Mateo 21:39 - Nuevo Testamento Toba Sombrero Negro

³⁹ Chane'eja yacota, yecoñe't, yaueguede'ga ga'me p'aye joga'me uva lichidijat qama'le yala't.

Nuevo Testamento Toba Sur

³⁹ Nachi somayi qaÿaconeu'a, nachi qanqateeguesop se'eso 'alhua, nachi qaÿalauat.

La'aqtaqa Ñim Lo'onatac 'Enauacna 2013

³⁹ Nache se'eso ỹalleppi ỹaconeua'a se'eso nsoqolec, nache nqateeguesop se'eso nanaxanaqa', nache ỹalauat.

Mateo 21:39 Referans Kwoze

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Santiago 5:6

Ami jo'ne auachinataĝañilo'te nataq'aen da'me aualachi' jogaa'me jo'ne qaya'te laviyaĝaje't, qama'le jogaa'me ja ami 'te nematapegueta nataq'aen da'me ja ami 'te de'uotapegueta.

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.

Juan 18:12

Joga'me coicopi choqoñe'me mach'e lejaliaĝane'j nataq'aen jogaa'me neteloqo't joga'me tamenaĝaiqui male yacode'uo joñe'me Jesús qama'le yecoñe't.

Mateo 26:57

Jogaa'me jo'ne yecoñe't ca'li ñe'me Jesús yauegueta ga'me 'lachaqa' ñe'me Caifás, nach'eñe p'ajaye lejaliaĝanec joga'me tamenaĝaiqui lo'olpi, nach'ega ua'a da'me yema'a't joga'me judiopi napaĝaguenoqo'tpi nataq'aen ga'me 'yaĝaicachidipi.

Hechos 5:30

Ñe'me Nedios dia'me qadet'al nach'eñe 'niyelaĝachijeguem ñe'me Jesús, nach'eñe jo'ne aualachi ca'li auachiyalegue jaga'me sodoso da'me aueñi netaĝatañe.

Hechos 4:10

Chane'eja, ena'uaque ami jechoĝotaqateque nataq'aen ena'uaque ga'me israelpi, queda'me dojo' jiyaĝaua 'me ami dajo'tegueta, nach'eda da'me lañoqotaĝanaĝac ñe'me Jesucristo jo'ne en yemegue q'aen, nach'eñe ñe'me Jesús jo'ne Nazaret le'ec, ñe'me jo'ne auep'eñiyajeguem ca'li, qalaĝaja ñe'me Dios yitaĝa 'niyelaĝachijeguem joñe'me.

Juan 18:24

Qama'le ñe'me Anás yamaq ñe'me Jesús jo'ne necoñetaejec, yamaĝa ñe'me Caifás jo'ne lajoĝola't gaa'me tamenaĝaiqui lo'ol.

Mateo 26:50

Chane'eja Jesús 'yateguet: —Am yaqaya, auetapec ga'me jo'ne jetaque aua'uo. Chane'eja jogaa'me jiyaĝa'u laqaya' ch'e yacotedelegue da'me yecoñe't.

Mateo 21:38

Qalaĝaja ca'li yauata ga'me c'oĝot, jogaa'me onataĝanaĝayaqa male enapega't: «Nach'ena jenjo' jo'ne yaconeguet qomle da'me neuoyaĝac; 'noota da'me jalataq nayi qaedi ga'me te'me loĝot male qo'mi ua'ajopa qomle.»

Mateo 21:40

“Qama'le qom novi' ñe'me jaliaĝanec 'me loĝot ga'me uva lichidijat, ¿jach'e ga'me 'yeteque jogaa'me onataĝanaĝayaqa?”