Mateo 18:7 - Nuevo Testamento Toba Sombrero Negro

⁷ ¡Degueja da'me lachoĝodec jena'me jiyaĝadipi yajouaĝa't gaa'me qoyejapoto nale, qaya'te yaeyaĝan ga'me qoyejapot nale! Qalaĝaja, ¡degueja da'me lachoĝodec qomle ga'me jo'ne yauegouelo da'me loe'j jogaa'me laqaya'olqa!

Nuevo Testamento Toba Sur

⁷ Qaq ¡ÿataqta sa ÿaÿamaxañi da huo'o nam shiÿaxauapi mayi i'oteguet ca lasouaxashit ca lÿa ana 'alhua! Qaq damayi nachi 'eetai' qome da huo'o. Qalaxayi ÿataqta ¡choxodaxaso' qome ca shiÿaxaua mayi chigoqchigui ne'ena nasouaxashitpi!

La'aqtaqa Ñim Lo'onatac 'Enauacna 2013

⁷ Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Mateo 18:7 Referans Kwoze

Lucas 17:1

Jesús 'yaĝatema dojo' jogaa'me lapaĝaguenataqa: “Nach'e eta't 'uo ga'me ami nepoda'tape qaedi auauoyi ga'me adoequi; qalaĝaja, ¡degueja qomle da'me lachoĝodec ga'me jiyaĝaua jo'ne ami yauegouelo da'me adoequi!

1 Corintios 11:19

Qa'a Dios ami yaje'tema da'me mach'e ami ja adaloi'ta't qaedi yataqate' di'yoqochiguilo gaa'me jo'ne 'nañaĝatela'ajalo uetedaue da'me yataqatelegue napaĝaguenataĝanaĝac.

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

Tito 2:8

nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.

Tito 2:5

nataq'aen qaedi joĝodail da'me 'loyaĝa'j, nedo'ta'ajalo, neteleta ga'me 'lachaqa't, choĝodenataĝanaĝail, nataq'aen naeda'ac ta'le uatec'alo jogaa'me loua', qaedi ja qoye'uetac da'me 'laqataĝanaĝac joñe'me Dios.

1 Timoteo 6:1

Gaa'me jiyaĝa'u jo'ne onataĝanaĝayaqa, jalcote 'noota qom yataqata lecochiyalo gaa'me lejaliaĝanaqa uotaĝa yichoĝode'n nale, qaedi ja qoye'uetac joda'me lenaĝat ñe'me Dios, uotaĝa da'me qadapaĝaguenataĝanaĝac.

Hechos 1:16

“Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Marcos 13:7

“Qom auep'iquitapega queda'me 'uo ga'me nalatetapega't jo'ne maqapi'ña jenjo', uotaĝa maqapi'ña di'cha'a, 'noota qom ena'te at'oiyi. Qa'a nach'eda taue ga'me 'uo qomle, qalaĝaja maliaĝa ja laloqo' ga'me loiquiaqa'yaĝac jena'me aleua.

Mateo 16:23

Jesús 'viyelaq ca'li qama'le enapega ñe'me Pedro: —¡Jayem oca'e, Satanás, qa'a ena'am ta'le am japoguelaĝatapecot! Qa'a ja auenate'talo gaa'me uo'oe 'me loqo'te ñe'me Dios, dite gaa'me ch'e lelnataĝaco ga'me jiyaĝaua.