Mateo 22:40 - Nuevo Testamento Toba Sombrero Negro

⁴⁰ Naajo' dojolqa namaĝajoĝonaĝaco nach'enaua chiyoqotelo'te yema gaa'me laqaya' 'me Dios lamaĝajoĝonaĝaco nataq'aen jogaa'me lapaĝaguenataĝanaĝaco dia'me Dios 'laqataĝanaĝanaqa.

Nuevo Testamento Toba Sur

⁴⁰ Qaq ne'enaua dos namaxasoxonaxaco nachinaua naua n'attalguete 'enauac nam lqataxacpi so Moisés qataq nam lapaxaguenataxanaxacpi som l'aqtaxanaxanecpi ñi Dios.

La'aqtaqa Ñim Lo'onatac 'Enauacna 2013

⁴⁰ Qaq ne'enaua dos namaxasoxonaxaco, nachenaua naua na'attaleguete 'enauac nam laỹepi namaxasoxonaxacpi maye ỹiyiñi so Moisés.

Mateo 22:40 Referans Kwoze

Romanos 13:9

Joote uo'oe naa'me uayelo naa'me namaĝajoĝonaĝaco jo'ne eetac: “Ena'te auepita'a jaga'me ja adoua, Ena'te aualataĝan, Ena'te auecachi, Ena'te anaje'teguet da'me auepita'a joga'me ja adoĝot.” Naa'me naajo' namaĝajoĝonaĝaco nataq'aen jogaa'me laqaya' nedii's qama'le qoyemata'a't qama'le jenjo' chiyaqayi jo'ne eetac: “Yataqata adoqopita joga'me adaqaya, aue'tem da'me anoqopitela't nale.”

Mateo 7:12

“Chane'eja ga'me jo'ne jetaque auepaquitapega ta'le ami qo'yeteque, 'noota qom nach'e naq'aeta da'me a'vichiyeque jogaa'me adaqayadi'. Qa'a nach'eda da'me dojo' jo'ne yemata'a't daa'me Dios lamaĝajoĝonaĝaco nataq'aen da'me lapaĝaguenataĝanaĝa'j dia'me Dios 'laqataĝanaĝanaqa.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Santiago 2:8

Da'me auauoyi jo'ne onaĝaic da'me ami, qom yataqachiñe aueñi eja yepaquichigui da'me namaĝajoĝonaĝac jo'ne p'ajaye, qama'le nach'ena na'me 'yaĝatetedac naa'me naajo' nedii's jo'ne eet'oi: “Queda'me yataqata anoqopitela't, qama'le 'noota qom nach'e ena'am da'me adoqopita joga'me adaqaya.”

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

Gálatas 5:14

Qa'a onolec ga'me lamaĝajoĝonaĝac ñe'me Dios yemata'a't yema gaa'me namaĝajoĝonaĝaco: “Adoqopitalo jogaa'me adaqaya'olqa nach'e naq'aeta na'le anoqopitela't.”