Mateo 23:15 - Nuevo Testamento Toba Sombrero Negro

¹⁵ ¡Degueja da'me adachoĝodequi qomle, ami judiopi napaĝaguenoqo'tpi nataq'aen fariseopi jo'ne ja ami 'te ejoda! Ami jo'ne oquiilegue nale jena'me aleua nataq'aen ga'me noĝop let'a qaedi anaviquila't ga'me jo'ne ja jayem 'te p'iya'a, qama'le nale auaqanachichi aueñe'tem da'me yataqata p'ajaye da'me ne'uaĝanaguec qomle qoyajaĝa'ña ga'me ne'uaĝanaqa' jo'ne payac 'lachaqa'.

Nuevo Testamento Toba Sur

¹⁵ ¡Ÿataqta choxodaxasodo' qami' mayi qauapaxaguenataxañiitac qataq qami' fariseopi! Cha'ayi qami' ÿataqta qaumachiÿa ana 'alhua qataq aso auaxai, da yaqto' ca shiÿaxaua i'amaqten qanqashiñi da qad'amqajnataxanaxaqui. Qaq da qaushichi que'eca shiÿaxaua, nachi camayi ÿataqta qau'ochiic da ÿataqta ÿacteec da nhuaxanaguec qom qaÿasaxaña ca nhuaxanqa' na 'itaxaloxoicpi, qaq saq 'en'am qome da qoñiita.

La'aqtaqa Ñim Lo'onatac 'Enauacna 2013

¹⁵ ¡Ỹataqta qauem da qa'aita'ague qami' tenataxanaxaicpi! Cha'aye qami' ỹataqta qa'aiteua'alo naua nma'ate qauauoitaique da huo'o ca qami' queguelo, qaq da qauanachiỹa nache camaye ỹataqta qauo'ochec da ỹataqta ỹactec da nhuaxanaguec qom qaỹasaxaña ca nhuaxanaqa' na 'etaxaloxoicpi, qaq saq 'ena'am da qoñiita.

Mateo 23:15 Referans Kwoze

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

Hechos 13:43

Ca'li joote yataqachiñe yem ga'me yema'a't jo'ne qoyachaue ga'me nemaĝaiqui, jalcote ga'me judiopi nataq'aen joga'me jo'ne tadoue ga'me judiopi lepe'e quetegue ñe'me Pablo nataq'aen Bernabé. Qama'le noqotetapegalo jogaa'me qaedi 'nañaĝatela'ajalo da'me quetedalegue da'me joote yacoteguet 'me chiyaqayi da'me lichoĝodenataĝanaĝac ñe'me Dios.

Hechos 13:10

qama'le enapega, enaac: —¡Am qovinaĝanaĝaic, am ja no'en jo'ne payac c'oĝot nataq'aen anautenalo ena'uaque gaa'me jo'ne 'noota! ¿Toqoch'e ja aĝañi da'me auajáĝañi' gaa'me chimadetedegue ladico ñe'me Jaliaĝanec?

Hechos 14:2

Qalaĝaja joga'me judiopi jo'ne ja p'iida'a en nautenaĝanegueta ga'me ja judiopi jogaa'me qadaqaya'olqa.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Gálatas 6:12

Gaa'me jo'ne ami yepagaqatetapeque da'me auacoñiyeguet ga'me 'nanaĝajet jo'ne qoyichaĝaye ga'me lapat lae, jogaa'me ch'e naquitetedapega da'me qaedi jiyaĝadipi yiyamaĝade'n. Ja jetaque qoyecaa'tape jogaa'me jouaĝat ta'le 'yaĝatetedac da'me 'laqataĝanaĝac jo'ne 'yaĝatetac jaga'me nesodoso ñe'me Cristo.

Gálatas 4:17

Jogaa'me jo'ne jetaque ami yepagaqatetapeque da'me oqui'teguelo daa'me namaĝajoĝonaĝaco jo'ne qoyanema jogaa'me judiopi, jogaa'me yaloĝo'n da'me ami nedote'eneque. Qalaĝaja da'me yataqachiñe jetaque ami 'yeteque nach'edata da'me ami 'naĝa't, qa'a jogaa'me ami yepagaqatetapeque da'me ja jayem 'te auenache'ta dite jogaa'me a'uamaqachiñe'.

Mateo 5:22

Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Hechos 17:13

Qalaĝaja ca'li gaa'me judiopi jo'ne 'lachaqa't di'me Tesalónica nomeda'a queda'me nach'e ena'am 'yaĝatetac da'me Dios 'laqataĝanaĝac di'me Berea qama'le tategue da'me daja', qama'le paja'a en jalilegue ga'me jiyaĝadipi nataq'aen 'ñemaĝachidiñe.

Hechos 14:19

Qanach'e ua'a da'me yovi't ga'me judiopi chiyoqoda'a di'me Antioquía nataq'aen Iconio, jo'ne 'ñemaĝachidiñe ga'me lelnataĝa'j ga'me jiyaĝadipi. Chane'eja qoyijaĝac ga'me qadipi ñe'me Pablo qama'le yepetedapega da'me joote yeleu, qoyauegue'ga ga'me p'aye di'me noic.

Hechos 2:10

di'me Frigia nataq'aen di'me Panfilia nataq'aen di'me Egipto nataq'aen ena'uaque gaa'me ale'u di'me Libia yauoqoda'a di'me noic jo'ne Cirene. Nach'e ena'am 'uo ga'me jiyaĝadipi jo'ne Roma laje' jo'ne neteda'ña jena'me jenjo';

Hechos 6:5

Ena'uaque jogaa'me niyamaĝadidiye da'me dojo', qama'le qo'yatetelegue ñe'me Esteban, jiyaĝaua jo'ne yataqatelegue da'me lepe'e nataq'aen najaqachigui ñe'me Dios Lepaqal jo'ne ja 'nalegue, choqoñe'me Felipe, ga'me Prócoro, ga'me Nicanor, ga'me Timón, ga'me Pármenas nataq'aen ñe'me Nicolás nach'eñe Antioquía le'ec jo'ne joca'li uetaue da'me lepe'e' ga'me judiopi.

Mateo 5:29

“Chane'eja naq'aeta, qom jana'me at'aete auayaten chiyaqayi da'me aua'uo adoec, 'noota qom anaqat qama'le auajaĝague ga'me qaya'ague; adiyamaqachiñe da'me onolec ga'me qaya da'me at'oyaĝac qama'le ja yema da'me at'oyaĝac da'me qoyajaĝaue ga'me payac 'lachaqa'.

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.