Mateo 22:16 - Nuevo Testamento Toba Sombrero Negro

¹⁶ Qama'le yamaĝata ñe'me Jesús jogaa'me mach'e lalemaĝaje'te, nach'e ena'ama gaa'me lauegaqataqa ñe'me Herodes, qaedi yachimaĝadeta, enapega't: —Jaliaĝanec, jayatenaq queda'me a'uaĝatetac da'me yataqachiñe eja, nataq'aen auapaĝaguenataĝanec ga'me nadic jo'ne yelo'ta ñe'me Dios, nataq'aen ja anajetoue da'me ta'le oquegue ga'me jo'ne nenaĝatedapeguegue ga'me jiyaĝadipi, qa'a ja anenaĝategue gamachaqaega qaedi ch'e am qoyiyamaĝaden.

Nuevo Testamento Toba Sur

¹⁶ Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

La'aqtaqa Ñim Lo'onatac 'Enauacna 2013

¹⁶ Huaña, nache huo'oi soua qaỹama'q nam lapaxaguenatacpi somayepi, nnaictague' qanqa'en nam ỹalectaigui na quetague' so nta'a Herodes, da yaqto' 'enapega So Jesús, 'eeta': –'Am Napaxaguenataxanaq, qomi' saỹaanaq da 'am ỹataqta 'eesora naua 'ara'aqtaqa, qataq 'auapaxagueeteguec na shiỹaxauapi da 'enauac ỹalaxaguet Ñim Lo'onatac 'Enauacna. Qataq saishet da 'auqochetega nam quetapeguelec da 'arapaxaguenataxanaxac, cha'aye 'am saishet da 'autaqtac da 'auauotaique da 'am ỹaỹamaxareeta namayepi.

Mateo 22:16 Referans Kwoze

Marcos 3:6

Mane'e ca'li yenoĝodegue jogaa'me fariseopi, paja'a nayatena't ca'li dojapega't, nataq'aen jogaa'me jo'ne quetedapegue' ñe'me Herodes, qaedi yauata ga'me lajoĝoc da'me yala't ñe'me Jesús.

Lucas 20:21

Naajo' yena't joñe'me: —Paĝaguenataĝanaĝaic, jayatenaq queda'me jo'ne anenaĝategue nataq'aen auapaĝaguenataĝanec yataqachiñe yiyamaqachiñe, nataq'aen jo'ne ja auelotaque ga'me ch'e am 'yamaqate'n jogaa'me jiyaĝa'u. Am yataqachiñe eja auapaĝaguenataĝanec da'me ladic ñe'me Dios.

Marcos 12:14

Jogaa'me yec'adeta qama'le dojedapegue': —Paĝaguenataĝanaĝaic, jayatenaq queda'me anenaĝategue ga'me jo'ne eja, nataq'aen ja anajetoue da'me ta'le oquegue ga'me jo'ne nenaĝatedapeguegue ga'me jiyaĝadipi, qa'a ja anenaĝategue gamachaqaega qaedi ch'e am qoyiyamaĝaden. Am yataqata auapaĝaguenataĝanec da'me jo'ne eja ladic joñe'me Dios. Jega: ¿qo'li chimaqachiñe jodamaĝa jejetenaq joñe'me lejaliaĝane'j ga'me Roma laje'pi, uotaĝa ja naq'aeta; jejetenaq, uotaĝa ja jejetenaq?

Marcos 8:15

Jesús uaqatalo jogaa'me: —¡Achiya'agueta jo' qomle na'me lalequetenaĝanaĝat gaa'me fariseopi nataq'aen na'me lalequetenaĝanaĝat ñe'me Herodes!

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

Juan 18:37

Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

Santiago 3:17

Qalaĝaja jogaa'me jo'ne ue'tajopa joda'me nayatenaĝanaĝac jo'ne chiyaqaje'ma joñe'me Dios, 'uaeñe da'me nedo'ta't yema joda'me 'loyaĝac, nataq'aen da'me joĝodaic choqoda'me onaĝaicaloec, nataq'aen choĝodenataĝanaĝayaqa nataq'aen da'me yataqatelegue ya'uo da'me lecochaĝac jo'ne onaĝaic, nataq'aen da'me ja ch'e noqovila't, choqoda'me onaĝaic joda'me ya'uo.

