Mateo 2:23 - Nuevo Testamento Toba Sombrero Negro

²³ Ca'li yovi't, yec'ata di'me noicolec jo'ne Nazaret qaedi na'ña. Naq'aeta da'me dojo' 'uo ca'li qaedi yepaquichigui ga'me jo'ne joote 'yaĝatetedac ca'li gaa'me Dios 'laqataĝanaĝanaqa queda'me Jesús qoyiyaĝanaĝatapec Nazaret le'ec qomle.

Nuevo Testamento Toba Sur

²³ Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

La'aqtaqa Ñim Lo'onatac 'Enauacna 2013

²³ Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Mateo 2:23 Referans Kwoze

Marcos 1:24

—Jega: ¿toqoch'e qo'mi aueloiquiaĝa'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? ¡Am jateton: yataqachiñe jayaten da'me am Dios Lec'oĝot jo'ne ja 'nalegue!

Mateo 26:71

Yem qama'le yec'ate'ga ga'me jom, ua'a da'me 'uo jañe'me laqaya jo'ne yauana qanach'e t'aqataĝanema jogaa'me: —Jenjo' quetapegue' quelqaya ñe'me Jesús jo'ne Nazaret le'ec.

Mateo 1:22

Yema da'me dojo' 'uo ca'li qaedi yepaque'teguelo gaa'me 'laqataqa ñe'me Jaliaĝanec ca'li yojaĝanaĝan ga'me 'laqataĝanaĝanec:

Hechos 24:5

Jauanaĝa jena'me jenjo' jiyaĝaua queda'me yataqachiñe aĝanataĝanaĝaic, nataq'aen yemeda naa'me ale'u laqaya' en nelagaĝa joga'me judiopi, nataq'aen nach'ena jo'ne laqaic da'me lepe'e' joga'me nazarenopi.

Hechos 2:22

“Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

Juan 19:19

Pilato ya'uo ga'me ledaĝanaĝala' jo'ne yachalegue ga'me lediijec jo'ne eetac: «Jesús Nazaret le'ec, Lejaliaĝane'j joga'me judiopi», nataq'aen da'me damaĝajoĝolegue qaedi qoyanaye jaga'me sodoso.

Juan 18:7

Joñe'me Jesús yitaĝa 'viyelaĝalegue da'me yena't jogaa'me: —¿Jach'e ga'me anechetaque? Qama'le jogaa'me 'viyelaĝadelegue da'me jo'ne joote nenaĝatedegue: —Ga'me Jesús jo'ne Nazaret le'ec.

Juan 18:5

Jogaa'me 'yadeteguet: —Ga'me Jesús jo'ne Nazaret le'ec. Qama'le Jesús enaac: —Naqayem. Ñe'me Judas jo'ne jetaque yanegue joñe'me Jesús, nach'e ena'am 'uo ca'li.

Lucas 2:39

Mane'e ca'li yema yoma't ga'me jo'ne damaĝajoĝolegue ñe'me Jaliaĝanec, qama'le 'viyelaĝadeta di'me Galilea, di'me mach'e layi jo'ne na'ña di'me Nazaret.

Lucas 1:26

Yenoĝodegue gaa'me seis auoĝoyaqa da'me joote qo'uaĝai jañe'me Elisabet, Dios yitaĝa yamaĝa ñe'me piyem le'ec jo'ne Gabriel di'me noicolec lenaĝat Nazaret, jo'ne na'ña di'me aleua jo'ne Galilea.

Mateo 21:11

Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Marcos 1:9

'Uo ga'me nolo' ca'li yovita ñe'me Jesús, chiyaqa'a di'me aleua jo'ne Galilea ga'me noicolec jo'ne Nazaret, qama'le Juan nachilaĝañgui di'me ñache.

Lucas 18:37

Jogaa'me t'aqataĝatem queda'me Jesús jo'ne Nazaret le'ec ta'ya di'me ue'ta,