Mateo 22:10 - Nuevo Testamento Toba Sombrero Negro

¹⁰ Jogaa'me nalemaĝaje'te yec'atalo gaa'me noqoyaĝaco qama'le ena'uaque yemata'a'ajalo gaa'me uada'agueta, gaa'me ja 'noe'n nataq'aen gaa'me 'noote'. Qama'le jalcote gaa'me nepodae's da'me qoyec'ata ga'me niqui'yaĝanataĝanaĝac da'me qoya'uo ga'me 'nonaĝanataĝanaĝac.

Nuevo Testamento Toba Sur

¹⁰ Nachi som namaxashicpi jec da queguelo naua nqa'aico. Nachi lapona't 'enauac nam ilalec. Huo'o na qauem da lataxac qataq na no'on da lataxac. Nachi ÿataqta nlaqchigui so nqui'aqa' na shiÿaxauapi.

La'aqtaqa Ñim Lo'onatac 'Enauacna 2013

¹⁰ Nache som namaxashecpi jec da queguelo naua nqa'aico da icoyeguen so qalota shiỹaxauapi, somayepi huo'o na qauemaic, qataq huo'o na 'onaxaic da lataxac, qaq huaña, nache ỹataqta nlaqchigui se'eso nỹec maye huaña se'eso naronaxac.

Mateo 22:10 Referans Kwoze

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

2 Corintios 12:21

Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.

Mateo 25:10

Mane'e ca'li eque' qaedi quetot ga'me mach'e loĝo't qanach'e novi' ñe'me nojaĝaua. Ca'li yenoĝoneuo nach'e ena'ama gaa'me yeviteta'ajalo da'me yec'adeta ga'me 'nonáĝac, qama'le napadiñgui ga'me jom.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Mateo 13:38

qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,

Mateo 9:15

Jesús 'yategueta jogaa'me: —¿Qo'li yaqanate't ta'le demalaqataĝata'ajalo gaa'me jo'ne yec'adeta ga'me neualaĝayaĝac qom cha'li uetauelo ñe'me nojaĝaua? Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo', qama'le eja chimaqachiñe da'me noqouaqatela'ajalo jogaa'me.

Mateo 22:9

Chane'eja auec'achiyalo gaa'me noqoyaĝaco gaa'me nadico qama'le anepodaye ga'me auadi'yaguet qaedi nec'ata jena'me 'nonáĝac.»