Mateo 21:31 - Nuevo Testamento Toba Sombrero Negro

³¹ Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Nuevo Testamento Toba Sur

³¹ Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

La'aqtaqa Ñim Lo'onatac 'Enauacna 2013

³¹ Qaq ¿chaq negue't se'esoua dos ñalqa cam ỹo'ot da 'eetapeguec so lta'a? Nache som ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi 'enapeco': –Qomye som llalec ỹe, 'enapeco' somayepi. Nache So Jesús, 'eeta': –Ỹoqta 'eesa de'era qami' sa'axatema, da nam shiỹaxauapi maye qauem da na'aqtaguec, qataq nam ỹacootapeeguet ana nsheetenaqte ca nta'a qataq anam quisheguetaxaipi, namayepi la'auaxanec da inoxoneua'a da lo'onataxanaxac Ñim Lo'onatac 'Enauacna.

Mateo 21:31 Referans Kwoze

Lucas 7:29

“Ena'uaque jogaa'me jo'ne domachita ñe'me Juan, choqogaa'me lo'olpi da'me nejetenaguec di'me Roma, nach'e ena'am yacoteguet ca'li da'me lachilaĝanataĝanaĝac joñe'me, naq'aeta da'me yoqocha'alo daa'me chimadichidiñe jo'ne yepaquetapegalo ñe'me Dios.

Mateo 7:21

“Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

2 Pedro 3:9

Uo'oe gaa'me jo'ne eetedapega ja eja da'me 'niyelaĝaquena ñe'me Qadejaliaĝanec, qalaĝaja ja naq'aeta, dite da'me cha'li uayaloĝoden da'me en yepaquichigui da'me jo'ne joote 'yaĝatetac, qa'a yajouaĝat da'me ami neualaĝae'to, queda'me ja 'yamaqaten ta'le 'uo ga'me yeleu, dite da'me yeuate'ta ena'uac da'me 'niyeloqot joñe'me.

Romanos 5:20

Da'me qoyapeteneuo da'me napaĝaguenataĝanaĝac qaedi yañodelo'te gaa'me loeco ga'me jiyaĝadipi; qalaĝaja ca'li ma'ejama'le nichidegue gaa'me noeco, qama'le ñe'me Dios yaloĝon da'me lichoĝodenataĝanaĝac.

Romanos 3:19

Qa'a da'me qo'mi yataqachiñe jayatenaq yema ga'me uaye jaga'me nede jo'ne uedaye da'me namaĝajoĝonaĝacpi, yeloĝonaĝachiguilo da'me tachiguilo da'me enapegalo ga'me uetedo'ot gaa'me naqataĝaco, qaedi qaya gamachaqaega eetapela't qaya'te lajouaĝajet, qaedi qom 'uo da'me lec'atenaĝanaĝac ñe'me Dios qama'le nach'e ena'am uetedaue yema ga'me jiyaĝadipi.

Mateo 20:16

“Tade'to', gaa'me jo'ne nayi p'atedegue, nach'egaua 'uaediñe qomle; nataq'aen gaa'me jo'ne nayi 'uaediñe, nach'egaua p'atedegue qomle.”

Hechos 17:30

Qalaĝaja Dios ja yeloyelo gaa'me noloqo'ote ca'li cha'li qaya'te letadenataĝanaĝa'j ga'me jiyaĝadipi, qalaĝaja nayi yamaĝalo'te ena'uaque ga'me jiyaĝadipi qaedi 'niyelaĝadetot joñe'me ena'uaque gaa'me ale'u lael.

Lucas 19:22

Chane'eja enapega ñe'me najoĝola': «Am yalemaĝajet jo'ne ja am 'te no'en, queda'me mach'e at'aqataqa am jepoleguelo'te. Ta'le eja auayaten da'me jayem jiyaĝaua jo'ne ja damitelegue, jo'ne jacona ga'me ja jepotan nataq'aen ñaqat jaga'me jala ga'me ja yanec,

Lucas 15:10

Ami ja'aĝatema queda'me nach'e ena'am jalcote da'me lamai'j joñaa'me piyem laje' jouaĝat ga'me onolec loeco lo'o jo'ne 'niyeloqot joñe'me Dios.”

Mateo 18:3

qama'le enaac: —Eja ami ja'aĝatema queda'me qom ja aueñiya'ama gaa'me ñoqolqa da'me anejouoqoeñi, qama'le ja auaqanachichi ta'le ayoue da'me lejaliaĝa jodi'me piyem.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Mateo 9:9

Jesús ec, ca'e ga'me ue'ta, qama'le yauana ñe'me jiyaĝaua lenaĝat Mateo, netaue ga'me nejetenaĝaiqui ñe'me jaliaĝanec jo'ne Roma le'ec. Jesús enaac: —Jayem oquegue. Chane'eja Mateo ñijeguem qama'le equegue.

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Mateo 5:18

Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Mateo 5:46

Qa'a qom nach'egaua adoqopichiyalo gaa'me jo'ne ami noqopitalo, qama'le ¿jach'e ga'me adajo'vii 'me ami qoyanema? Chayovida'alo gaa'me lo'ol da'me nejetenaguec di'me Roma, naq'aeta da'me yauote.

Mateo 21:30

Ñe'me net'a ca'li yec'ata ga'me c'oĝot laqaya, nach'e ena'am ga'me 'laqatac yanem. Ga'me 'yateguet, enaac: «Jaja'a, taĝadena', jec jo'.» Qama'te ja ec.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.