Mateo 19:29 - Nuevo Testamento Toba Sombrero Negro

²⁹ Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Nuevo Testamento Toba Sur

²⁹ Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

La'aqtaqa Ñim Lo'onatac 'Enauacna 2013

²⁹ Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Mateo 19:29 Referans Kwoze

Filipenses 3:8

Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo

Lucas 14:26

“Qom 'uo ga'me jetaque jayem equegue qama'te da'me loqopich'i jo'ne jayem yanem ja napacalegue ga'me let'a nataq'aen lat'e, jaga'me loua, jogaa'me c'oqo'tolqa, nataq'aen jogaa'me mach'e laqaya'olqa, chayovida'a da'me mach'e 'loyaĝac, qama'le ja yaqanatet ta'le yapaĝaguenatac.

Mateo 16:25

Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem, nach'ega jo'ne qonec'alaĝategue qomle.

Mateo 6:33

Chane'eja 'uaeñe aueloyaque da'me lejaliaĝa joñe'me nataq'aen auauoyi ga'me chimaqachiñe 'me yiyamaĝaden joñe'me, qama'le nach'e ena'am ami qoyanema ena'uaque naa'me naajo' uo'oe.

1 Pedro 4:14

'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.

Mateo 10:22

Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.

Juan 15:19

Ta'le ami ch'e aleua laje', jena'me jiyaĝadipi jo'ne aleua laje'pi ami noqopitalo, qama'le e'n ami ena'ama q'ae'n jogaa'me mach'e laqaya'. Qalaĝaja joote ami yiquiyaqa queda'me joote ami jachiyoĝotauelo joga'me ch'e aleua laje'pi. Chane'eja nach'eda jo'ne chiyaqayi da'me ami niquiya'alo, qa'a male ja ami 'te ch'e aleua laje'.

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

Mateo 5:11

“Nataq'aen ami made'tapolqa qom 'uo ga'me jiyaĝadipi jo'ne ami yejoue'tape nataq'aen ja no'en da'me ami 'yeteque, nataq'aen qom yajouaĝat da'me jayem, qama'le ami qoyedolo'te ga'me yodapecache noqovinaĝanaĝaco 'me t'aĝanataĝana'ape.

1 Corintios 2:9

Qalaĝaja, naq'aeta da'me enapega't naa'me nedii's jo'ne qoyedidiñe ca'li, eet'oi: «Ga'me jo'ne qaya'te yauanapega uotaĝa domachiya, Da'me jo'ne qaya'te uenate'ta ta'le naq'aeta da'me di'yoq, Nach'eda dojo' jo'ne joote Dios yiyamaĝateta't Qaedi yanema gaa'me noqopideta joñe'me.»

Hechos 9:16

Qa'a jaloĝona qomle queda'me jalcote da'me lachoĝodec qa'a jouaĝat da'me yenaĝat.”

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Mateo 19:16

'Uo ñe'me jiyaĝaua yec'ata ñe'me Jesús, qama'le yachimaĝata: —Paĝaguenataĝanaĝaic, ¿jach'e ga'me 'noota ta'le ja'uo qaedi jauana da'me 'yoyaĝac 'me ja 'naidena'a?

Mateo 13:23

Qalaĝaja jaga'me nepeta jo'ne onaĝaic ga'me aleua da'me danaĝalegue yelo'tegueta gaa'me jo'ne domachita da'me 'naqataĝanaĝac qama'le yayate'n nataq'aen onaĝaic ga'me jalayaĝac 'me chiyaqayi, ena'am jaga'me laqata qom chiyaqayi cien jaga'me jala, sesenta uotaĝa treinta jaga'me jala 'me chiyaqayi onole nepeta.”

2 Corintios 5:16

Chiyoqotelegue nayi ja yitaĝa jenaĝa lajo'vi ga'me ch'e qadec'atenaĝanaĝac jo'ne aleua le'ec. Mate mane'e naq'aeta ga'me jec'atenaĝac ca'li ñe'me Cristo, male ja yitaĝa jauoqo da'me dojo'.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Mateo 13:8

Qalaĝaja jaga'me lae tachi'ña ga'me onaĝaic aleua, qama'le onaĝaic ga'me jalayaĝac; 'uo jaga'me cien jaga'me chiyaqayi, laqaya chiyaqayi sesenta, jaga'me laqaya chiyaqayi treinta.

3 Juan 1:7

Qa'a jogaa'me eque' qaedi t'onataĝadeuo'o joñe'me Jesucristo, qama'le ja yacoteguet ga'me lecochaĝa'j jogaa'me jo'ne ja p'etaqadaiquipi.

Lucas 5:11

Qama'le yanedalegue ga'me 'lañaĝa gaa'me licotal, yema yepota'n qama'le quetegue ñe'me Jesús.

Juan 4:36

Jogaa'me jo'ne dapogaĝa'n yacoteguet da'me nejetenague'j, qama'le ga'me lapogue'j 'me yapotena't nach'egaua ga'me jiyaĝadipi jo'ne 'uo da'me 'loyaĝa'j jo'ne ja 'naidena'a, qaedi gaa'me jo'ne danaĝa'n nataq'aen gaa'me jo'ne dapogaĝa'n nalo'ta't da'me made'tapolqa.