Mateo 20:12 - Nuevo Testamento Toba Sombrero Negro

¹² enapega't: «Naajo' p'atedegue jo'ne t'onataĝadiye onole jaga'me hora, qama'te nach'e qo'mi analoqotenaĝa'tegueta jogaa'me, qo'mi jo'ne ñapogaĝanaĝaguet ga'me dejali nataq'aen ga'me netap nale nolo'.»

Nuevo Testamento Toba Sur

¹² qoÿiita': “Se'eso pa'ateecpi chochi cada'acolec da do'onataxan, qalaq 'am 'eeta'am 'anqa'en añi qadashiue da 'aushiiten. Qamaq qomi' imauec so na'a'q da ñique'etaxanaqchigui so ntap da so'onataxanaqtac.”

La'aqtaqa Ñim Lo'onatac 'Enauacna 2013

¹² nache qoỹeetega so 'aco': «Se'eso pa'atecpi da do'onataxan so mashe inoxootañi aso nala', somayepi nache 'ena'am 'anqa'en da qansheetenaguec qomi' maye so'onataxanaqtac so na'axalom, ñeque'eenaqtapigui so ntap. Qaq de'era saishet da ỹaỹamaxañi.»

Mateo 20:12 Referans Kwoze

Lucas 12:55

Nataq'aen qom yajediñe ga'me layat jo'ne qolauaic, aueñiyapega: «Nep'iyañi qomle,» qama'le naq'aeta ga'me ya'uo.

Santiago 1:11

Qa'a qom nenoĝojeguem jañe'me ajeua qama'le 'uo 'lañaĝac jena'me lauaq, qama'le en daqaqa jena'me lolelaĝa; chane'eja jena'me te'me la'uo male en 'naqañe ena'uac, qama'le da'me te'me 'lonaĝa male qaya. Qama'le nach'e naq'aeta qomle ga'me neuoyaq, da'me ena'am ta'le daqaqa ga'me mach'e nemenaĝaiqui.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

1 Corintios 4:11

Chayovida'a nayi 'uo da'me qadachoĝodec da'me qaya'te jaliguinaq, 'uo ga'me ua'a qadeliñiquip nataq'aen qaya'te qadoĝot 'me janaĝaiñe nataq'aen qo'mi qoyalate'tape nale, choqoda'me qaya ga'me mach'e yataqachiñe qat'achaqa'.

Romanos 3:30

Qama'le qaya'te uoja'ega Dios laqaya: ñe'me Dios jo'ne e'n yataqatelo'te jogaa'me jo'ne 'uo da'me lepe'e', ja uenate'ta ta'le netayelo uotaĝa ja netayelo ga'me nichaĝajoĝonaĝac.

Romanos 3:27

Qama'le ¿jach'e ga'me ua'ague da'me ni'yoĝodenot ñe'me Dios ga'me jiyaĝaua? ¡Yataqachiñe qoyeguem! ¿Jach'e ga'me chiyaqayi? Ja jouaĝat da'me que'teguelo daa'me namaĝajoĝonaĝaco, dite da'me yajouaĝat da'me p'iya'alo.

Mateo 20:11

Ca'li yem da'me qoyejete'n, paja'a ja 'noe'n q'ae'n naa'me 'laqataqa, eedapega ñe'me ladipa ga'me nanaĝanaqa' jogaa'me onataĝanaĝayaqa,