Mateo 19:16 - Nuevo Testamento Toba Sombrero Negro

¹⁶ 'Uo ñe'me jiyaĝaua yec'ata ñe'me Jesús, qama'le yachimaĝata: —Paĝaguenataĝanaĝaic, ¿jach'e ga'me 'noota ta'le ja'uo qaedi jauana da'me 'yoyaĝac 'me ja 'naidena'a?

Nuevo Testamento Toba Sur

¹⁶ Nachi anac so nsoq da nau'a so Jesús. Nachi inat, 'eeta': –'Am soxodaic mayi 'auapaxaguenataxaatac, ¿négue't cam so'ot ÿaÿamaqchiguiñi, da yaqto' huo'o ca ica'alaxa mayi chochaq tateec?

La'aqtaqa Ñim Lo'onatac 'Enauacna 2013

¹⁶ Huo'o so nsoq naua'a So Jesús, nache inattac, 'eeta': –'Am Napaxaguenataxanaq ¿negue't cam ỹoqta ỹaỹamaqchiguiñi da so'ot, da yaqto' huo'o ca ica'alaxa chochaq tatec?

Mateo 19:16 Referans Kwoze

Judas 1:21

Naq'aeta da'me ta'le aniyamaĝachetoue da'me loqopich'i joñe'me Dios. Nataq'aen 'noota qom 'uo da'me adeuataqataĝanaĝaqui ga'me nolo' qom ñe'me Qadejaliaĝanec Jesucristo qo'mi yanema da'me 'noyaĝac jo'ne ja 'naidena'a, qa'a jalcote da'me lichoĝodenataĝanaĝac.

Juan 3:15

qaedi ena'uaque jogaa'me jo'ne p'iida'a joñe'me yauata da'me 'loyaĝa'j jo'ne ja 'naidena'a.”

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

1 Juan 1:2

Dojo' 'noyaĝac ca'li naloĝola't qama'le jauanaĝa, nach'eda ja'aĝataqatac nayi; nataq'aen ami jechoĝotaqatapema dojo' 'noyaĝac jo'ne yataqatelegue, da'me jo'ne jalchi'ena ue'tajop ñe'me Qadet'a nataq'aen da'me jo'ne qo'mi naloĝonouelo.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Tito 3:7

Dios qo'mi yichoĝode'n qama'le qo'mi e'n yataqatelo'te q'ae'n. Chane'eja ya'uo yema da'me dojo' qaedi jaqanatetaq ta'le nach'e ena'am jaconaĝaguet qomle ga'me nevitaĝanatac; qo'che' 'uo da'me qo'mi uetauelo 'me qadajoĝonataĝanaĝac, nach'eda da'me 'noyaĝac 'me ja 'naidena'a.

1 Juan 2:25

Dojo' nach'eda jo'ne qo'mi 'yaĝatema joñe'me Jesucristo da'me 'noyaĝac jo'ne yataqatelegue.

Tito 1:2

qaedi yataqachiñe yayate'n jogaa'me queda'me yacoteguet qomle da'me nec'alaĝac 'me qaya'te loiquiaqa'. Dios ja doqovinaĝatac: ca'li maliaĝa ja ye'et jena'me aleua, joote 'yaĝatetac ca'li da'me dojo' qaedi gaa'me lec'oqo'tepi joñe'me nach'e eta't 'uo da'me lec'alaĝa'j.

1 Timoteo 6:19

Qama'le da'me leuoyaĝa'j jalcote da'me necochaĝac gaa'me noloqo'ote jo'ne nate', nataq'aen qom p'iida'a da'me qoyaloĝonalo male yaqanate't da'me nataq'aen tadoue da'me nec'alaĝa jo'ne qaya'te loiquiaqa'.

1 Timoteo 6:12

Nach'e eta't aueloiquitapegue'to jogaa'me adoeco qa'a yataqata 'uo da'me adepe'e, nataq'aen qaedi ja anepaten da'me nec'alaĝa jo'ne qaya'te loiquiaqa'. Nach'ena jenjo' ca'li Dios am yiyaĝana, qama'le nayi yataqata eja da'me adepe'e jo'ne joote qoyec'atetac.

Hechos 16:30

Yenoĝonaqatedegue qama'le yachimaĝatalo jogaa'me: —Ami jaliaĝanaqa, ¿jach'e ga'me ja'uo qaedi jec'alegue?

Romanos 5:21

Qama'le naq'aeta queda'me 'uo da'me 'lañaĝac ga'me noecopi novidaĝat da'me neleuaĝa, nataq'aen ena'am naq'aeta da'me lichoĝodenataĝanaĝac ñe'me Dios 'uo da'me lañoqotaĝanaĝac da'me qo'mi e'n yataqatelo'te nataq'aen qo'mi yanema da'me qat'oyaĝac jo'ne ja 'naidena'a, chiyaqayi ñe'me Qadejaliaĝanec Jesucristo.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Juan 12:25

Ga'me jo'ne ch'e yauotec da'me mach'e nejiyaĝauayaĝac, yejomaĝanac; qalaĝaja ga'me jo'ne ja yema'a da'me netela da'me mach'e nejiyaĝauayaĝac nayi, da'me maliaĝa uetalegue jena'me jenjo' aleua, nach'ega yiyamaĝateta't qaedi 'uo da'me 'loyaĝac jo'ne ja 'naidena'a.

Juan 10:28

Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque.

Juan 6:68

Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 5:39

Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Mateo 19:29

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

1 Timoteo 1:16

Qalaĝaja joñe'me Jesucristo yataqata jayem yichoĝoden, qama'le yaloĝon da'me lepagaĝac da'me jayem. Te'me ja jayem 'te no'en, qalaĝaja jetaque aueñeta qom yataqata jetaque ayoue da'me nec'alaĝa jo'ne qaya'te loiquiaqa'.

Mateo 19:26

Jesús yelochiguilo, qama'le 'yategueta: —Joga'me jiyaĝadipi ja yaqanate't da'me dojo', qalaĝaja ñe'me Dios ja en 'te qalaq.

Mateo 19:15

Qama'le Jesús yachalo'te naa'me loua' jogaa'me ñoqolqa; yem qama'le ca'e ga'me ue'ta.