a ga'me 'noota uetaye ga'me lauel, nataq'aen ñe'me jiyaĝaua jo'ne qaleuaĝaic nenaĝatedegue gaa'me ja 'noe'n qa'a da'me ja no'en uetaye ga'me lauel. Qa'a da'me ja nejataĝaic jo'ne uetaye ga'me lauel na'ya ga'me nedegaĝat nale doje.

Mateo 14:8

Qama'le jaga'me, 'yaĝatem ñe'me Herodes ga'me jo'ne yapaĝaguenec jañe'me lat'e, enaac: —Jayem auanem ga'me laqaic ñe'me Juan 'me chilaĝanataĝanaĝaic, auachetañgui ga'me coqui.

Marcos 7:4

Nataq'aen nale chiyoqoda'a ga'me uodenaĝaiqui qama'le ja deque'y qom cha'li jona'li yiyo'y naa'me loua'. Nataq'aen uo'oe gaa'me laqaya' jo'ne 'loyaĝaco 'me naya'aque, ena'am da'me qoyiyo'y gaa'me yomaĝaiqui' jo'ne nalote', nataq'aen gaa'me yomaĝaiqui' jo'ne jalco'l, nataq'aen gaa'me taĝaiqui' 'me laicaual.)

Lucas 11:39

Qalaĝaja ñe'me Jaliaĝanec enaac: —Ami jo'ne fariseopi nale aviyoyi'y gaa'me yomaĝaiqui' nataq'aen gaa'me coqui' qama'le auojamaĝachi' ga'me p'aye, qalaĝaja ga'me p'auo jo'ne mach'e adai'lidi' qamqa'me najaqachiguilo gaa'me jo'ne chiyaqayi da'me adecachaĝaqui nataq'aen da'me ja no'en.