Mateo 19:21 - Nuevo Testamento Toba Sombrero Negro

²¹ Jesús 'yateguet ñe'me: —Qom jetaque adachimaĝategue, nayi oc qama'le aueme'n yema gaa'me adeuoyaĝaco, yem qama'le auanema jaga'me laicaua jogaa'me piyoĝoyaqa. Qama'le naq'aeta da'me 'uo da'me adeuoyaĝac ue'tague di'me piyem. Yem qama'le auanaequena qaedi jayem oquegue.

Nuevo Testamento Toba Sur

²¹ Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

La'aqtaqa Ñim Lo'onatac 'Enauacna 2013

²¹ Nache So Jesús 'enapeco': –Da 'anshetaique da ỹataqta nalochiguiñi da 'arataxac, qaq no'on da qojec, nache 'aumen 'enauac na 'am hueto'ot, qaq aca lasheue nache 'aỹa'anem na choxoraqpi, yaqto' Ñim Lo'onatac 'Enauacna maye imattalecna 'am ỹami' ca 'araueguec. Qaq da ime, nache 'auanac da Aỹem 'auca'ategue.

Mateo 19:21 Referans Kwoze

Marcos 10:21

Jesús yelochigui joñe'me nataq'aen 'uo da'me lichoĝodenataĝanaĝac, da'me 'yateguet: —'Uo ga'me maliaĝa ja aua'uo: cha'li 'uaeñe auemen yema ga'me jo'ne adeuoyaĝac, nataq'aen auanema jogaa'me jo'ne choĝodayaqolqa. Nach'eda naq'aeta da'me male 'uo da'me adeuoyaĝac jodi'me piyem. Yem qama'le auanaequena, nataq'aen jayem oquegue.

Lucas 18:22

Ca'li domachiya dojo', Jesús 'yateguet: —Maliaĝa 'uo da'me ja aua'uo: auemen yema ga'me jo'ne adeuoyaĝac qama'le auanouelo jogaa'me choĝodayaqolqa. Nach'eda naq'aeta da'me male 'uo da'me adeuoyaĝac di'me piyem. Yem qama'le auanaequena, nataq'aen jayem oquegue.

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Lucas 14:33

Naq'aeta da'me dojo', gamachaqaega da'me ami qom ja yema yaĝanegue ga'me jo'ne yauana, qama'le ja yaqanatet ta'le yapaĝaguenatac.

Hechos 2:45

yeme'n gaa'me 'nale'u nataq'aen ga'me yauata, qama'le gaa'me 'uo da'me louenaĝanaĝa'j qonecolaĝate'talo jaga'me laicaua.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Lucas 9:23

Yem da'me dojo' qama'le t'aqataĝanema ena'uaque ga'me jiyaĝadipi: —Qom 'uo gamachaqaega jo'ne jetaque jayem ue'tajop qaedi yapaĝaguenatac, qama'le 'noota qom ja yitaĝa nenatetala't, nataq'aen 'noota qom nach'e eta't yachitac jaga'me sodoso qama'le jayem equegue.

Juan 10:27

Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue.

Mateo 5:48

'Noota qom yataqachiñe ami chimadichidiñe, nach'e naq'aeta ñe'me Adet'ai jo'ne na'ague di'me piyem yataqachiñe chimaqachiñe.

Lucas 16:9

“Chane'eja nayi ami ja'aĝatema queda'me 'noota ta'le a'uonataĝañiya ga'me neuoyaĝaco jo'ne ja chimadichiñe jena'me aleua da'me anaviquila'ajalo gaa'me anaigaĝa'udi', qaedi qom loiquiaqa' da'me neuoyaĝaco qama'le ñe'me jo'ne ladipa gaa'me 'nachaqa'te jo'ne ja 'naidena'alo nach'e ena'am ami yaconegueta.

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Mateo 16:24

Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

Lucas 6:40

Ga'me napaĝaguenatac ja napacalegue ga'me napaĝaguenoqo't. Qalaĝaja qom yem da'me napaĝaguenaguec, qama'le male ena'am ga'me napaĝaguenoqo't.

Lucas 5:27

Yoĝo'yi da'me dojo', Jesús yenoĝonegue qama'le yauana ga'me lo'o da'me nejetenaguec di'me Roma jo'ne lenaĝat Leví, netaue ga'me nejetenaĝaiqui ñe'me jaliaĝanec jo'ne Roma le'ec. Jesús dojapegue', enaac: —¡Jayem oquegue!

Marcos 8:34

Yem qama'le Jesús yemata'a't gaa'me lapaĝaguenataqa nataq'aen yema joga'me jiyaĝadipi, qama'le enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, nataq'aen 'noota qom yachi jaga'me sodoso qama'le jayem equegue.

Mateo 9:9

Jesús ec, ca'e ga'me ue'ta, qama'le yauana ñe'me jiyaĝaua lenaĝat Mateo, netaue ga'me nejetenaĝaiqui ñe'me jaliaĝanec jo'ne Roma le'ec. Jesús enaac: —Jayem oquegue. Chane'eja Mateo ñijeguem qama'le equegue.

Hebreos 10:34

Qa'a da'me ami yataqata avichoĝodeñi' ca'li jogaa'me jo'ne netedaue jaga'me coñetaĝanaĝaiqui, nataq'aen da'me maliaĝa ami made'tape ca'li qodoĝotaĝaneque gaa'me adadiyamaqataqadi', qa'a auayachiñe da'me 'uo da'me adoĝochi laqaya jo'ne yaguegue da'me 'lonaĝac nataq'aen da'me nach'e eta't ja pal.

Marcos 2:14

Joca'li eque' qama'le Jesús yauana joñe'me Leví jo'ne Alfeo c'oĝot netaue ga'me nejetenaĝaiqui ñe'me jaliaĝanec jo'ne Roma le'ec. Jesús enaac: “¡Jayem oquegue!” Leví ñijeguem ca'li qama'le equegue.

Mateo 8:22

Qalaĝaja Jesús 'yateguet: —Jayem oquegue, qama'le auomachiya'alo ga'me napa'lpi qaedi mach'e yijediñi gaa'me yele'u.

Mateo 4:19

Qama'le Jesús yiyaĝanalo jogaa'me, enaac: —¡Jayem oquiyegue, qama'le ami janema qomle da'me adañoqotaĝanaĝaqui qaedi anec'alaĝachidegue ga'me jiyaĝadipi!

Mateo 19:20

—Ena'uaque naa'me naajo' joote jauo'oe. ¿Jach'e ga'me maliaĝa ja ja'uo?

Mateo 19:22

Ca'li domachiya da'me dojo' ñe'me jiyaĝaua, qama'le jalcote totelegue ca'li ec, qa'a yataqachiñe jalcote da'me leuoyaĝac ñe'me.