Mateo 20:1 - Nuevo Testamento Toba Sombrero Negro

¹ Jesús yitaĝa enaac: —Qa'a joga'me lejaliaĝa ñe'me Dios jo'ne na'ague di'me piyem ena'am da'me dojo': 'uo ca'li ga'me jiyaĝaua jo'ne loĝot ga'me nanaĝanaqa'. Qama'le ec da'me ne'teta netetapiye gaa'me onataĝanaĝayaqa qaedi e'n yelodelegue ga'me lanaĝanaqa' jo'ne uva lichidijat.

Nuevo Testamento Toba Sur

¹ Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

La'aqtaqa Ñim Lo'onatac 'Enauacna 2013

¹ Da lo'onataxanaxac Ñim Lo'onatac 'Enauacna maye imattalecna, damaye 'eeta'am cam lalamaxat ca nanqa' ana uva maye 'ottauec da nte'etom da nmitaique ca lo'onataxanaxanecpi, da yaqto' nqat ana ala aso lañiguishe uva.

Mateo 20:1 Referans Kwoze

Mateo 13:47

“Nataq'aen da'me lejaliaĝa joñe'me Dios ena'am ga'me 'uaĝanaĝanaĝat nale qoyijaĝañgui ga'me noĝop qama'le yodapecache ga'me yapetena't niyaqapi.

Mateo 13:24

Jesús 'yaĝatema jenjo' laloqotenaĝanaĝaiqui laqaya: “Joda'me lejaliaĝa ñe'me Dios jo'ne ne'tague di'me piyem ena'am da'me dojo': 'uo joca'li ga'me jiyaĝaua jo'ne yaañi jaga'me onaĝai nepeta da'me yachalegue ga'me lanaĝanaqa'.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Juan 15:1

Yitaĝa enaac ñe'me Jesús: —Naqayem jo'ne jayem uva lichidic 'me yataqatelegue, qama'le ñe'me Taĝadena' mach'e neteloqo't.

Mateo 25:1

“Chane'eja da'me lejaliaĝa joñe'me Dios jo'ne na'ague di'me piyem ena'ama gaa'me diez q'añolel jo'ne yaconalo gaa'me lecoyadaĝanaqatel qaedi yeviteteda'aguet ñe'me nojaĝaua.

Mateo 22:2

“Joda'me lejaliaĝa di'me piyem ena'am da'me dojo': 'uo ca'li ga'me jaliaĝanec jo'ne 'yonaĝan ga'me c'oĝot qama'le diyaĝan qaedi qodeualaĝailegue ga'me.

Mateo 13:33

Nach'e ena'am 'yaĝatema dojo' laloqotenaĝanaĝaiqui: “Da'me lejaliaĝa di'me piyem ena'am ga'me nalequetenaĝanaĝat jana'me pan 'me yacona jaga'me yauo. Yem, qama'le yalequeteneguet ga'me let'adaic lonanec trigo lojoche 'me yovi' veinticinco kilos, da'me qaedi yema yajediye q'aen.”

Mateo 13:31

Jesús nach'e ena'am 'yaĝatema dojo' laloqotenaĝanaĝaiqui: “Joda'me lejaliaĝa di'me piyem ena'am jaga'me onole peta 'me mostaza jala qom 'uo ga'me jiyaĝaua yaalegue ga'me lanaĝanaqa'.

Mateo 25:14

“Qa'a joda'me lejaliaĝa ñe'me Dios jo'ne na'ague di'me piyem ena'am ca'li 'uo ñe'me jiyaĝaua jo'ne ca'li nadi'ta da'me dajoyi ga'me qaya'ague aleua laqaya, qama'le yiyaĝanalo jogaa'me lamaĝa's qaedi yepotanouelo da'me leuoyaĝac.

Marcos 13:34

'Noota qom aueñe'tema gaa'me lalemaĝaje'te ñe'me jiyaĝaua jo'ne yec'ata ga'me aleua laqaya. Qama'le yepotanegueta gaa'me lalemaĝaje'te ga'me 'lachaqa' qaedi neteleta: onolqa'tape yepotaneguet ga'me 'lonatac, nataq'aen yamaĝalegue ga'me neteloqo't ga'me jom qaedi yeviteta't.

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

Mateo 23:37

“¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Mateo 21:28

Qama'le Jesús male yena't jogaa'me, enaac: —¿Jach'e ga'me adelnataĝaqui da'me dojo' 'uo ca'li? 'Uo ñe'me jiyaĝaua jo'ne dojolqa gaa'me c'oqo'te, qama'le enapega ga'me onolec, enaac: «Yalec, auec'ata nayi ga'me qadanaĝanaqa' qaedi a'uonataĝan.»

Mateo 20:2

Qama'le gaa'me onataĝanaĝayaqa yiyamaĝade'n da'me qoyejeteneque onolec denario jo'ne nalo'taguet ga'me onolec nolo'. Yem qama'le yama' qaedi t'onataĝa'n.