Mateo 19:28 - Nuevo Testamento Toba Sombrero Negro

²⁸ Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Nuevo Testamento Toba Sur

²⁸ Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

La'aqtaqa Ñim Lo'onatac 'Enauacna 2013

²⁸ Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Mateo 19:28 Referans Kwoze

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Apocalipsis 20:4

Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.

Apocalipsis 7:4

Qama'le nach'e ena'am jomachilegue jena'me liñi jogaa'me jo'ne joote nayelo da'me 'nanaĝanaĝac: qama'le nalo'taguet ciento cuarenta y cuatro mil, da'me mach'e nedo'ta't jena'me chiyoĝogueta jogaa'me doce lec'oqo'tepi ñe'me Israel.

2 Pedro 3:13

Qalaĝaja da'me qo'mi jeuataqa'ta ga'me piyem jo'ne dalaĝaic nataq'aen ga'me aleua jo'ne dalaĝaic, nach'egaua jo'ne Dios joote qo'mi 'yaĝatema, qama'le ena'uaque ga'me jiyaĝadipi jo'ne ueda'ña nach'e eta't da'me 'noote' nataq'aen da'me yataqatelo'te.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.

Apocalipsis 4:4

Nach'e ena'am ga'me jo'ne equejop jaga'me neje'onaĝaiqui jo'ne lejaliaĝaiqui jauanalo gaa'me laqaya' jo'ne veinticuatro nejaliaĝaiqui' 'me je'onaĝaiqui', nach'egaua jo'ne netañelo jogaa'me veinticuatro 'yaĝaicachidi: yatedañe gaa'me louo jo'ne pagaĝayaqa choqogaa'me yanetayelo naa'me laqai'go gaa'me noqop'al jo'ne oro.

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Hechos 3:21

Mate mane'e nayi Jesucristo cha'li ue'ta di'me piyem chayovida'a qom Dios yiyamaĝate'tape ena'uaque gaa'me uo'oe, nach'e naq'aeta ga'me 'laqatac jo'ne en na'yalo gaa'me 'laqataĝanaĝanaqa jo'ne ja 'nalo'te jo'ne chiyoqoteda'aguet gaa'me noloqo'ote jo'ne 'uaechidiñe.

Mateo 20:21

Jesús yachimaĝata jañe'me: —¿Jach'e ga'me auepaquetaque? Jaga'me enaac: —Auamaĝajoĝolegue qaedi naajo' dojolqa yalaqa onolec ga'me na'ña na'me auayaten nataq'aen laqaya na'ña na'me a'nemaq qom novitequena da'me adejaliaĝa jo'ne onaĝaic.

Apocalipsis 22:2

Chane'eja jena'me laeñi di'me naq'aec jo'ne uañe laeñi jodi'me noic, choqonaa'me lael di'me ñache naje'ma jana'me epaq jo'ne ya'uo da'me nec'alaĝa, qama'le da'me nejalayaĝac onolqa'tape naa'me auoĝoyaqa da'me ya'uo jana'me jala, nalo'taguet doce da'me ya'uo naa'me onolqa'tape 'uoidi. Qama'le nach'e ena'am jaa'me layoqote jogaa'me ep'a onaĝaic da'me yeloteguet queda'me nec'alaĝategue ena'uac joga'me noyaqapi jo'ne aleua laje'pi.

Apocalipsis 12:1

Qama'le 'uo jo'me di'yoq jo'ne 'nanec let'adaic 'me ua'ague di'me piyem: 'uo jaga'me yauo jo'ne qoyen neuoĝoi jañe'me ajeua, choqoñe'me auoĝoic ne'toto naa'me lapia'te, nataq'aen jaga'me cop'a jo'ne netaye jo'me laqaic nalo'taguet doce naa'me uaqachiñil jo'ne netedalegue.

Mateo 6:33

Chane'eja 'uaeñe aueloyaque da'me lejaliaĝa joñe'me nataq'aen auauoyi ga'me chimaqachiñe 'me yiyamaĝaden joñe'me, qama'le nach'e ena'am ami qoyanema ena'uaque naa'me naajo' uo'oe.

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Mateo 19:27

Chane'eja Pedro enaac: —Qo'mi qamqa'me joote yema jepotanaq queda'me am qolaĝague. ¿Jach'e jogamaĝa qo'mi ua'ajopa qomle?

Marcos 10:37

Jogaa'me enapega'ajalo: —Jetaque qo'mi auaje'tema ta'le jonaqa'ña na'me auayaten nataq'aen na'me a'nemaq qom novitequena da'me adejaliaĝa jo'ne onaĝaic.

Apocalipsis 11:16

Qama'le jogaa'me veinticuatro 'yaĝaicachidi jo'ne netañelo jogaa'me nejaliaĝaiqui' jo'ne neje'onaĝaiqui' da'me dajoteda'aguet joñe'me Dios, male naĝadi'ñejop chayovida'a da'me yedaĝateda'agueta naa'me latajoĝoco jena'me aleua, qama'le 'nonaĝachidegue joñe'me Dios,

Apocalipsis 22:5

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.