1 Ts 2:4

Qa'a nach'eñe joñe'me Dios joote qo'mi yiyamaĝade'n nataq'aen qo'mi 'yelopeque qaedi ja'aĝataqatac jena'me jenjo' 'noota ladic qama'le nach'ena jena'me jenjo' jo'ne ja'aĝataqatac. Qalaĝaja ja jenaqatapega ta'le ga'me jiyaĝadipi male yataqata 'yamaqaten ga'me ja'aĝataqatac, dite ta'le yataqata qo'mi yiyamaĝaden joñe'me Dios, qa'a naqaeñe male yec'ate'tape naa'me qadai'li.

Gálatas 2:6

Jogaa'me jo'ne qoyateto'n da'me yelolo'te gaa'me p'etaqadaiquipi, qaya'te nichiyaĝatedegue jo'ne yadalaĝa't da'me nep'iquinataĝanaĝac jo'ne japaĝaguenataĝatapec. Ja jepaquetapega ta'le jetaque jayate'n qom naqaegaua yelolo'te jogaa'me p'etaqadaiquipi uotaĝa ja naq'aeta, qa'a ñe'me Dios qaya'te yaqatetac da'me lec'atenaĝanaĝac.

Gálatas 1:10

Ja jelotaque ta'le jiyaĝadipi 'yamaqate'n ga'me ñenaĝategue, uotaĝa ta'le jelotaque da'me qaedi gamachaqaega jayem yiyamaĝaden. Ta'le naq'aeta da'me ja'uo qama'le ena'am ta'le ja jayem 'te Cristo lalemaĝajet. Qalaĝaja da'me mach'e jayem, ¡ga'me jo'ne jen p'ajaye ta'le nach'eñe ñe'me Dios jayem yiyamaĝaden!

2 Corintios 5:16

Chiyoqotelegue nayi ja yitaĝa jenaĝa lajo'vi ga'me ch'e qadec'atenaĝanaĝac jo'ne aleua le'ec. Mate mane'e naq'aeta ga'me jec'atenaĝac ca'li ñe'me Cristo, male ja yitaĝa jauoqo da'me dojo'.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Lucas 7:40

Chane'eja ñe'me Jesús dojapegue' ñe'me fariseo: —Simón, 'uo ga'me jetaque am ja'aĝatem. Joñe'me fariseo 'yateguet: —Jaja'a, paĝaguenataĝanaĝaic, jayem a'uaĝatem.

Marcos 10:17

Mane'e ca'li Jesús yenoĝonegue da'me jetaque yitaĝa ec, qama'le 'uo ñe'me jiyaĝaua jo'ne naqalegoqo'ta, qama'le yejoidiñe naa'me leliquetel da'me dajoya'aguet joñe'me, qama'le enaac, da'me yenat: —Paĝaguenataĝanaĝaic jo'ne am 'noota, ¿jach'e ga'me 'noota ta'le ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Mateo 26:49

Chane'eja yec'ata ñe'me Jesús, enaac: —¡Ñauanaĝa't, am paĝaguenataĝanaĝaic! Qama'le nec'ouoq.

Mateo 26:18

Joñe'me 'yategueta: —Auec'achiya di'me noic, 'uo ga'me jiyaĝaua auañiya, qama'le a'uaqataĝañem: «Ñe'me Paĝaguenataĝanaĝaic enaac: Joote qoyoqo'ta ga'me yaloqo'; nayi jec'ata na'me at'achaqa' qaedi jouaqa'a da'me jeque'yaq nataq'aen naa'me yapaĝaguenataqa da'me jenataqa'ta ga'me nolo' 'me Pascua.»

Mateo 22:26

Qalaĝaja eda'am di'me 'uaeñe gaa'me lanoqolqa chayovida'a nimichidijeguem dia'me siete.

Mateo 22:24

—Am paĝaguenataĝanaĝaic, ñe'me Moisés enaac ca'li: «Qom 'uo ga'me ch'e yeleu da'me qaya'te c'oĝot, qama'le ga'me lanoqolec 'uoneguet jaga'me p'ai, qaedi yauo'oe c'oqo'te di'me lachoqolec.»

Marcos 12:13

Qama'le uo'oe gaa'me fariseopi jo'ne yec'adeta ñe'me Jesús, nataq'aen jogaa'me lauegaqataqa ñe'me Herodes, jo'ne qoyamaĝata ñe'me qaedi qoyachiyoĝotaye da'me nenaĝategue ga'me jo'ne qoyen uajoilegue.