Mateo 21:41 - Nuevo Testamento Toba Sombrero Negro

⁴¹ Jogaa'me 'yadeteguet: —Yataqachiñe ja yichoĝode'n da'me yala't qomle gaa'me onataĝanaĝayaqa, qama'le yanema gaa'me onataĝanaĝayaqa laqaya' ga'me uva lichidijat, nach'egaua jo'ne yadeuo ga'me jalayaĝac nale yovita ga'me laloqo' nale qonaqat.

Nuevo Testamento Toba Sur

⁴¹ Nachi qoÿiita': –Qomyi ÿataqta sa ichoxonnai' da ÿalauat se'eso qauemaicpi. Ime, qaq ÿanem so 'alhua so laÿipi 'onataxanaxaicpi mayi ÿataqta ipacchigui da icolaxateuga cam talec so 'aco', da iviteuga ca laloqo' da qanqat na nanguishic.

La'aqtaqa Ñim Lo'onatac 'Enauacna 2013

⁴¹ Nache somayepi ỹasat, 'eeta': –Qomye se'eso lalamaxat so nanaxanaqa' ỹalauat se'eso 'etaxaloxoicpi ỹataqta sa ichoxonnai'. Ime, qaq ỹanem so lanaxanaqa' ca laỹepi 'onataxanaxaicpi maye ỹataqta ipacchigui da icolaxateuga cam talec som lalamaxat se'eso nanaxanaqa' da iviteuga ca laloqo' da qanqat ana ala na nañiguishec.

Mateo 21:41 Referans Kwoze

Hechos 18:6

Qalaĝaja jogaa'me paja'a nalo'ta't da'me qonauteneguet nataq'aen queda'me qoye'uetac; chane'eja Pablo nechiyoĝodiñe ga'me leuo en 'lanec da'me licoqotaĝanaĝac, nataq'aen enaac: —Da'me mach'e ami anajouaĝachiyoue da'me mach'e adejomaĝaqui; ja naqayem ta'le ami jajouaĝa't. Qama'le chiyoqotelegue nayi da'me male jec'atalo ga'me jo'ne ja judiopi.

Mateo 21:43

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.

Hechos 28:28

Chane'eja 'noota qom auayachiñe queda'me chiyoqotelegue nayi dojo' lec'alaqataĝanaĝac ñe'me Dios male qoyanema joga'me jo'ne ja judiopi, qama'le jogaa'me qamqa'me yataqata naquiaĝata qomle.

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

1 Ts 2:16

Qama'le nale jetaque jojaqapegue'to joga'me ja judiopi qaedi nach'e ena'am da'me qonec'alaĝatedegue, nach'e ena'am ja qo'mi 'te yaje'tema. Qama'le nach'eda da'me dojo' yataqata en nichiquetedajeguem da'me loe'j. Qalaĝaja qom qoya'uo ga'me loiquiaqa' jena'me jenjo', yataqata jalcote t'adaic joga'me en lachoĝode'j joga'me, mach'e chiyoqo'ot joñe'me Dios.

Hechos 28:8

Qama'te Publio let'a uetalegue ga'me lela', yeleuac: 'uo ga'me lepi'yaĝac nataq'aen dayali jena'me lauel. Chane'eja Pablo ec qaedi dejapichiya, qama'le ca'li yem da'me netamelegue, yachalo'te naa'me loua' ñe'me qama'le yemegue q'aen.

Hechos 15:7

Ca'li jalcote da'me necotaĝa'j qama'le Pedro ñijeguem nataq'aen enaac: —Ami yaqaya'olqa, ami joote auayachiñe queda'me ja cop'a jaa'me jaajo' noloqo'ote queda'me Dios 'yatetelo'te gaa'me jo'ne ja judiopi qaedi qo'yaĝatema da'me onaĝaic 'naqataĝanaĝac, qaedi jogaa'me p'iida'a joñe'me Dios.

Mateo 3:12

Ena'am ta'le nachetac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.”

Mateo 21:34

“Ca'li yovita jo'me nolo' laloqo' da'me male qonaqat ga'me jala, qama'le yamaĝalo jogaa'me onataĝanaĝayaqa gaa'me lalemaĝaje'te qaedi qoyanema ga'me loĝot ñe'me ladipa ga'me nanaĝanaqa'.

Mateo 21:40

“Qama'le qom novi' ñe'me jaliaĝanec 'me loĝot ga'me uva lichidijat, ¿jach'e ga'me 'yeteque jogaa'me onataĝanaĝayaqa?”

Lucas 20:16

Ami ja'aĝatema queda'me naequena qomle qama'le yala't jogaa'me onataĝanaĝayaqa, nataq'aen ga'me uva lichidijat yanema gaa'me jiyaĝa'u laqaya'.” Mane'e ca'li domachita da'me dojo' jogaa'me, enapega't: —¡'Noota qom ja naq'aeta da'me dojo'!