Mateo 20:26 - Nuevo Testamento Toba Sombrero Negro

²⁶ Qalaĝaja 'noota qom ja naq'aeta da'me dojo' queda'me mach'e ami, dite da'me qom 'uo ga'me jo'ne jetaque p'ajaye da'me ami, 'noota qom nach'ega necochoqo't ena'uaque jogaa'me laqaya',

Nuevo Testamento Toba Sur

²⁶ Qami', qalaxayi sa ishit da nachi 'eetec de'eda da qadataxaqui. Chaqdata da ca nshitaique da 'amaqtaqaic da qoñiita, qalaq camayi huapegue' na laÿipi,

La'aqtaqa Ñim Lo'onatac 'Enauacna 2013

²⁶ Qalaxaye da qoñiita, saishet qome da qoñiitec de'era, nachaqrata da huo'o ca nshetaique da 'amaqtaqaic, nache camaye iuen da huapegue' na laỹepi.

Mateo 20:26 Referans Kwoze

Marcos 10:43

Qalaĝaja 'noota qom ja naq'aeta da'me dojo' queda'me mach'e ami, dite da'me ga'me jo'ne jetaque p'ajaye da'me ami, 'noota qom nach'eñe necochoqo't ena'uaque jogaa'me laqaya'.

Marcos 10:45

Qa'a mate mane'e jayem jo'ne yataqachiñe Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo nataq'aen qaedi janema da'me 'yoyaĝac joga'me jiyaĝadipi 'me jalcote, qaedi ñep'aĝanegueta jogaa'me.

Marcos 9:35

Chane'eja Jesús ñiyiñe, yiyaĝanalo jogaa'me doce lapaĝaguenataqa qama'le enaac: —Qom 'uo ga'me jo'ne jetaque najoĝola' jo'ne 'uaechiñe, 'noota qom najetoue da'me p'ategue dajoya'yelo gaa'me laqaya', nataq'aen neualaĝaetapegue'to jogaa'me laqaya'.

1 Pedro 5:3

Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

Lucas 18:14

Ami ja'aĝatema queda'me dojo' lo'o da'me qoyejeten di'me Roma joote Dios yachimaĝachiñe da'me 'loyaĝac da'me 'viyelaĝa ga'me 'lachaqa', qalaĝaja ja naq'aeta ñe'me fariseo. Qa'a ga'me jo'ne mach'ega da'me ni'yoĝodela't, nach'ega qamqa'me qaya'te ni'yoĝodenataguec qom'te; nataq'aen ga'me jo'ne ja ni'yoĝodela't, nach'ega jo'ne Dios yi'yoĝoden qom'te.”

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

Mateo 25:44

Chane'eja 'yadeteguet jogaa'me: «Jaliaĝanec, ¿jach'e ga'me joca'li am jauanaĝa da'me adoqouat uotaĝa adelinquip, uotaĝa ena'am ta'le adejomatapiye't, uotaĝa qaya'te auaiñe, uotaĝa adeleuac, uotaĝa onetaue jaga'me coñetaĝanaĝaiqui qama'te ja am 'te yecochaĝajaĝa?»

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Filemón 1:13

Taama'le ñaviiñi queda'me jetaque cada'ac jayem ue'tajop, qaedi ena'am da'me am nemeneguet qaedi jayem lecochiya da'me cha'li jonetaue jana'me coñetaĝanaĝaiqui, qa'a jouaĝat da'me onaĝaic 'naqataĝanaĝac jo'ne ja'aĝatetac.

2 Timoteo 1:18

'Noota qom Qadet'a yataqata yanem da'me lichoĝodenataĝanaĝac gaa'me noloqo'ote jo'ne p'atedegue. Qalaĝaja jenjo' joote yataqata auayaten, qa'a joote qo'mi lecochiyalo ca'li jouaqa'ta di'me Éfeso.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

Hechos 13:5

Ca'li yovideta ga'me napi'ña jana'me licota di'me Salamina, paja'a da'me 'yaĝatetedac da'me 'laqataĝanaĝac ñe'me Dios, uetauelo gaa'me lemaĝaiqui' jogaa'me judiopi. Ñe'me Juan nach'e ena'am quetauelo jogaa'me, lecochitapegalo.

Juan 18:36

Jesús 'yateguet joñe'me Pilato: —Da'me mach'e yejaliaĝa ja ua'ña jenjo' aleua. Ta'le naq'aeta ua'ña jenjo' aleua da'me yejaliaĝa, qama'le gaa'me yalemaĝajetpi deloiqui'tape qaedi ja jayem 'te yadegue jogaa'me judiopi lajoĝola'te. Qalaĝaja queda'me ja naqaena ta'le ua'ña jenjo'.

Mateo 27:55

Qayoĝode' gaa'me yauo' ueteda'a ga'me qaya'a ca'li ch'e yelotedapega, chiyoqoda'a di'me Galilea ca'li da'me quetedapegue' ñe'me Jesús nataq'aen lecochitedapega ca'li.

Apocalipsis 17:6

Chane'eja da'me jayem male jauana jañe'me yauo da'me joote en taĝai q'aen jana'me letauo't ga'me jiyaĝadipi jo'ne ja 'nalo'te, nach'egaua jo'ne joote qoyala't yajouaĝat da'me 'yaĝatetedac joñe'me Jesús. Qama'le da'me jayem yataqata da'me joqoch'em.

Mateo 20:27

nataq'aen qom 'uo ga'me jetaque 'uaechiñe da'me ami, 'noota qom nach'ega ena'am ta'le lelata'j jogaa'me laqaya'.

Lucas 22:26

Qalaĝaja queda'me mach'e ami, 'noota qom ja naq'aeta, dite da'me joñe'me jo'ne jetaque napacalo'te gaa'me laqaya'olqa 'noota da'me yaconeguet da'me ena'am ta'le 'naja, nataq'aen ñe'me jo'ne jetaque damaĝajoĝonac 'noota da'me naje'teguet da'me ena'am ta'le ch'e nalemaĝajet.